Други спортови

По пауза од 5 години македонската женска одбојкарска репрезетација се враќа на меѓународната сцена

Женската одбојкарска репрезентација на Македонија од петок до недела во Херцег Нови ќе настапи на квалификации за Светското првенство што во 2014 година ќе се одржи во Италија. По пауза од пет години ова е прва активност на националната одбојкарска селкција за жени.

На денешната прес конференција селекторот Горан Јаневиќ истакна дека од последната акција на репрезентацијата ги имаме само Марија Петровиќ и Велика Сарајлиева.

- Кус беше периодот на подготовки само три дена, но ќе одиме да собираме искуство, додека во групата фаворит е Хрватска. Ние шанса за победа треба да бараме во дуел со домаќинот Црна Гора, рече Јаневиќ.

Капитенот во нашиот табор е единствената интернационалка Марија Петровиќ, која настапува во грчки Ораикастру.

- Ме радува што повторно оваа селекција е на собир по пауза од пет години. Станува збор за млада екипа, но мора да се мисли на иднината. Во секој случај, чест е да се биде во репрезентацијата, истакна Петровиќ.

Македонската одбојкарска репрезентација на домашен терен од петок до недела ќе ги игра квалификациите за Светското првенство во Полска 2014 година.

Натпреварите од турнирот ќе се играат во СРЦ „Кале“, каде овојпат за потребите на одбојката ќе биде поставен и соодветен тарафлекс (подлога).

- Ние не сме фаворити, иако сме домаќини. Но, ако одиграме на високо ниво може да се надеваме на првото место што за мене е секогаш главна цел. Не очекува силен турнир. Имаме многу позитивни елементи во играта. Оваа екипа има потенцијал, но во модерната одбојка може да победи само екипата, а не може поединецот, изјави селекторот Николај Жељасков на денешната прес-конференција.

Капитенот Никола Ѓоргиев рече дека првиот натпревар е најважен и оти на него мора да дојдат до победа.

- За три дена ќе одиграме три натпревари, а првиот секогаш е најважен. Мора да постигнеме победа на тој дуел и после ќе мислиме на другите натпревари. Имавме жестоко темпо на подготовки, тренинзи и контролни натпревари. Расте нивото на игра и тоа ми се допаѓа што се повеќе личиме на тим, рече Ѓоргиев.

Македонија своите натпревари ќе ги игра во терминот од 18 часот, а противници ќе бидат Албанија (петок), Црна Гора (сабота) и Украина (недела). Другите натпревари почнуваат во терминот од 15:30 часот.

На репрезентацијата денеска последен ќе и се приклучи Вук Карановиќ, а во стручниот штаб се надеваат дека Јовица Симовски и Александар Љафтов ќе ги санираат повредите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Над 3.500 загинати во разорните земјотреси во Венецуела

Бројот на загинати во двата силни земјотреси што ја погодија Венецуела се искачи на 3.535, соопштија властите, додека речиси 18.000 луѓе и понатаму се без покрив над главата, повеќе од една недела по катастрофата.

Според официјалните податоци, во земјотресите со магнитуда од 7,2 и 7,5 степени, повредени се 16.740 лица, а 17.854 се раселени.

Најтешко погодени се главниот град Каракас и крајбрежната област ла Гуаира, каде што продолжуваат спасувачките и хуманитарните активности.

Властите информираа дека најмалку 12.800 лица се сместени во 80 привремени засолништа во Каракас и Ла Гуаира..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

23-годишна девојка од Македонија пронајдена мртва во стан во Солун

23-годишна девојка од Македонија е пронајдена мртва во стан во областа неаполи во Солун, објавија грчките медиуми..

Според информациите, нејзините родители подолго време не можеле да стапат во контакт со неа, по што близок роднина заминал до станот во кој престојувала.

Таму ја пронашол девојката без знаци на живот и веднаш биле известени надлежните служби.

Грчките медиуми јавуваат дека на телото бил извршен првичен преглед, а според досега собраните податоци не биле утврдени траги кои би упатувале на кривично дело..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје започнува инфраструктурни проекти во Кисела Вода и Шуто Оризари

Советот на Град Скопје на денешната седница ја усвои одлуката за меѓуопштинска соработка со општините Кисела Вода и Шуто Оризари, со што се создаваат услови за реализација на повеќе значајни инфраструктурни проекти.

Советот на Град Скопје на денешната седница ја усвои одлуката за меѓуопштинска соработка со општините Кисела Вода и Шуто Оризари, со што се создаваат услови за реализација на повеќе значајни инфраструктурни проекти насочени кон подобрување на квалитетот на животот на граѓаните.

Во општина Кисела Вода ќе се реализира проектот за пробивање и продолжување на улицата „Димо Хаџи Димов“ до кружниот тек. Со ова се овозможува подобро сообраќајно поврзување, зголемена безбедност на сите учесници во сообраќајот, намалување на сообраќајниот метеж и создавање современо инфраструктурно решение за овој дел од градот.

Продолжувањето на улицата „Димо Хаџи Димов“ претставува важен чекор кон подобрување на урбаната мобилност и исполнување на обврските преземени пред граѓаните на Кисела Вода.

Истовремено, започнува реализацијата на неколку капитални инфраструктурни зафати во општина Шуто Оризари. Предвидена е санација на улицата „Македонско-косовска бригада“ 38, санација на главната улица во населеното место Горно Оризари, како и санација на улица „37“ со изградба и унапредување на водоводната мрежа.

Овие проекти претставуваат конкретен одговор на долгогодишните потреби на жителите на Шуто Оризари и значат подобри услови за живот преку изградба на квалитетна инфраструктура, побезбедни улици и сигурно водоснабдување.

Град Скопје останува посветен на рамномерниот развој на сите општини и населени места, со фокус на реализација на проекти кои носат конкретни придобивки за граѓаните. Политиката на рамномерен развој подразбира еднаков пристап кон инвестиции во сите делови на градот, без запоставени населби и без разлика на нивната местоположба.

Во наредниот период следува реализација на нови инфраструктурни проекти во повеќе скопски општини, со цел создавање подобри услови за живот, поквалитетна инфраструктура и современ урбан развој за сите граѓани на Скопје.

Град Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.