Почесна „Златна Камера 300“ за Јанаки Манаки од ИФФК „Браќа Манаки“ - Канал 5

Култура

Почесна „Златна Камера 300“ за Јанаки Манаки од ИФФК „Браќа Манаки“

 Интернационалниот фестивал на филмската камера „Браќа Манаки“ на синоќешното свечено отворање на фестивалот додели Почесна „Златна Камера 300“ на Јанаки Манаки.

Почесна „Златна Камера 300“ за Јанаки Манаки од ИФФК „Браќа Манаки“

Во 1996 година фестивалот во Битола на Милтон Манаки му додели награда Почесна „Златна Камера 300“ за животно дело, потсети директорот на фестивалот Симеон Мони Дамески.

-Решивме да ја исправиме оваа неправда и затоа оваа година доделуваме Почесна „Златна Камера 300“ за животно дело на Јанаки Манаки, истакна Дамески.

Наградата беше врачена на Милтон, внукот на Јанаки Манаки кој истакна дека фестивалот „Браќа Манаки“ е уникатен фестивал, еден од малкуте фестивали во светот што ги слават кинематогаферите.

-Прв пат мојот татко ја прими наградата златна „Камера 300“ во името на неговиот татко. Голема е честа и благодарност што оваа награда ја добива нашето семејство, и во име на нашиот Јанаки Манаки, истакна внукот Милтон.

Пред аудиториумот во Битола, директорот на фестивалот Симеон Мони Дамески, најави дека наскоро ќе се постави и споменик на Јанаки Манаки кој се очекува да биде во непосредна близина на споменикот на Милтон Манаки што се наоѓа пред НУ Центар за култура, во центарот на градот.

Денеска во Битола ќе бидат промовирани три, од вкупно 18 ѕвезди на „Патеката на славните“ што се наоѓа на Широк Сокак, а почнува од пред киното Манаки каде се поместени ѕвездите на Милтон Манаки, Јанаки Манаки и Данте Спиноти.

Во Битола синоќа почна 45. издание на интернационалниот фестивал на филмската камера „Браќа Манаки“ кој годинава се одржува под мотото „Еден е Манаки“.

Најстариот светски фестивал на кинематогаферите за отворен го прогласи претседателката Гордана Силјановска Давкова која заради престој во странство, своите пораки ги искажа низ видео обраќање.

-Со право важниот и чудесен настан „Браќа Манаки“ ги слави и величи кинематограферите како волшебници и магионичари кои од приказната прават слика и филм. Сите ние имаме лична историја запишана во нашата или нечија меморија. Во книгите или во видеозаписите како што Милтон и Јанаки ги запишале и сочувале големите собитија на почетокот на 20 век, но и малите секојдневни работи и активности. Нивните записи се не само историја, туку и уметност, битолска, национална, регионална и светска. Да продолжиме да ги чествуваме и славиме браќата Манаки. Да ги сакаме, негуваме и славиме, филмот и уметноста, да го живееме животот, оти едни и единствени се браќата Манаки, порача претседателката Силјановска Давкова, прогласувајќи го фестивалот за отворен.

Според востановената традиција, на големата сцена во Битола беше доделена наградата „Златна Камера 300“ за животно дело која му припадна на францускиот кинематографер Бруно Далбонел, а ја врачи претседателот на владата Христијан Мицкоски, наградата за особен придонес во светската филмска уметност ја доби Јоланта Дилевска, а ја врачи градоначалникот Тони Коњановски.

Пред аудиториумот во Битола лауреатот Далбонел истакна дека тоа што сакам да го направам е да му вратам на киното за тоа што киното направи за мене, додека пак Дилевска посочи дека признанието е голема награда за сите филмски работници со кои што таа работела. И благодарам на Македонија за оваа награда, рече Дилевска.

Во името на градот домаќин, гостите ги поздрави градоначаликот Тони Коњановски кој нагласи дека Битола продолжува да биде креативен центар за најдобрите светски директори на фотографијата, откривајќи низ времето нови таленти кои денес важат за врвни уметници на филмската фотографија и кинематографија закитени со наградите од нашиот фестивал.

Церемонијалот на свечено отворање на фестивалот беше заокружен со доделување на наградата „Голема ѕвезда на македонскиот филм“, чиј годинашен добитник е Димитар Грбевски, македонски филмски и телевизиски монтажер.

На филмското платно во Битола во моментов се прикажува филмот „Партенопе“ во кој кинематогафер е Дариа Д’ Антонио.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трагедија во Кина: Најмалку 10 загинати туристи во страшниот тајфун- кампувале покрај река (ВИДЕО)

Најмалку 10 лица загинаа, а 23 други се повредени во ненадејни поплави во округот Вејуан, покраината Гансу, соопштија локалните власти во понеделник.

Трагедија во Кина: Најмалку 10 загинати туристи во страшниот тајфун- кампувале покрај река (ВИДЕО)

Кинеското Министерство за водни ресурси го зголеми нивото на итна реакција при поплави во покраините Џијангси, Хунан и Гуангдонг од ниво четири на ниво три во понеделник поради високиот ризик од ненадејни поплави на планините предизвикани од тајфунот Ноул, објави Стандард.

Џијангси се наоѓа во источна Кина, Хунан во централна Кина и Гуангдонг на југ, објави Синхуа.

Проценките на ризикот покажуваат дека 43 окрузи во трите покраини ќе се соочат со ризик од ненадејни поплави на ниво на црвено предупредување од 8 часот наутро во недела до 8 часот наутро во понеделник, што укажува на голема веројатност за вакви катастрофи.

Министерството испрати уште два работни тима во Џијангси и Хунан за да помогнат и да ги водат активностите за контрола на поплавите на терен.

Министерството ги повика локалните одделенија за водни ресурси внимателно да го следат движењето на тајфунот и неговите последици, обрнувајќи посебно внимание на локациите со висок ризик, како што се планинските водотеци, населените области во близина на клисурите, градилиштата, туристичките места во долините и областите низводно и низводно од мостовите.

Ненадејна поплава предизвикана од обилни дождови денес ја погоди туристичката локација на градот Дингси, објави новинската агенција Ксинхуа.

Ненадејната поплава однесе група кампери во областа, а досега е потврдено дека загинале 10 лица.

Локалната полиција, противпожарните служби и други спасувачки екипи веќе пристигнаа на местото на настанот за да извршат спасувачка операција, а активностите на терен се во тек, јавува кинеската агенција.

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Планината Олимп од денеска е на пописот на УНЕСКО за светско наследство

Грција изрази задоволство од впишувањето на планината Олимп, највисоката надморска височина во земјата и заштитен природен резерват, а според грчката митологија, „домот“ на античките богови, на списокот на светско наследство на УНЕСКО.

Планината Олимп од денеска е на пописот на УНЕСКО за светско наследство

„Од денес, митската планина Олимп станува планина на целото човештво“, напиша премиерот Киријакос Мицотакис на својата Фејсбук страница.

Тој истакна дека „вклучувањето на место на списокот на светско наследство е значајно национално достигнување“ и со тоа Олимп им се придружува на уште две грчки локации кои претходно беа вклучени на истата листа, традиционалните села Загори во северозападниот грчки регион Епир (2023) и античките минојски палати на Крит (2025).

Едногласна одлука во Бусан

На 48-та седница на Комитетот за светско наследство на УНЕСКО, која се одржа од 19 до 29 јули во Бусан, Јужна Кореја, „пошироката област на Олимп“, чиј врв се издига на надморска височина од 2914 метри, беше едногласно вклучена на списокот на природни и културни места на светско наследство.

Сместен во северниот дел од земјата, Олимп е една од најбогатите области со биодиверзитет во Европа. Тој е дом на повеќе од 2.000 растителни видови, од кои десетици не постојат никаде на друго место во светот, а е познат и по својата ретка фауна, истакнуваат експертите.

Бројни туристи го посетуваат „овој центар на грчката митологија, за кој пишувал Хомер, опишувајќи ги дванаесетте грчки богови и нивните палати“, според соопштението на УНЕСКО.

Хомерски Олимп: Дом над облаците

Во своите епови Илијада и Одисеја, Хомер го опишал Олимп како вечно живеалиште на грчките богови, сместен на врвот на планината со исто име. Тој го прикажал како место над облаците каде што нема ветер, дожд или снег, туку владее вечна светлина и веселост.

За министерката за култура Лина Мендони, вклучувањето на Олимп на списокот на светско наследство „ја потврдува непоколебливата посветеност на Грција за заштита, подобрување и одржливо управување со нејзиното културно и природно наследство“.

„Олимп е планината што ја ширела грчката митологија и цивилизација низ целиот свет преку хомерските епови и античката грчка литература“, истакна таа.

Нормандија и Судан на истата листа

Во недела, заедно со Олимп, кралската тврдина Лангедок и плажите на сојузничките трупи за време на Денот Д во француската Нормандија, како и саваната Бома-Бадингило во Судан, беа додадени на листата на светско наследство на УНЕСКО.

Тагови: УНЕСКО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Новиот британски премиер: Подготвен сум да му се спротивставам на Трамп

Премиерот Енди Бурнам е подготвен да му се спротивстави на Доналд Трамп доколку смета дека е потребно да ги брани британските национални интереси. 

Новиот британски премиер: Подготвен сум да му се спротивставам на Трамп

Тој ја даде изјавата во своето прво големо интервју откако ја презеде функцијата, во кое нагласи дека британските интереси се негов апсолутен приоритет, објавува Би-Би-Си.

Односи со Трамп

Во ексклузивно интервју, чиј целосен текст ќе биде објавен утре, Барнам рече дека нивниот првичен контакт бил добар и дека американскиот претседател бил „навистина срдечен“. Сепак, кога беше директно прашан дали му верува на Трамп, тој го избегна одговорот.

„Светот се менува, нели? Очигледно мора да одговориме на ситуациите како што се развиваат“, коментираше тој. Кога беше прашан дали би му се спротивставил на Трамп доколку е потребно, тој одговори потврдно. „Секако. Мора да ги браните сопствените национални интереси пред сè. Тоа е она што се очекува од вас ако сакате правилно да ја работите оваа работа“, рече тој.

Тој додаде дека не може да ја исклучи можноста дека во одреден момент неговите ставови ќе се разликуваат од оние на Трамп или дека ќе „мора да заземе став што е подобар за Британија“. Барнам, исто така, изјави дека е „загрижен“ што американскиот претседател започнал конфликт со Иран и истакна дека „нема да се двоуми да каже што мисли дека е исправно“.

Премиерот го темели својот став, како што вели, на блискоста со граѓаните. „Мојата сила е во тоа што сум близок до луѓето и јавноста, а тоа нема да се промени дури ни сега кога сум премиер“, рече тој.

Неопределен рок за буџетот за одбрана

Премиерот не сакаше да прецизира кога владата ќе почне да издвојува 3% од БДП за одбрана. Неговиот министер за финансии Џон Хили во претходната влада поднесе оставка токму поради ова прашање и рече дека земјата нема да биде безбедна ако не се обврзе на тоа ниво на трошење до 2030 година.

„Го назначив новиот министер за финансии целосно свесен за неговите изјави за критичната важност на инвестициите во одбраната и ставот што го зазеде во врска со ова во минатото“, рече Барнам. „Нашиот прв заеднички предизвик е да обезбедиме целосно финансирање на планот за инвестиции во одбраната.

Тоа е наш приоритет и мора да го решиме до моментот кога буџетот ќе биде усвоен подоцна оваа година“. Кога повторно беше прашан за конкретното ветување дека алокациите ќе се зголемат на 3% од БДП, тој одговори: „Мора да најдеме начин да го оствариме тоа“.

Во интервјуто, Барнам за прв пат експлицитно ја отфрли можноста за одржување предвремени парламентарни избори пред 2029 година. „Ќе го исклучам тоа... Не мислам дека луѓето го сакаат тоа“, рече тој, нагласувајќи дека неговиот фокус е на „враќање на земјата таму каде што припаѓа“.

Тагови: Доналд Трамп Премиер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер