По 300 години, „синиот змеј“ повторно забележан во Средоземното Море - Канал 5

Живот

По 300 години, „синиот змеј“ повторно забележан во Средоземното Море

Морскиот мекотел „Glaucus atlanticus“, познат како „син змеј“, повторно е забележан во средоземноморските води по повеќе од три века.

По 300 години, „синиот змеј“ повторно забележан во Средоземното Море

Овој вид полжав без школка, којшто се одликува со своите светлосини и сребрени нијанси, природно ги населува отворените води на Атлантскиот, Тихиот и Индискиот Океан. Неговото присуство во Средоземното Море, затоа, предизвикува значителен научен интерес.

Забележано во водите на Шпанија - кај Аликанте, Балеарските Острови и Торевиеха, и иако изгледа како суштество од бајка со својот речиси „митски“ изглед, ова морско животно, сепак, е високоотровно, способно да предизвика болни убоди, објавува „Дејли дајџест“ (Daily Digest). „Глаукус атлантикус“ е полжав-гастропод којшто нема заштитна школка во својата возрасна фаза. Се храни со токсични организми и ги складира нивните клетки (нематоцисти) како свое средство за одбрана. Неговото мало тело и прилагодливата воздушна ќеса му овозможуваат да лебди во горниот слој на морето.

Убод од „Глаукус атлантикус“, којшто поболен и од оној на многу медузи, може да предизвика силна болка, црвенило, оток, чешање и плускавци во повреденото место. Во поретки случаи, тоа може да предизвика гадење, повраќање, вртоглавица и алергија. И покрај малата величина, неговата отровност веќе доведе до затворање на плажите во областите каде што ова суштество е откриено. Она што е особено занимливо и изненадувачки е прилагодливоста на живот близу морската површина, пишува „Нејшнал џиографик“ (National Geographic).

Појавата на „синиот змеј“ во Средоземното Море може да биде поврзана со промените во морските екосистеми предизвикани од глобалното затоплување, вклучувајќи зголемена температура на водата, промени во соленоста, достапност на храна и изменети морски струи. Присуството на овој вид укажува на динамиката и променливоста на морските заедници и може да послужи како биоиндикатор за промени во екосистемите.

Крајбрежните власти во неколку шпански области воведоа патроли на плажа ова лето за да го следат присуството на овој опасен вид и да ја намалат опасноста по капачите.

„Глаукус атлантикус“ е само еден од повеќе од 500 егзотични видови коишто се проширија низ Средземното Море последниве десетлетија, со директни последици врз биоразновидноста и по безбедноста на луѓето. Други примери се ретката риба-скорпија, чијшто убод може да биде опасен по живот, и синиот рак, кој веќе го прошири својот опсег по поголемиот дел од средоземномрскиот брег.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Изненадување од „Apple“: Еве што ќе биде поевтино

Се вели дека „Apple“ планира да претстави неколку нови модели на „iPad Pro“ и нов „MacBook Pro“ во првата половина од следната година.

Изненадување од „Apple“: Еве што ќе биде поевтино

Компанијата моментално работи на четири модели на новиот таблет со побрзи чипови, објави „Bloomberg“. Исто така, развива нов „MacBook Pro“ „од почетно ниво“, кој интерно го носи кодното име „K104“, објави медиумот. Компанијата, исто така, го таргетира истиот период за лансирање на својот прв „M7“ процесор.

Овие очигледни планови за производи доаѓаат среде гласини за други претстојни изданија (вклучувајќи, можеби, преклоплив телефон), додека компанијата се подготвува за ерата по Тим Кук, а истовремено се бори со проблеми со синџирот на снабдување за кои Кук вели дека ги принудиле да ги зголемат цените.

Зголемувањата на цените се значајни во некои случаи. На пример, „MacBook Pro“ од 1TB неодамна скокна од 1.699 долари на 1.999 долари. Значи, ако компанијата работи на попристапни лаптопи и таблети, ова би било вистинско време да ги претстави.

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Македонските каратисти освоија 20 медали на 38. ЕТКФ Европски шампионат

Македонската репрезентација во традиционално карате на 38. ЕТКФ Европски шампионат за сениори, јуниори и кадети одржан на 5 јули 2026 освои вкупно 20 медали – 4 златни, 6 сребрени и 10 бронзени.

Македонските каратисти освоија 20 медали на 38. ЕТКФ Европски шампионат

Со тоа Македонија го освои третото место во генералниот пласман.

Најуспешен македонски натпреварувач беше Матеј Мангаровски, кој во јуниорска конкуренција освои 3 златни, 2 сребрени и 1 бронзен медал.

Одличен настап имаше и Матеј Јарчевски, кој освои 1 златен, 1 сребрен и 2 бронзени медали во младинска и сениорска конкуренција.

Камелија Недев освои 2 сребрени и 2 бронзени медали во јуниорска и сениорска конкуренција, Лика Билбилов се закити со 1 сребрен медал, Софија Јарчевска освои 3 бронзени медали, а Јана Милевска освои 2 бронзени медали во кати, поединечно и екипно, во сениорска конкуренција.

Во генералниот пласман, Италија го освои првото место, Полска второто, а Македонија третото место.

На Европскиот шампионат настапија 265 натпреварувачи од 12 земји.

Шампионатот свечено го отвори Дејан Недев, во својство на претседател на Европската федерација за традиционално карате (ЕТКФ).

Македонска традиционална карате федерација (МТКФ)

Тагови: карате

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Владата на ВМРО-ДПМНЕ инвестира во младите од август започнува програмата „Месеци на практикантство“ во општините

Вревен приоритет на владата на ВМРО ДПМНЕ се младите за кои се создаваат услови да ја градат својата иднина дома.

ВМРО-ДПМНЕ: Владата на ВМРО-ДПМНЕ инвестира во младите од август започнува програмата „Месеци на практикантство“ во општините

Министерството за локална самоуправа и Агенцијата за иновации, научно-технолошки развој и претприемништво -ИНОВА воспоставуваат стратешка соработка која ќе донесе нов пристап во развојот на општините преку активното учество на младите.

Во текот на август и септември започнува програмата „Месеци на практикантство“, во соработка со државните универзитети преку која студентите директно ќе се вклучат во работата на општините. Наместо да бидат неми набљудувачи, младите ќе станат активни учесници во подобрувањето на локалната самоуправа.

Агенцијата ќе го координира вклучувањето на студентите, додека Министерството за локална самоуправа, преку Ресурсниот центар за поддршка на општините и воспоставениот меморандум за соработка со државните универзитети, ќе ја организира и координира практична работа согласно реалните потреби на општинските администрации.

Додека СДС со години само зборуваа за младите, Владата предводена од ВМРО-ДПМНЕ презема конкретни чекори што отвораат можности и перспективи во Македонија.

Истовремено, преку грант-програмите на ИНОВА ќе се поддржат стартапи, иновативни компании и претприемачи кои ќе понудат конкретни решенија за проблемите на општините. Средствата ќе одат кај идеи што носат резултати, а не кај проекти што завршуваат во фиока.

Владата на ВМРО ДПМНЕ инвестира во младите, се создаваат реални можности за работа, развој и професионално усовршување.

Се креираат повеќе можности за младите, посилни општини и поквалитетни услуги за граѓаните. Државата конечно ги поврзува локалната самоуправа, универзитетите, иновативниот сектор и бизнис-заедницата во еден функционален систем.

Разликата е очигледна. СДС со години ја празнеше Македонија и ги тераа младите да ја бараат својата иднина надвор.

Владата на ВМРО-ДПМНЕ создава услови младите да останат, да работат, да напредуваат и да ја градат својата иднина токму овде.

ВМРО-ДПМНЕ продолжува со политики што носат мерливи резултати, наместо празни флоскули.

Целта на Владата на ВМРО-ДПМНЕ е модерна, развиена Македонија во која младите ќе бидат двигател на промените, а не генерација што ќе биде принудена да замине.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер