По Лејкерси, Лос Анџелес доби шампиони и во бејзбол,нема да се слави титулата

Бејзбол екипата на Лос Анџелес Доџерс го одложува јавното славење на нивната долгоочекувана титула во МЛБ-лигата поради пандемијата на коронавирус, објави клубот.

"Оваа сезона направивме се што сакавме. Но, недостасуваше само една работа - нашите навивачи, најдоброто во бејзболот. Нашите големи навивачи и градот Лос Анџелес, за жал, ќе мора да почекаат со прославата додека не биде безбедно", се вели во објавата на Доџерси.

Доџерс ја освоија Светската серија со победа од 4-2 над Тампа Беј, прва титула од 1988 година. Лос Анџелес Лејкерс, кои ја освоија својата прва титула во НБА од 2010 година на почетокот на овој месец, исто така, чекаат на нивната прослава.

Градоначалникот на ЛА, Ерик Гарсети, за Лос Анџелес Тајмс изјави дека прославата ќе се случи кога ќе дојде време.

„Дефинитивно имам намера да присуствувам на прославата на Лејкерс и Доџерс”, рече Гарсети.

Полицијата вчера вечер по освојувањето на титулата на Доџерс уапси најмалку осум лица и прогласи нелегални собири во две области од градот додека луѓето излегуваа на улиците за да слават.

Американска туристка по 3 години го вратила парчето мермер кое го земала од Рим

Туристка од САД го вратила во Рим со писмено извинување древно парче мермер украдено за време на нејзината посета на вечниот град во 2017 година.

Мермерот бил испратен до Националниот музеј во Рим, парчето древен камен било обележано со ознаката „За Сем со љубов, од Џес, Рим 2017“, пренесува ББЦ.

Пристигна парче камен со порака во која турист моли за прошка за „несовесно однесување и непочитување“.

„Се чувствувам навистина ужасно не само поради тоа што го земав парчето мермер, туку и затоа што пишував по него“, се вели во писмото.

Личноста, за која официјалните лица веруваат дека е жена по име Џес, вели дека таа неуспешно „со часови го гребела и миела мермерот“ во обид да го тргне маркерот од каменот.

Штефан Вергер, директор на музејот, за италијанскиот весник „Ил Месаџеро“ изјави дека вратениот камен не е особено вреден и дека најверојатно е однесен од место како Римскиот форум, кое некогаш било центар на антички Рим.

Тој истакна дека станува збор за млада девојка која пристигнала во Рим во 2017 година и го однела каменот дома како подарок на своето момче.

Фото: Меси во дресот на Марадона се прости од својот идол

Шпанскиот фудбалски гигант Барселона во дуелот од 11 коло во Примера убедливо со 4-0 ја совлада Осасуна.

Мечот на Ноу Камп го одбележа капитенот на Барса, аргентинскиот волшебник Лионел Меси.

Меси го постигна последниот гол за Барселона во 73 минута и голот го прослави во дресот на својот идол Марадона.

Меси го соблече дресот на Барселона и во дресот на Њуелс првиот клуб на Диего Армандо Марадона со број 10 се прости од својот починат идол.

Светскиот шампион Хамилтон најбрз на „огненото“ Гран при во Бахреин

Возачот на Мерцедес Луис Хаилтон е победник на Големата награда на Бахреин од шампионатот во Формула 1.

Трката во Бахреин мина во знакот на инцидентот во кои експлодира болидот на Себастијан Грожан, кој за среќа остана скоро неповреден излегувајќи од запаленото возило.

Актуелниот шампион Хамилтон продолжува со доминацијата во Ф1 циркусот и сигурно чекори кон петтата последователна титула во шампионатот.

Хамитон стигна до 95 победа во кариерата со која ја зголемува предноста од легендарниот Михаел Шумахер, кој застана на 91 триумф.

На победничкиот подиум во Бахреин покрај победникот Луис Хамилтон се искачија и возачите на Ред Бул Макс Верстапен и Александер Албон.

притисни ентер