Забава

По седумгодишна пауза, Бијонсе ја најави својата турнеја, фановите веќе бараат билет повеќе

Пејачката Бијонсе најави светска турнеја на која ќе одржи дури 43 концерти, а ќе го претстави и својот познат албум Renaissance, пишува Би-би-си.

Турнејата ќе започне во Шведска на 10-ти мај, а ќе продолжи една недела подоцна на стадионот „Принципатити“ во Кардиф. Вкупно Бијонсе ќе одржи пет настапи во Обединетото Кралство, што значи дека турнејата продолжува во Единбург на 20 мај, потоа во Сандерленд на 23 мај и на лондонскиот стадион на фудбалскиот тим Тотенхем Хотспур на 29 и 30 мај.

View this post on Instagram

A post shared by Beyoncé (@beyonce)

Турнејата потоа ќе продолжи во текот на јуни во Лион, Барселона, Марсеј, Келн, Амстердам, Хамбург, Франкфурт и Варшава. Почнувајќи од јули, Бијонсе ќе го започне северноамериканскиот дел од турнејата, која започнува во Торонто на 8 јули и продолжува во Филаделфија, Луисвил, Чикаго, Њујорк, Бостон, Мајами, Лас Вегас, Лос Анџелес, Хјустон и ќе заврши во Њу Орлеанс на 27 септември.

Имено, побарувачката за влезници се очекува да биде голема, со оглед на тоа што ова е нејзина прва соло турнеја од 2016 година, а влезниците во претпродажба за нејзините настапи во Велика Британија стартуваа денеска во 10 часот. Билетите се пуштаат во редовна продажба во вторник, неколку дена подоцна.

Да потсетиме, 41-годишната Бијонсе пред две недели настапи на луксузното отворање на хотелот Atlantis The Royal во Дубаи, враќајќи се на сцената по неколку години. ТМЗ тврди дека на добитничката на Греми ѝ биле платени 24 милиони долари за да настапи на споменатото отворање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Денеска (06.08.2026) во Министерството за внатрешни работи беше потпишан Меморандум за соработка меѓу Министерството за внатрешни работи – Биро за јавна безбедност и Министерството за финансии – Биро за јавни набавки.

Меморандумот го потпишаа директорот на Бирото за јавна безбедност, Александар Јанев, и директорката на Бирото за јавни набавки, д-р Маре Богева Мицовска.

Со потпишувањето на меморандумот се воспоставува рамка за унапредување на меѓусебната институционална соработка, со цел зголемување на ефикасноста во размената на податоци по електронски пат, организирање континуирани обуки, како и развивање други форми на соработка од делокругот на работењето на Бирото за јавна безбедност и Бирото за јавни набавки.

Меморандумот ги уредува и начините на остварување координација и меѓусебна соработка во областа на спречувањето и сузбивањето на корупцијата и криминалот поврзани со јавните набавки, преку поефикасна размена на информации и заеднички активности во рамките на законските надлежности на двете институции.

Со оваа соработка двете институции ја потврдуваат својата заедничка заложба за зајакнување на институционалните капацитети, транспарентноста и интегритетот во системот на јавните набавки, како и за поефикасна борба против корупцијата и криминалот во оваа област.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ферати – Дрекслер: Дијалогот меѓу заедниците и зајакнувањето на младите, столбови на европскиот пат

Министерот Агон Ферати денеска ја прими германската амбасадорка во Северна Македонија, г-ѓа Петра Дрекслер.

На средбата беа разгледани заедничките приоритети за унапредување на процесите што поттикнуваат инклузивност, еднакви можности, меѓусебна доверба и изградба на поинклузивно и поодржливо општество. Соговорниците ја истакнаа важноста од продолжување на реформите и политичката посветеност како клучни фактори на патот кон интеграцијата на земјата во Европската Унија.

Министерот ја информираше амбасадорката за годишната програма на Министерството за односи меѓу заедниците и за планираните активности кои имаат цел директно да придонесат за зајакнување на општествената кохезија, промовирање на дијалогот и јакнење на довербата меѓу етничките заедници. Во таа насока беше нагласена потребата од продолжување на заедничките институционални напори за создавање стабилна клима на соработка и меѓусебно разбирање.

На средбата се разговараше и за идните проекти и можностите за реализација на нови иницијативи од заеднички интерес. Посебно внимание беше посветено на активното вклучување на младите во консултативните процеси при изработката на стратегиите, како и при спроведувањето на различните активности на Министерството, со цел нивниот глас и перспектива да бидат составен дел од идните политики и проекти што придонесуваат за развојот на општеството и приближувањето кон Европската Унија.

Прес служба на кабинетот на министерот за односи меѓу заедниците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Земјата е енергетски безбедна, сакаме да ја намалиме цената на струјата, а не да ја покачиме

Македонија не се соочува со енеретски удар заради низок водостој на акумулациите како во делови од Европа, напротив земјава е енергетски безбедна, изјави премиерот Мицкоски.

Владата вели тој не размислува на покачување туку на намалување на цената на струјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.