Победи за македонските репрезентации на шаховската Олимпијада - Канал 5

Други спортови

Победи за македонските репрезентации на шаховската Олимпијада

Машката и женската репрезентација на Македонија забележаа победи во 10.коло на шаховската Олимпијада во норвешкиот град Тромзо.

Победи за македонските репрезентации на шаховската Олимпијада
Мажите ја совладаа Данска со 2,5:1,5. Победата ја обезбеди Филип Панчевски кој на втората табла беше поуспешен од Расмусен, а на останатите три табли партиите завршија реми. Покрај Панчевски во македонскиот состав беа и Трајко Недев, Никола Митков и Влатко Богдановски.

На женскиот дел од турнирот Македонија во Габриела Коскоска, Бојана Бејатовиќ, Драгана и Ивана Манова беше убедлива против Ангола 3,5:0,5. Ремизираше Бејатовиќ, останатите три Македонки победија.

Денеска на Олимпијадата е слободен ден. Во пресрет на 11.коло машката македонска репрезентација е на 37.место со 13 бодови во конкуренција на 177 репрезентации.

Женската селекција се наоѓа на 83.место со 9 бодови во конкуренција на 136 земји учеснички на Олимпијадата.

Во последното коло, утре мажите играат со Киргистан, додека девојките за противник ја имаат интернационалната селекција составена од лица со посебни потреби - ИПЦ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Реал Мадрид ја губи трката по Родри, капитенот на Шпанија на чекор од Барселона

Пресврт околу трансферот на капитенот на светскиот шампион Шпанија, Родри.

Реал Мадрид ја губи трката по Родри, капитенот на Шпанија на чекор од Барселона

Најдобриот фудбалер од 23 Мундијал, ја избира Барселона.

Иако со недели се поврзуваше со Реал Мадрид, капитенот на шпанската репрезентација, Родри, е пред трансфер во Барселона.

Родри го направи клучен чекор кон трансфер во Барселона.

Според „Марка“, фудбалерот синоќа ја известил управата на каталонскиот клуб дека сака да му се приклучи на тимот на Ханси Флик.

Оваа одлука практично ја исклучи секоја можност за премин во Реал Мадрид, пренесува „Марка“. Барселона сега може да започне со подготовките за трансферот. Клубот ја обезбеди согласноста на играчот за започнување преговори со Манчестер Сити. Сепак, договорот нема да биде едноставен, бидејќи се очекува отштетата да изнесува најмалку 50 милиони евра – сума што клубот неофицијално ја потврди.Клубот неофицијално ја потврди веста.

Тагови: Родри

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Видео: Наредена итна евакуација на населението, откажани летови

Тајфун се движи кон Јапонија. Се евакуираат 260 илјади луѓе.

Видео: Наредена итна евакуација на населението, откажани летови

На стотици илјади луѓе во југозападен Јапонија им беше наредено да се евакуираат, а денес беа откажани повеќе од 500 летови додека тајфунот „Долфин“, кој се движи бавно, се приближува кон регионот, носејќи силни ветрови, обилни врнежи и високи бранови.

Тајфунот од прва категорија носи ветрови со максимална брзина од 144 километри на час, со удари што достигнуваат и до 198 километри на час, и се приближува кон низата острови меѓу регионот Кјушу и префектурата Окинава, соопшти Јапонската метеоролошка агенција (JMA), пренесува Ројтерс.

Властите издадоа наредби за евакуација на речиси 260.000 жители во префектурите Кагошима и Окинава, додека „Тојота“ денеска го прекина производството во девет фабрики.

Надлежните очекуваат тајфунот Делфин да ја задржи својата јачина додека се приближува кон Окинава, носејќи ризик од ветрови што би можеле да оштетат или урнат одредени објекти.

Јапонската метеоролошка агенција (JMA) предупреди дека може да се формира и линеарен појас на дожд – односно тесен појас на интензивни врнежи и грмотевици – што би можело да предизвика поплави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активен е пожарот во с.Грешница во Македонски Брод, под контрола се пожарите во депонијата Делчево и во гостиварско

До 7 часот и 30 минути денеска на територијата на Македонија се регистрирани вкупно 23 пожари на отворен простор, од кои еден е активен, два се под контрола, а 20 пожари се изгаснати.

Активен е пожарот во с.Грешница во Македонски Брод, под контрола се пожарите во депонијата Делчево и во гостиварско

Информира утрово Центарот за управување со кризи. Активен е пожарот во местото Стојанова населба во село Грешница во општината Македонски Брод, каде што гори ниска вегетација, деградирана шума и грмушки.

Под контрола е пожарот на депонијата во Делчево и пожарот во гостиварското село Паталишта, каде што е зафатена ниска вегетација и нискостеблеста шума.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер