Формула

По точно седум години од тешката несреќа, Шумахер комуницира само со очите

Поминаа седум години од ужасната несреќа што го снајде Михаел Шумахер додека скијал на француските Алпи.

Седумкратниот шампион во Формула 1 се симнувал по необележаниот дел од патеката во одморалиштето Мерибел и изгубил контрола над скиите, паднал и ја удри главата во карпа.

Од тој несреќен 29 декември 2013 година, многу малку се знае за здравјето на Шумахер, а информациите доаѓаат претежно од извори блиски до семејството, а не од самото семејство.

Шумахер веднаш по несреќата со хеликоптер е пренесен во најблиската болница, каде лекарите утврдиле дека неговата состојба е критична. Тој е пренесен во Гренобл, Франција, каде што бил подложен на две операции, по што е ставен во индуцирана кома за да се зачува што е можно повеќе од функцијата на мозокот.

Набргу потоа, на 3 јануари, на роденденот на Мајкл, неговата портпаролка Сабине Кем изјави за новинарите собрани пред болницата во Гренобл дека семејството нема да каже ниту збор за состојбата на Мајкл. Ова создаде многу шпекулации за неговата состојба, дури и дека со текот на годините самиот Мајкл го замолил семејството да не им ги соопштува на јавноста информациите за неговата состојба.

Во јуни 2014 година, Шумахер излезе од индуцираната кома, а неговата портпаролка потврди дека може да слушне и да одговори на допир. Исто така е објавено дека Шумахер ја напушта болницата во Гренобл и го продолжува закрепнувањето во неговиот дом на Женевското езеро.

Иако не е познато каде е Мајкл денес, за неговата моментална локација неодамна зборуваше поранешната сопруга на Флавиус Бриаторе, Елизабета Грегорачи. Бријаторе е поранешен шеф на тимот на Рено, од времето кога Шумахер возеше за Ферари, додека Грегорачи е модел и телевизиска sвезда.

„Мајкл е преселен во Шпанија и неговата сопруга изгради болница во куќата“, рече Грегорачи.

Шпанските медиуми објавија информација дека семејството Шумахер е во Мајорка во Вила Јасмин. Ја купила сопругата на Шумахер, Корина во 2017 година од претседателот на Реал Мадрид, Флорентино Перез. Без разлика дали Шумахер е на Балеарите или не, малку се знае за неговата состојба. И кога тоа е случај, тогаш луѓето како Грегорачи добиваат важност.

"Шумахер не зборува. Тој комуницира само со очите. Само на три лица им е дозволено да го видат", додаде поранешната сопруга на Бријаторе во италијанска ТВ-емисија.

Од споменатата 2014 година, Шумахер е буден и минува низ процес на рехабилитација, но исто така малку се знае за него.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Лајка | Месечен преглед – Септември 2026

Месечен билтен на ЈП Лајка.

Благодарение на поддршката од граѓаните, вдомувачите, волонтерите и нашите партнери, секој месец правиме уште еден чекор кон подобра благосостојба на животните во Скопје

Месецот во бројки

Зад секоја бројка стои конкретна активност, теренска интервенција и грижа за едно куче.

Погледнете ги клучните резултати од работата на ЈП Лајка во текот на Септември

172 Заловени

124 Стерилизирани/кастрирани

44 Вдомени

105 Вратени на локација

Секој месец, теренските тимови на ЈП Лајка постапуваат по пријави на граѓани и спроведуваат планирани активности низ општините во Скопје.

Во продолжение погледнете како изгледа теренската работа по општини и колку кучиња беа опфатени со програмата за хуман третман во секоја од нив.

Во Општина Аеродром во текот на месецот беа заловени и подложени на предвидениот хуман третман 25 кучиња.

Пријави од граѓани: 16

Од подрачјето на Општина Бутел беа заловени и третирани вкупно 39 кучиња, согласно програмата за хуман третман на бездомната популација.

Пријави од граѓани: 14

Теренските активности во Општина Гази Баба резултираа со заловување и третман на 18 кучиња во текот на месецот.

Пријави од граѓани: 21

Во Општина Ѓорче Петров беа заловени и третирани 15 кучиња од повеќе локации на територијата на општината.

Пријави од граѓани: 7

Во текот на месецот, од подрачјето на Општина Карпош беа заловени и третирани 24 кучиња.

Пријави од граѓани: 7

Тимовите на ЈП Лајка заловија и третираа 29 кучиња од територијата на Општина Кисела Вода.

Пријави од граѓани: 14

Од различни локации на територијата на Општина Центар беа заловени и третирани вкупно 23 кучиња.

Пријави од граѓани: 9

Од територијата на Општина Чаир беа заловени и третирани 2 кучиња.

Пријави од граѓани: 0

Безбедност на терен за време на големите градски настани

Во септември, теренските тимови на ЈП Лајка беа дополнително ангажирани во пресрет на Скопскиот маратон и „Бела ноќ“. Активностите беа насочени кон централното градско подрачје и долж трасата на маратонот, каде поголем број бездомни кучиња беа привремено згрижени во прифатилиштето. Целта беше превентивно да се обезбеди безбедно одвивање на настаните за граѓаните и учесниците, а истовремено и безбедност на самите кучиња во услови на зголемена фреквенција на луѓе и сообраќај

Стратешко заловување со засилен теренски капацитет

Во септември, ЈП Лајка за првпат ја организираше теренската работа со четири екипи за заловување, со активности во проширен временски период од 05:00 до 20:00 часот. Екипите стратешки делуваа на територијата на Кисела Вода, Центар и Гази Баба, согласно однапред утврден план за заловување.

Паралелно со планираните активности, продолжи и ургентното постапување по пријави од граѓани, општини и институции на целата територија на Скопје, во првиот можен момент, а најдоцна во рок од 24 часа

Секое заловено куче поминува низ ветеринарен преглед и, согласно неговата состојба и програмата на ЈП Лајка, соодветен ветеринарен третман, стерилизација/кастрација, вакцинација против беснило, микрочипирање и идентификација

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Стабилен е пензискиот систем

Стабилен е пензискиот систем, ова утринава го изјави претседателот на владата Христијан Мицкоски.

За критиките од Фискалниот совет за зголемувањето на пензиите. тој рече дека од една страна има оптеретување на буџетот , а од друга страна имаме намалување на сиромаштијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Демонстранти и полицијата се судрија пред косовскиот парламент

Демонстранти и полицијата се судрија пред косовскиот парламент.

Протестот што се одржа пред зградата на парламентот на Косово ескалираше во судир меѓу полицијата и демонстрантите, откако тие се обидоа да го блокираат објектот и да не им дозволат на пратениците да излезат додека не ги изгласаат измените на законот за специјалниот суд.

Демонстрантите, како што пренесоа регионалните медиуми, во еден момент почнале да фрлаат пиротехнички средства кон зградата на парламентот и да палат контејнери, на што полицијата возвратила со солзавец со цел да ја потисне толпата и да ја смири ситуацијата.

Претходно, парламентот ги усвои измените во прво читање, но конечното гласање е сè уште под знак прашалник.

Иницијативата на демократската партија на Косово за измена на законот за специјалниот суд во Хаг, меѓу другото предвидува, максимална казна од 15 години затвор, можност за жалба до Врховниот суд и издржување на казната во Косово.

.Протестите избувнаа по пресудите против Хашим Тачи и уште тројца поранешни команданти на ОВК, кои беа осудени на затворски казни од 13 до 25 години. Пресудите предизвикаа силна реакција во Косово. Предложените законски измени треба да ги ограничат дел од надлежностите на судот, меѓу другото во однос на должината на казните и правните лекови.денеска, е двојно критичен ден за Косово. Институциите треба да најдат излез и од спорот околу специјалниот суд и од блокадата околу претседателот. Неуспехот би значел продолжување на уличните тензии, но и уште еден изборен циклус во земја која веќе подолг период функционира под силен политички притисок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.