По оваа кукла полуде светот, а сега Кина ја забрани: Банките ја користеа како мамкa - Канал 5

Живот

По оваа кукла полуде светот, а сега Кина ја забрани: Банките ја користеа како мамкa

Кинеските власти донесоа одлука да ја прекинат практиката на банките кои подаруваа популарни „Labubu“ кукли и други награди со цел да привлечат нови штедачи. Оваа одлука доаѓа во период кога каматите се ниски, а профитните маргини сѐ помали.

По оваа кукла полуде светот, а сега Кина ја забрани: Банките ја користеа како мамкa

Банките во Кина повеќе нема да смеат да користат вирални подароци како што се „Labubu“ кукли, апарати за домаќинство или подарочни картички за привлекување нови корисници. Оваа пракса, иако ефикасна на социјалните мрежи, според регулаторите – ја загрозува финансиската стабилност и долгорочно ги зголемува оперативните трошоци на банките.

Како започна сѐ?

Промоцијата на банката „Ping An“ неодамна привлече огромно внимание на кинеските социјални мрежи кога понудија Labubu кукла на секој што ќе вложи 50.000 јуани (околу 6.400 евра) на штедна сметка со рок од три месеци. Овие кукли, дело на уметникот Касинг Лунг, стекнаа култен статус благодарение на светски ѕвезди како Лиса од „Blackpink“ и Ријана, кои ги промовираа на своите канали.

Фотографии од штандови пред банките, редици луѓе и кукли во рацете на клиентите брзо го преплавија „Weibo“ и „Douyin“ (кинески TikTok). Но, веднаш следуваше реакција од властите.

„Ова не е одржлива стратегија“

Кинеските регулатори соопштија дека ваквите маркетинг трикови не се долгорочно решение за предизвиците со кои се соочува банкарскиот сектор – пред сѐ поради падот на каматите и намалувањето на профитот. Наместо да се потпираат на подароци, банките се повикани да инвестираат во квалитет на услугите, дигитализација и градење лојалност на клиентите преку реална вредност – а не преку плишани мамки.

– Промоции како „слепи кутии“, апарати за кујна или „Labubu“ кукли може да создадат лажна слика за вредноста на штедењето и да ги насочат банките кон повисоки оперативни трошоци. Ова е време за стратешки пресврт – стои во соопштението на регулаторното тело.

Култниот статус на „Labubu“ куклата

Labubu е измислен лик на тајванскиот уметник Касинг Лунг, чиј бренд „The Monsters“ произведува играчки. Иако првично беа уметнички фигури за колекционери, тие станаа масовен тренд и сѐ почесто се користат како алатка за брендирање – од луксузната мода, па сега и во банкарството.

Забраната на ваквите промоции испраќа јасна порака: кинескиот финансиски сектор мора да се прилагоди на новата реалност, каде што лојалноста на клиентите не може да се купи со подарок, туку мора да се заслужи со квалитетна услуга, пренесува Биз Портал.

Тагови: Кина кукла

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Сенатот му зададе удар на Трамп: Усвоена резолуција за прекин на воената акција против Иран

Американскиот сенат усвои резолуција со која од  Трамп се бара да ја прекине американската воена акција против Иран, што претставува сериозен политички притисок врз администрацијата во екот на конфликтот на Блискиот Исток.

Сенатот му зададе удар на Трамп: Усвоена резолуција за прекин на воената акција против Иран

Со тоа, за првпат по донесувањето на законот за воени овластувања во 1973 година, двата дома на американскиот конгрес усвојуваат мерка со која се бара повлекување на американските вооружени сили од тековна воена операција. Гласањето ја одразува растечката загриженост кај дел од конгресмените, вклучително и некои републиканци, поради конфликтот што започна на 28 февруари, кога САД и Израел започнаа воени напади врз Иран. Иако резолуцијата најверојатно нема директно да ја запре воената кампања, таа се смета за значаен политички удар за Трамп, кој долго време уживаше речиси целосна поддршка од сопствената партија во конгресот. Трамп остро реагираше на одлуката на сенатот, оценувајќи ја како „бесмислена и лошо темпирана“, а пратениците кои гласаа за резолуцијата ги обвини дека со своите постапки му одат во прилог на Иран.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е  интерпелацијата за работата на министерот за внатрешни работи Панче Тошковски поднесена од пратениците од опозицијата.

Интерпелација за работата на министерот за внатрешни работи Панче Тошковски

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер