По триесет години ново концертно пијано во тетовското музичко училиште - Канал 5

Култура

По триесет години ново концертно пијано во тетовското музичко училиште

Во Државното музичко училиште „Тодор Скаловски-Тетоец“ во Тетово од денес ќе се користи ново концертно пијано, кое го заменува старото по околу 30 години активно користење.

По триесет години ново концертно пијано во тетовското музичко училиште

Концертното пијано пристигна изутринава и со специјална механизација со кран беше пренесено од возило во концертната сала. Потоа следуваше оспособување на механиката и тестирање од страна на професорите по пијано.

- По триесетина година добиваме полуконцертно пијано Бехштајн, модел Хофман. Министерството за образование ја согледа нашата голема потреба и ни обезбеди средства за да може да добие училиштето вакво концертно пијано. Имаме навистина голема потреба од вакво пијано со кое сега ќе имаме можност за четворо рачно свирење. Денешниов ден ќе се памети во нашето училиште. Пијаното ќе се користи секојдневна работа, концерти, натпревари, семинари, информираше директорот на училиштето, Новица Соколовски.

Во музичкото училиште најголем интерес за изучување на инструмент е токму пијаното.

- Во нашето училиште во основниот оддел имаме околу 600 ученици од кои околу 250 го изучуваат пијаното како инструмент. Има голем интерес, гледаме да биде достапно за сите. Добро би било да имаме простории за индивидуална настава затоа што се изучуваат голем број инструменти, изјави директорот Соколовски.

ДМУ „Тодор Скаловски-Тетоец“ заедно со паралелки во Струга има и 250 ученици за средно образование. Пијаното е произведено во компанијата која во 1853 ја основал Карл Бехштајн и од кога се прават овие инструменти во Германија. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Погоден танкер во Ормускиот теснец

Агенцијата за поморски трговски операции на Велика Британија соопшти дека во Ормускиот теснец, во близина на брегот на Оман е погоден танкер од „непознат проектил“.

Погоден танкер во Ормускиот теснец

Моторот на бродот е оштетен, но нема повредени луѓе и причинета еколошка штета.

Инцидентот се случи околу 20 километри североисточно од оманскиот град Лима.

Иран бара бродовите да ја користат рутата низ ормуска теснина долж неговиот брег, повторувајќи дека само рутата одредена од Техеран е безбедна за пловидба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Евроњуз: ЕК ја изгуби институционалната меморија и капацитет од последниот бран на проширување

Проширувањето на ЕУ се забрзува, но во надлежниот оддел на комисијата снемува капацитет за управување со преговорите со неколку земји-кандидатки одеднаш – тврди бриселскиот медиум Евроњуз повикувајќи се на свои извори.

Евроњуз: ЕК ја изгуби институционалната меморија и капацитет од последниот бран на проширување

Притисокот врз Европскиот генерален директорат за проширување и источно соседство се должи на забрзаното затворање на преговарачките поглавја од страна на четири земји кандидатки, што изискува значително прераспределување на ресурсите а според Евроњуз, проблеми со внатрешниот капацитет има и Советот на ЕУ.

„Генералниот директорат, како и многу други оддели на комисијата, во голема мера се потпира на привремени договори и малку постојани службеници. Ова значи дека има висока стапка на флуктуација на кадри и малку искуство во затворањето на преговорите, со оглед на тоа дека последната примена земја во блокот беше хрватска во 2013 година.„ – пишува Евроњуз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку деветмина загинати при руските напади врз Киев

Русија ноќеска повторно ја нападна украинската престолнина Киев со балистички ракети, при што загинаа и беа повредени повеќе луѓе. 

Најмалку деветмина загинати при руските напади врз Киев

Според државната служба за вонредни состојби на Украина, бројот на жртвите изнесува најмалку девет. Повредени се 23 лица.

Градоначалникот на Киев, Виталиј Кличко на телеграм објави дека градот утрово е нападнат со балистички ракети.

-Експлозии одекнуваат во градот. Киев е нападнат со балистички ракети. Скријте се во засолништата за бомби, наведе Кличко.

Градови беа цел на обемен руски напад. Според украинските власти, низ целата земја тогаш загинале најмалку десет лица, а десетици биле повредени.

Големи штети претрпе и градот Лавов на западот од земјата, во близина на полската граница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер