Победа над Фарски острови - македонските ракометари се пласираа на светско

Најдобрата машка ракометна репрезентација на Макеоднија со херојска победа над незгодната селекција на Фарските острови во бараж реваншот од 34-26 во преполната арена Борис Трајковски обезбеди девето учество на Светските првенства.

Црвено жолтите водени од осмиот играч публиката со маесгтрална игра во одбрана и организиран и убиот напад ја неутрализираа негативата од првиот меч од 7 голови од гостувањето кај Фарските острови и извојуваа уште една историска побеа во еден бараж двомеч со кој го продолжуваме континуитетот на учества на големите натпреварувања.Македонија во јануари во 2025 ќе биде дел од СП во Хрватска, Данска и Норвешка.

Избраниците на селекторот Лазаров го положија најтешкиот тестот на зрелост во вистински момент, комбинираната македонска селекција од млади и искусни ракометари го заборави лошиот ден од првиот бараж меч во Торшавн и со храбра и зрела игра на домашен терен направи хеојски подвиг вреден виза за светски шампионат.

Во одличната селекција на Македонија најзаслужни за големиот триумф се маестралните Пешевски и Кузмановски со 8 односно 7 голови и брзиот и неверојатен Митев со шет погодоци.

-Не сум изнеинаден од пласманот, ова е еден од најсреќните денови во мојот живот , изјави по историскиот триумф селекторот Кире Лазаров.

По големиот и заслужен успех нашите најдобри ракометари заедно со раководството на ракометната федерација во соблекувалната со песната „Едно име имаме“ го прославија седмото учество во низа на еден ракометен мундијал.

Црвено жолтите со изданието во Скопје уште еднаш докакажаа и покажаа дека македонските ракометари никогаш не треба да се отпишуваат дури и во моментите кога се во скоро безизлезна позиција.

ВМРО-ДПМНЕ: Коцевски е одговорен за ставањето под закрила на политичките криминалци од СДС-ДУИ

 Љупчо Коцевски е одговорен за ставањето под закрила на политичките криминалци од СДС и ДУИ.

Македонија мора да функционира како правна држава, неопходни се коренити реформи во правосудството.

Функционирањето на Коцевски повеќе од 8 месеци е поразително. Коцевски со месеци ги штити поранешните функционери од СДС и ДУИ.

Љупчо Коцевски 8 месеци нема покренато ниту едно обвинение. Љупчо Коцевски е целосно одговорен за не постапувањето и неработењето на обвинителите под него.

Љупчо Коцевски е одговорен за ставањето под закрила на политичките криминалци од СДС и ДУИ. Коцевски наместо да работи на владеење на првото и да го санкционира криминалот тој ја продлабочува недовербата на граѓаните во правосудството.

Коцевски не постапува по наводите за криминал. Коцевски и ЈО со прст не мрднаа по мноштвото докази кои излегоа во јавноста за сторен криминал. За Коцевски не постои институтот за отворање на предмет по допрен глас.

СДС поради контрола на судството инсталираше обвинители и судии избрани во Струмица и Зајас кои не постапуваат по наводите за криминал.

Извештајот на Транспаренси каде Македонија има пад од 12 места на светскиот индекс на корупција покажува дека токму правосудството е најслабиот столб во општеството во кое граѓаните имаат доверба од само 2 проценти.

Коцевски треба да знае дека правдата не смее да чека, граѓаните заслужуваат правда и не можат повеќе да трпат неуспех, несериозност и непрофесионалност од судиите и обвинителите.

ЈО на чело со Љупчо Коцевски наместо да го санкционира криминалот ги штити политичките елити блиски до СДС и ДУИ со што предизвикува ерозија на судскиот систем и недоверба во јавните институции.

ВМРО-ДПМНЕ

Американскиот државен секретар почнува посета на држави од Европа и од Блискиот исток

Американскиот државен секретар Марко Рубио во следните денови ќе бид во посета на држави од Европа и на Блискиот Исток, соопшти Стејт департментот.

Од 13 до 18 февруари Рубио ќе ги посети Германија, Израел, Саудиска Арабија и Обединетите Арапски Емирати. Државниот секретар ќе престојува во Минхен на 13 февруари на годишната безбедносна конференција, каде со меѓународните партнери ќе разговара за повеќе американски приоритети. Во Минхен ќе учествува и на состанокот на министрите за надворешни работи на Г7.

Од 15 до 18 февруари Рубио ќе ги посети Израел, Саудиска Арабија и ОАЕ. Разговорите на државниот секретар со високи претставници на тие земји ќе го потврдат интересот на САД за развој на регионалната соработка, стабилност и мир. Фокусот на тој дел од неговата турнеја ќе биде ослободувањето на американските и сите други заложници на Хамас, напредокот во втората фаза од договорот за прекин на огнот во Газа и спротивставувањето на дестабилизирачките акции на иранскиот режим и неговите поддржувачи, објави Стејт департментот на својата веб-страница.

Претрес во Скопје, пронајдена марихуана, приведено едно лице

Полициски службеници од СВР Скопје синоќа во 22.40 часот на подрачјето на Чаир, ја лишиле од слобода В.К.(22) од Скопје.

При претрес во нејзиниот дом и други простории, извршен со судска наредба, соопштија денеска од МВР, биле пронајдени и одземени три ќеси со марихуана и еден куршум.

По целосно документирање на случајот, против неа ќе следува кривична пријава по брза постапка по член 215 од Кривичниот законик.

притисни ентер