По 70 години комплетно реновирани просториите на Службата за итна медицинска помош во Струмица - Канал 5

Здравје

По 70 години комплетно реновирани просториите на Службата за итна медицинска помош во Струмица

 По 70 години од основањето и постоењето комплетно се реновирани просториите на Службата Службата за итна медицинска помош и домашно лекување во Струмица. 

По 70 години комплетно реновирани просториите на Службата за итна медицинска помош во Струмица

Со претходно набавените нови возила и опрема заокружена е една функционална целина, со која медицинските тимови добиваат многу подобри услови за работа, а пациентите поквалитетна здравствена заштита.

Од ЈЗУ „Здравствен дом“ Струмица инфомираат дека со зафатот за озбезбедени достојни услови за пациентите и медицинскиот персонал.

-Набавивме нова медицинска и канцелариска опрема. Претходно го обезбедивме возниот парк со две нови комплетни санитетски возила и две нови амбуланти возила исклучиво за транспорт на пациенти, како и едно возило за домашно лекување за руралните средини. Со тоа заокруживме една функционална целина за професионално и стручно работење на Службата за итна медицинска помош и домашно лекување, информира директорката Љубица Митева.

Од Итната медицинска помош додаваат дека новите услови за работа значат многу и за нив, но и за пациентите бидејќи се работи за служба која покрива четири општини и има голем обем на работа.

Во Службата работат четири тимови со по два лекари и три медицински сестри и по еден возач за санитетското возило. Во едно деноноќие Итната помош има околу 20 повици за медицинска помош, а во амбулантата помош бараат меѓу 60 и 80 пациенти.

Од „Здравствен дом“ Струмица најавуваат дека до крајот на годината од сопствени средства комплетно ќе ја обноват линијата за парно затоплување, стара неколку децении. Планирана е набавка на уште еден имунолошки анализатор за Службата за лабораторија која подолго време не е функционална, а се планира и реконструкција на Службата за вакцинација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД ќе заработат милијарди долари откако потпишаа нуклеарен договор со Саудиска Арабија

САД потпишаа значаен договор со Саудиска Арабија, што ќе ѝ овозможи да развива цивилна нуклеарна програма, во што ќе учествуваат и американски компании.

САД ќе заработат милијарди долари откако потпишаа нуклеарен договор со Саудиска Арабија

Текстот од договорот не беше објавен јавно, но американските медиуми објавија дека тој ќе ѝ дозволи на Саудиска Арабија да збогатува ураниум во иднина. Експертите велат дека ова создава ризик од идна нуклеарна пролиферација во веќе нестабилниот регион.

Министерството за енергетика на САД кажа дека покрај договорот за соработка, потпишан е и „двостран договор за заштитни мерки“.

Ова е првпат САД да ѝ помагаат на друга земја да збогатува ураниум на своја територија. објавата уследи среде ескалацијата на војната во иран, што сад ја започнаа во февруари за да го спречат да развие нуклеарно оружје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

ЕУ го одобри новиот пакет санкции против Русија по неколку недели натегања и преговори

Новиот 21 пакет санкции на ЕУ против Москва од Руската инвазија на Украина во 2022 година, вклучува одржување на сегашното ниво на горната граница на цената на руската нафта.

ЕУ го одобри новиот пакет санкции против Русија по неколку недели натегања и преговори

Преговорите за новите економски санкции воведени поради војната во Украина се одолговлекуваа откако неколку земји инсистираа на ублажување на поединечните елементи од пакетот.

На 22 јули беше објавено дека 27-те земји-членки на ЕУ донеле привремена одлука да го задржат горната граница на цената на руската нафта на 44 долари за барел во текот на една недела за да се спречи нејзиното автоматско зголемување.

Мерката има за цел да ги ограничи приходите на Москва од глобалниот извоз на сурова нафта.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром со јавен повик за пријавување штети од силното невреме

Општина Аеродром започнува постапка за обесштетување на граѓаните што претрпеа материјална штета предизвикана од силното невреме што го зафати подрачјето на Град Скопје на 21 јули 2026 година.

Општина Аеродром со јавен повик за пријавување штети од силното невреме

По одржаниот координативен состанок во Град Скопје, Општина Аеродром веднаш формира Комисија за утврдување на фактичката состојба и ја започна постапката за прием на барања, како предуслов за обесштетување на граѓаните, што ќе се реализира во соработка со Владата и со Градот Скопје.

Образецот за пријавување штета е достапен во просториите на Општина Аеродром, а може да се преземе и од официјалната веб-страница на следниов линк:

https://shorturl.at/L3rcJ

Образецот, заедно со потребната документација, се доставува во Архивата на Општина Аеродром секој работен ден од 8:00 до 15:00 часот, во рок од 30 дена од денот на настанување на штетата.

Кон барањето задолжително да се приложат и следниве документи:

Важешка лична карта или патна исправа (фотокопија);

Доказ за сопственост (фотокопија од имотен лист);

Фотографии од локацијата по претрпената штета;

Записник од МВР за настанатата штета;

Општина Аеродром ги повикува граѓаните навремено да ги поднесат своите барања, со цел постапката за утврдување на штетите да се реализира ефикасно и во најкраток можен рок. Сите поднесени пријави ќе бидат разгледани во согласност со законските процедури.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер