Европа

Победа на европските земјоделци: Суспендиран е мега договорот на ЕУ со Меркосур

Европскиот парламент со тесно мнозинство одлучи да побара мислење од Судот на правдата на Европската Унија за трговскиот договор на ЕУ со Меркосур, одложувајќи го неговото спроведување за најмалку две години.

334 пратеници гласаа за испраќање на договорот до Судот на правдата на ЕУ, додека 324 гласаа против. Одлуката на Парламентот значи дека договорот не може да стапи во сила сè додека Судот на правдата на Европската Унија не го достави своето мислење, процес што може да трае до 24 месеци, објави Јутарњи.

Договорот беше потпишан во име на ЕУ во Парагвај во саботата од страна на претседателката на Европската комисија, Урсула фон дер Лајен. Трговскиот договор, за кој се преговара 25 години, се опишува како еден од најголемите и најважните трговски договори што ЕУ некогаш ги склучила.

Тој би создал слободен пазар за повеќе од 700 милиони потрошувачи.

Иако договорот доби поддршка од квалификувано мнозинство од земјите-членки во Советот на ЕУ, силниот притисок од земјоделците во некои земји доведе до тоа членовите на Европскиот парламент да одлучат да го одложат неговото спроведување, барем додека Судот на правдата на Европската Унија не донесе одлука за него.

Тагови: земјоделци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Не помина интерпелацијата за министерот Панче Тошковски

Со 77 гласа против, 58 за и 17 воздржани во Собранието не беше изгласана интерпелацијата за министерот за внатрешни работи, Панче Тошковски, поднесена од Левица.

На гласањето му претходеше жестока расправа во Собранието. Опозицијата обвинува за селективно постапување на полицијата, политички мотивирани акции, безбедносни пропусти...

Тошковски пак, во иницијативата гледа евтин политички обид да се закочи расчистувањето со криминалот и корупцијата..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

На Пелистер спасена мала срна која била нападната од куче (ВИДЕО)

Вработените во јавната установа Национален парк Пелистер спасија мала срна која била нападната од куче бездомник.

Од установата на Фејсбук објавија дека малата срна ја спасил раководителот на помошно-техничкото одделение и ренџер во установата.

По спасувањето, вработените презеле дополнителни активности за срната повторно да биде вратена во својата природна средина. Со помош на емитирање на звуци малата срна повторно беше споена со својата мајка“ посочуваат од Националнот парк Пелистер.

Тагови: НП Пелистер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.