Победа над Фарски острови - македонските ракометари се пласираа на светско

Најдобрата машка ракометна репрезентација на Макеоднија со херојска победа над незгодната селекција на Фарските острови во бараж реваншот од 34-26 во преполната арена Борис Трајковски обезбеди девето учество на Светските првенства.

Црвено жолтите водени од осмиот играч публиката со маесгтрална игра во одбрана и организиран и убиот напад ја неутрализираа негативата од првиот меч од 7 голови од гостувањето кај Фарските острови и извојуваа уште една историска побеа во еден бараж двомеч со кој го продолжуваме континуитетот на учества на големите натпреварувања.Македонија во јануари во 2025 ќе биде дел од СП во Хрватска, Данска и Норвешка.

Избраниците на селекторот Лазаров го положија најтешкиот тестот на зрелост во вистински момент, комбинираната македонска селекција од млади и искусни ракометари го заборави лошиот ден од првиот бараж меч во Торшавн и со храбра и зрела игра на домашен терен направи хеојски подвиг вреден виза за светски шампионат.

Во одличната селекција на Македонија најзаслужни за големиот триумф се маестралните Пешевски и Кузмановски со 8 односно 7 голови и брзиот и неверојатен Митев со шет погодоци.

-Не сум изнеинаден од пласманот, ова е еден од најсреќните денови во мојот живот , изјави по историскиот триумф селекторот Кире Лазаров.

По големиот и заслужен успех нашите најдобри ракометари заедно со раководството на ракометната федерација во соблекувалната со песната „Едно име имаме“ го прославија седмото учество во низа на еден ракометен мундијал.

Црвено жолтите со изданието во Скопје уште еднаш докакажаа и покажаа дека македонските ракометари никогаш не треба да се отпишуваат дури и во моментите кога се во скоро безизлезна позиција.

Тошковски се сретна си претставници на Меѓународната организација за миграции

Претставниците на ИОМ му честитаа на министерот Тошковски за изборот и му изразија поддршка за најавените реформи во Министерството за внатрешни работи.

Министерот за внатрешни работи Панче Тошковски денеска одржа работен состанок со Лаура Лунгароти, субрегионален координатор за Западен Балкан на Меѓународната организација за миграции (ИОМ) и Соња Божиновска Петрушевска, шеф на канцеларијата на ИОМ во Република Македонија, соопшти МВР.

Претставниците на ИОМ му честитаа на министерот Тошковски за изборот и му изразија поддршка за најавените реформи во Министерството за внатрешни работи.

Лунгароти го истакна значењето на добрата соработка помеѓу Министерството за внатрешни работи и ИОМ, особено во делот на граничното управување.

Таа го информираше министерот Тошковски дека во моментот ИОМ е фокусиран на областа поврзана со доброволно враќање на мигранти, како еден од главните приоритети на Европската Унија и очекува успешна соработка и поддршка од страна на Министерството за внатрешни работи во овој дел.

Претставниците на ИОМ нагласија дека досегашната материјална и техничка помош што му беше пружена на МВР преку проекти финансирани од страна на ЕУ ќе продолжи и понатаму, како и дека ваквата поддршка може да биде зголемена во блиска иднина.

Министерот Тошковски се заблагодари за поддршката што Меѓународната организација за миграции ја дава на Министерството за внатрешни работи.

Тој истакна дека Министерството за внатрешни работи ќе работи кон јакнење на капацитетите за обезбедување на државните граници особено во делот за интегрираното гранично управување,а во исполнување на оваа цел ќе биде потребна поддршка и од страна на ИОМ, се наведува во соопштението од МВР.

Канцеларијата на Високиот комесаријат за човекови права го поздрави ослободувањето на Aсанж

Канцеларијата на Високиот комесаријат за човекови права на ОН го поздрави ослободувањето на Џулијан Асанж од британски затвор.

Канцеларијата на Високиот комесаријат за човекови права на Обединетите нации го поздрави пуштањето од затвор во Велика Британија на основачот на „Викиликс“, Џулијан Асанж.

„Го поздравуваме ослободувањето на Џулијан Асанж... во Велика Британија и значителниот напредок кон конечно решавање на овој случај без дополнително притворање“, изјави Елизабет Тросел, портпаролка на Канцеларијата на Високиот комесаријат за човекови права на Обединетите нации.

Асанж, чија сага трае речиси 15 години, се согласи да се изјасни за виновен пред американското правосудство за да биде ослободен по пет години минати во британски затвор.

Се очекува утре тој да се појави пред американскиот федерален суд на Маријанските острови. Потоа ќе му се даде право да патува во Австралија, соопшти Викиликс.

Според Тросел, „случајот Асанж“ покренува голем број прашања за човековите права.

„Премногу долгото задржување на Асанж е исто така причина за загриженост. Ќе продолжиме да го следиме развојот на ситуацијата во наредните денови“, рече Тросел.

Во Србија повлечена серијата на лекови Рудакол за третман на симптоми на иритабилна црева

Агенцијата за лекови и медицински помагала на Србија (АЛИМС) излезе со соопштение дека се повлечени од оптек серија лекови Рудакол кои се користат за лекување на симптоми на иритабилни црева, јави дописникот на МИА од Белград.

Како што наведуваат, за ова биле информирани од претставништвото на компанијата, која е носител на лиценцата за лекот во Србија.

Во известувањето се наведува дека претставништвото на компанијата доброволно ја повлекува од промет серијата лек Рудакол, капсула со продолжено ослободување, 30X200 mg.

-Лекот се повлекува од превентивни причини. Наведената серија се повлекува поради неисправност во квалитетот на лекот. Не се идентификувани потенцијални безбедносни ризици поврзани со таа неисправност, се наведува во соопштението.

Датумот на истекување на серијата на лекот што се повлекува е април 2025 година, а првата дистрибуција беше на 26 јули 2022 година.

Како што е наведено во упатствата за лекот, Рудакол се користи за лекување на симптоми на синдром на нервозни црева (SIC) и слични проблеми.

притисни ентер