Култура

Почесна „Златна Камера 300“ за Јанаки Манаки од ИФФК „Браќа Манаки“

Интернационалниот фестивал на филмската камера „Браќа Манаки“ на синоќешното свечено отворање на фестивалот додели Почесна „Златна Камера 300“ на Јанаки Манаки.

Во 1996 година фестивалот во Битола на Милтон Манаки му додели награда Почесна „Златна Камера 300“ за животно дело, потсети директорот на фестивалот Симеон Мони Дамески.

-Решивме да ја исправиме оваа неправда и затоа оваа година доделуваме Почесна „Златна Камера 300“ за животно дело на Јанаки Манаки, истакна Дамески.

Наградата беше врачена на Милтон, внукот на Јанаки Манаки кој истакна дека фестивалот „Браќа Манаки“ е уникатен фестивал, еден од малкуте фестивали во светот што ги слават кинематогаферите.

-Прв пат мојот татко ја прими наградата златна „Камера 300“ во името на неговиот татко. Голема е честа и благодарност што оваа награда ја добива нашето семејство, и во име на нашиот Јанаки Манаки, истакна внукот Милтон.

Пред аудиториумот во Битола, директорот на фестивалот Симеон Мони Дамески, најави дека наскоро ќе се постави и споменик на Јанаки Манаки кој се очекува да биде во непосредна близина на споменикот на Милтон Манаки што се наоѓа пред НУ Центар за култура, во центарот на градот.

Денеска во Битола ќе бидат промовирани три, од вкупно 18 ѕвезди на „Патеката на славните“ што се наоѓа на Широк Сокак, а почнува од пред киното Манаки каде се поместени ѕвездите на Милтон Манаки, Јанаки Манаки и Данте Спиноти.

Во Битола синоќа почна 45. издание на интернационалниот фестивал на филмската камера „Браќа Манаки“ кој годинава се одржува под мотото „Еден е Манаки“.

Најстариот светски фестивал на кинематогаферите за отворен го прогласи претседателката Гордана Силјановска Давкова која заради престој во странство, своите пораки ги искажа низ видео обраќање.

-Со право важниот и чудесен настан „Браќа Манаки“ ги слави и величи кинематограферите како волшебници и магионичари кои од приказната прават слика и филм. Сите ние имаме лична историја запишана во нашата или нечија меморија. Во книгите или во видеозаписите како што Милтон и Јанаки ги запишале и сочувале големите собитија на почетокот на 20 век, но и малите секојдневни работи и активности. Нивните записи се не само историја, туку и уметност, битолска, национална, регионална и светска. Да продолжиме да ги чествуваме и славиме браќата Манаки. Да ги сакаме, негуваме и славиме, филмот и уметноста, да го живееме животот, оти едни и единствени се браќата Манаки, порача претседателката Силјановска Давкова, прогласувајќи го фестивалот за отворен.

Според востановената традиција, на големата сцена во Битола беше доделена наградата „Златна Камера 300“ за животно дело која му припадна на францускиот кинематографер Бруно Далбонел, а ја врачи претседателот на владата Христијан Мицкоски, наградата за особен придонес во светската филмска уметност ја доби Јоланта Дилевска, а ја врачи градоначалникот Тони Коњановски.

Пред аудиториумот во Битола лауреатот Далбонел истакна дека тоа што сакам да го направам е да му вратам на киното за тоа што киното направи за мене, додека пак Дилевска посочи дека признанието е голема награда за сите филмски работници со кои што таа работела. И благодарам на Македонија за оваа награда, рече Дилевска.

Во името на градот домаќин, гостите ги поздрави градоначаликот Тони Коњановски кој нагласи дека Битола продолжува да биде креативен центар за најдобрите светски директори на фотографијата, откривајќи низ времето нови таленти кои денес важат за врвни уметници на филмската фотографија и кинематографија закитени со наградите од нашиот фестивал.

Церемонијалот на свечено отворање на фестивалот беше заокружен со доделување на наградата „Голема ѕвезда на македонскиот филм“, чиј годинашен добитник е Димитар Грбевски, македонски филмски и телевизиски монтажер.

На филмското платно во Битола во моментов се прикажува филмот „Партенопе“ во кој кинематогафер е Дариа Д’ Антонио.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжи судењето за „Државна лотарија“

Само владата можела физички да организира игри на среќа во Државна лотарија, додека Казинос Аустриа го имала тоа ексклузивно право но само во онлајн просторот, тврдеа денеска пред судот адвокатите на обвинетите .

Само владата можела физички да организира игри на среќа во Државна лотарија, додека Казинос Аустриа го имала тоа ексклузивно право но само во онлајн просторот, тврдеа денеска пред судот адвокатите на обвинетите на рочиштето за проневера при набавка на ВЛТ апарати за државна лотарија во вредност од 9,7 милиони евра. Изнесувајќи ги забелешките на доказите на обвинителството, одбраната тврди дека со самото тоа што владата имала право да организира игри на среќа, практично набавката на апарати за таа намена не е криминал. Одбраната тврди и дека тие апарати се уште се наоѓаат во Лотарија.

– Основната забелешка е дека оној договор што го има Казинос Аустриа има ексклузивитет исклучиво на приредувањето на електронските игри на среќа. Во однос на автоматите, односно набавка и приредување игри на среќа со автомати, тој ексклузивитет го нема . Ниту во еден дел на ова обвинение во однос на ниту еден од овие лица не се тврди дека со набавката на овие апарати било кој стекнал противправна имотма корист за себе. Тие апарати и ден денеска се наоѓаат во лотарија на македонија,- изјави Еленко Миланов, адвокат на првообвинетиот Перпарим Бајрами.

Двајцата обвинители денеска внимателно ги слушаа забелешките на одбраната, откако на претходното рочиште презентираа над 200 материјални докази – владини одлуки, финансиски трансакции за набавка на апаратите и документација за основање на заедничко друштво, преку кои најавија дека во наредниот период ќе докажат на кој начин секој од обвинетите ги пречекорил своите службени овластувања и направил кривично дело и повеќемилионска штета на државниот буџет.

Првообвинет во овој случај е поранешниот директор на Лотарија Перпарим Бајрами, кој на денешното рочиште беше спроведен од затворот Шутка, откако на 9 септември по речиси две години бегство сам и се предаде на домашните органи. Следното рочиште со изведување на материјалните докази на одбраната ќе се одржи на 30 септември. Покрај Бајрами, во случајот за проневери во државна лотарија обвинет е и поранешниот прв вицепремиер Артан Груби, како и уште шестмина други.

Македонија

Тројца од обвинетите за фалсификувани возачки дозволи признаа вина - осудени се на затворски казни

Две и пол години затвор доби вработената во МВР која фалсификувала возачки дозволи за камиони и автобуси, а по една година и три месеци затвор добија двајцата возачи опфатени во случајот.

Пресудите ги изрече Кривичниот суд, со што експресно заврши скандалот со фалсификуваните возачки дозволи, откако тројца обвинети ја признаа вина, потврди на брифинг со новинарите .претседателката на Кривичнио суд, Даниела Димовска...Притворот на тројцата обвинети кои признаа вина им е продолжен. Тројца од шетсте лица опфатени во истрагата, во моментов се недостапни за органите на прогонот.

Од Обвинителството информираат и дека во рамките на истиот предмет се преземаат дополнителни дејствија за обезбедување докази против уште 21 лице, осомничени како посредници или корисници на фалсификуваните возачки дозволи.

утре треба да продолжи и еден од најобемните судски процеси, за пожарот во дискотеката „Пулс“ во Кочани во кој загинаа 63 лица, а повеќе од 200 беа повредени.

Како што информираше оретседатлкката на кривичен димовска, досега ниту едно рочиште не било одложено .. Откако обвинителствто заврпи сои изведувањето на доказите, Утре во Идризовото одбраната че продолжи со изведувањето на своите докази а во текот на доказната постапшка ќе сведочат дури 244 лица..

Во меѓувреме, на 3 октормври завршува притворот на газдата на пулс, првообвинетиот Дејан Јованов – Деко.. Согласно Законот за кривична постапка, притворот не може дополнително да му биде продолжен, бидејќи в сабота се навршува една година од одобрувањето на обвинителниот акт. Поради тоа, Судот по службена должност ќе треба да одлучи со какви други мерки ќе го обезбеди неговото присуство во натамошната постапка

Одбраната на јованов најави гаранција во имот вреден речиси 200 илјади евра, со образложение дека со тоа дополнително ќе се гарантира дека тој нема да ја напушти државата. Но, одлука засега нема. Списите за гаранцијата се испратени до Јавното обвинителство, од каде, според Судот, сè уште нема пристигнато мислење.

„До денеска не се вратени од ОЈО. Нема мислење и ние не можеме да одлучиме. На 3 октомври истекува. Ќе почекаме до петок.“, информираат од – Кривичен суд.

Од Обвинителството за канал 5 изјавија дека кусо информирата дека, доколку има дополнителни информации за Јованов, јавноста дополнително ќе биде известена.

Свет

Тепачка меѓу пилоти принудно приземји авион во Саудиска Арабија, Израел ги крена борбените авиони

Тепачка меѓу пилоти го приземји авионот на Флај – Дубаи со 174 патници и првично предизвика стравувања дека леталото е киднапирано..

Во авионот кој полетал од Дубаи кон Тел Авив принудно слетал во Саудиска Арабија, откако поради физичката пресметка во кабината бил активаран сигнал за тревога, а Израел превентивно покренал и бобени авиони, пренесува сајтот „Инет Њуз“.

A violent altercation and stabbing in the cockpit of a FlyDubai flight over Saudi Arabia this morning caused the 737-8 to plummet 18,400 feet in just under two minutes, exceeding its maximum operating speed by nearly 100 kts. The aircraft landed safely in Tabuk. https://t.co/POg0WCN1WS
— OSINTtechnical (@Osinttechnical) September 30, 2026

Сепак, инцидентот доби и поинаква интерпретација. Дел од израелските медиуми, повикувајќи се на сведоштва на патници во авионот, објавија дека едниот пилот наводно бил избоден со нож од друг и дека патниците помогнале да се изнесе напаѓачот од пилотската кабина. Според написите, контролата ја презеле други двајца пилоти кои се наоѓале во авионот..