По протестот на опозицијата во Тирана, во притвор седуммина граѓани - Канал 5

Балкан

По протестот на опозицијата во Тирана, во притвор седуммина граѓани

Кривични пријави за 21 пратеник и 19 претставници на партии.

По протестот на опозицијата во Тирана, во притвор седуммина граѓани

По синоќешниот протест на опозицијата во Тирана, со две и пол часовно блокирање на пет главни улици во градот, и судири со полицијата, во притвор завршија седуммина учесници, додека кривични пријави поднесени се против 21 пратеник и 19 претставници на политички партии.

-Притворените се на возраст од 21 до 59- годишна возраст, а се товарат за „Попречување на нормалното одвивање на сообраќајот“ „Спротивставување на полициски службеник“ „Организирање и учество во собири и нелегални демонстрации“ „Нарушување на јавниот ред и мир“. Под истите обвиненија против 21 пратеник и 19 претставници на политички партии, се поднесени кривични пријави и ќе се бранат од слобода, стои во полициското соопштение.

Се додава дека од досегашните истраги, произлегува дека за време на протестот, со блокирање на главни улици во Тирана, пратеници или претставници на политичките субјекти Демократската партија, Републиканската партија и Партијата на слободата, повикале на блокади, иако биле предупредени дека тоа е кривично дело и насилно се однесувале кон полициските службеници.

Материјалите се доставени до Обвинителството во Тирана за понатамошна постапка.

Во меѓувреме полицијата ги отфрли обвинувањата на лидерот на демократите Сали Бериша, за прекумерна употреба на сила врз Агрон Ѓекмаркај, потпретседател на партијата, пратеник и потпретседател на албанскиот парламент, кој исто така обвини дека бил нападнат од полицијата.

Ѓекмаркај во еден момент изгуби свест на протестот, веднаш му беше дадена помош од екипа на брзата помош и пренесен со амбулантно возило во клиниката за трауматологија, каде синоќа го посети Бериша. Тој денеска ја напушти болницата.

Бериша, кој по една година учествуваше на протест, порача дека граѓанска непослушност ќе продолжи се до исполнување на нивните цели, техничка влада и слободни избори. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај утре во Скопје поради посета на делегација од Република Косово

На 27.10.2026 (вторник) во официјална посета нa Македонија ќе присуствува претседателката на Собранието на Република Косово, Н.Е. г-ѓа. Албулена Хаџиу.

Посебен режим на сообраќај утре во Скопје поради посета на делегација од Република Косово

Од тие причини Единицата за безбедност на патниот сообраќај ќе преземе мерки за посебен режим на сообраќајот во централното градско подрачје на Град Скопје.

Апелираме до сите граѓани учесници во сообраќајот да се почитуваат наредбите кои ќе ги даваат полициските службеници.

Тагови: режим на сообраќај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Упад на Информер: Драма на телевизија, Вучиќевиќ повика полиција

Група од неколку десетици луѓе, се собраа пред ТВ Информер вечерва, а подоцна упаднаа во редакцијата.

Упад на Информер: Драма на телевизија, Вучиќевиќ повика полиција

Меѓу нив е и Дијана Хрка, мајка на една од жртвите од уривањето на настрешницата на железничката станица во Нови Сад.

Видео на кое се гледа групата пред Информер беше објавено на социјалните мрежи.

„Да одржиме колегиум заедно“, стои во описот на видеото, во кое се слуша викање од толпата.

Група луѓе насобрани упаднаа во Информер

Главниот уредник на Информер, Драган Ј. Вучиќевиќ, рече дека групата тропала по прозорците и вратите и дека, како што тврди, „скршиле една од вратите на влезот во телевизиската станица“.

„Тропаат по прозорците, скршија една врата, сега одат на другиот влез. Сакаат да провалат“, рече главниот уредник на Информер.

За време на емисијата, тој ја повика полицијата да реагира.

Вучиќевиќ го повика лидерот на Студентската листа, Илија Срдановиќ, да реагира во живо на програмата.

Потоа толпата упадна во редакцијата, вклучувајќи ја и Дијана Хрка.

Како што може да се види во преносот во живо на телевизија, неколку компјутери беа скршени.

Полицијата пристигна пред Информер во полна опрема.

Драган Ј. Вучиќевиќ ја напушти редакцијата во придружба на група насобрани луѓе

По расправија со Дијана Хрка и другите присутни, главниот уредник на Информер Драган Ј. Вучиќевиќ ја напушти канцеларијата во придружба на насобраните луѓе.

Извор: Блиц

Тагови: Србија Информер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Теа Таировиќ итно оперирана поради внатрешно крварење

Според пишувањата на локалните медиуми, Теа Таировиќ била подложена на итна операција поради внатрешно крварење.

Теа Таировиќ итно оперирана поради внатрешно крварење

Веста за здравствената состојба на популарната пејачка предизвика загриженост во јавноста, откако се појавија информации дека таа во текот на ноќта била хоспитализирана, нејзиниот ПР-тим излезе со соопштение.

Како што пренесува „Блиц“, лекарите одлучиле да извршат итна операција по извршениот преглед. Во соопштението од нејзиниот тим се потврдува дека Теа сега е добро.

Веста за итната операција на Теа Таировиќ ги вознемири нејзините бројни обожаватели, кои со нетрпение очекуваат нови информации за нејзиното закрепнување. Извори за „Блиц“ наведуваат дека пејачката била примена во болница синоќа, а по лекарските прегледи, лекарите утврдиле дека е неопходна итна операција.

Медиумот пренесува дека станувало збор за внатрешно крварење, а според изворите, животот на пејачката бил загрозен. Сериозноста на ситуацијата ја потврдува и фактот што медицинскиот тим реагирал веднаш.

Теа Таировиќ сега е добро, потврдува нејзиниот ПР-тим

По веста за итната операција, стигна информација и од тимот на пејачката. Нејзиниот ПР-тим потврди дека Теа Таировиќ сега е добро, но одбија да изнесат повеќе детали за нејзината здравствена состојба.

„Теа Таировиќ сега е добро. Не сакаме да откриваме детали за нејзината здравствена состојба. Таа лично ќе ѝ се обрати на јавноста штом ќе биде во можност. Ве молиме за разбирање“, изјавија од ПР-тимот на Теа Таировиќ.

Засега нема дополнителни информации за настаните што довеле до хоспитализацијата, ниту пак за тоа колку долго ќе трае нејзиното закрепнување.

Тагови: Теа Таировиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер