По масакрот во Цетиње, Црногорците предале 608 парчиња нелегално оружје

Во акцијата „Почитувај го животот, врати го оружјето“, граѓаните во Црна Гора од почетокот на месецов доброволно предале 608 огнено оружје и 19.617 парчиња муниција, соопшти Управата на полиција.

Само вчера во повеќе градови низ Црна Гора доброволно се вратени 47 парчиња оружје, 1.449 парчиња муниција, четири рачни бомби и делови од огнено оружје, објави Телеграф.

Од територијата на Подгорица, Даниловград и Цетиње доброволно се вратени 19 парчиња огнено оружје, од кои 10 пиштоли и девет пушки, 606 парчиња муниција од различен тип и калибар и четири бомби.

Од областите Бар, Херцег Нови и Будва, доброволно се вратени 14 парчиња оружје и 502 парчиња муниција од различен тип и калибар.

Од областите Бијело Поље, Беране, Мојковац и Плав доброволно ѝ се вратени на полицијата вкупно 10 парчиња оружје, од кои шест пиштоли и четири пушки, 184 парчиња муниција и три рамки за пиштоли.

Во Никшиќ и Пљевља вратени се четири парчиња оружје, од кои една пушка и три пиштоли, 157 парчиња муниција и рамка од оружјето.

Од почетокот на јануари до Управата на полицијата доброволно се предадени вкупно 608 огнено оружје, 19.617 парчиња муниција, 60 рачни бомби, како и повеќе делови од оружје и експлозивни направи.

Ова е периодот по масакрот во Цетиње, кога на 11 јануари Ацо Мартиновиќ по расправија во кафана уби 12 лица, меѓу кои две деца, а рани четири лица, од кои едното подоцна почина, пред да се самоубие.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Денеска официјално ќе биде промовирана „Везилка“ – првиот центар за вештачка интелигенција во земјава

Денеска официјално ќе биде промовирана „Везилка“ – првиот центар за вештачка интелигенција во земјава.

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.