По 30 години, конечно научниците се пред откривањето на вакцина против ХИВ/СИДА

По повеќе од 30 години истражувања, може да има ветувачки напредок во потрагата по вакцина за ХИВ, вирусот што предизвикува СИДА доколку не се лекува.

Прелиминарните податоци од клиничките испитувања во рана фаза од страна на Меѓународната иницијатива за вакцини против СИДА (IAVI) и Институтот за истражување Скрипс во Ла Џола, Калифорнија сугерираат дека новата ХИВ вакцина е ветувачка, пишува ABC News.

„Ова се многу рани студии, но сепак се интригирачки“, рече др. Вилијам Шафнер, професор по превентивна медицина и заразни болести на универзитетот Вандербилт во Нешвил, кој бил вклучен во клиничкото испитување.

Иако потенцијалната вакцина ќе треба да се испита понатаму во поголеми студии, експертите се надеваат дека оваа вакцина може да успее таму каде што другите не успеале.

„Ова е многу иновативен пристап кон развојот на вакцините“, рече Шафнер, кој ја опишал основната технологија за вакцинирање како еден вид врвна наука на 21-от век.

Кога ХИВ е откриен како причина за СИДА во раните 1980-ти, истражувачите сметале дека вакцината против вирусот ќе се најде брзо, како што бил случајот со болести како сипаници и хепатитис Б. Покрај тоа, тогашниот министер за здравство на САД Маргарет Хеклер предвидела во 1984 година дека вакцината ќе биде достапна за две години. Истражувачите наскоро откриле дека има повеќе пречки отколку што првично мислеле.

ХИВ е вирус кој брзо мутира, со што станува подвижна цел за вакцините. ХИВ исто така има многу различни подвидови, така што вакцината што нуди заштита од еден подтип на ХИВ може да биде неефикасна од друг. Новото истражување има за цел да ги реши овие тешкотии преку развивање на вакцина што му помага на организмот да направи широко неутрализирачки антитела. Истражувачите се надеваат дека тоа ќе го стимулира имунитетниот систем на една личност против многу видови и мутации на ХИВ.

„Ова истражување се заснова на идентификување на подгрупа на луѓе кои живеат со ХИВ кои произведуваат т.н. широко неутрализирачки антитела за време на инфекцијата, што во основа значи дека овие антитела се способни ефикасно да ја блокираат инфекцијата со различни видови на ХИВ“, рече др. Марк Фајнберг, извршен директор на IAVI.

Клиничкото испитување во фаза 1, кое сè уште трае, вклучува 48 здрави возрасни лица кои примиле две дози вакцина или плацебо, во период од два месеци. Прелиминарните податоци покажале дека 97% од оние кои примиле вакцина ги покажале првите знаци дека нивниот имунолошки систем може да ги произведе гореспоменатите широки антитела.

„Широко неутрализирачко антитело е важно затоа што вирусот може да мутира толку брзо што на заразените им е потребна ловечка пушка, а не обична, за да се спречи целата низа различни типови на конфигурации на ХИВ“, рече Шафнер, додавајќи дека децениското пребарување за ХИВ вакцината, е во целосна спротивност со развојот на вакцината ковид-19, на која науката беше подготвена и успеа многу брзо да развие повеќе вакцини.

Истражувачи од IAVI и Scripps соработуваат со компании како Moderna за да ја разгледаат mRNA технологијата што се користи во развојот на вакцината covid-19. Иако потенцијалната ХИВ вакцина што се испитува во оваа студија не се заснова на технологија mRNA, истражувачите размислуваат како таа технологија може да се користи во иднина за развој на ХИВ вакцина, заклучува ABC News.

Вучиќ за наводниот нон-пејпер на Јанша за прекројување на границите на Балканот: Спијте мирно..

Претседателот на Србија, Александар Вучиќ, изјави дека ја отфрла идејата за промена на границите на Западен Балкан, според која неговата земја ќе ја признае независноста на Косово, а за возврат ќе ја анектира Република Српска.

Во последните денови регионалната јавност се фокусира на наводниот нон-пејпер за промена на границите на балканските држави и нивна реорганизација според етнички линии, а медиумите како автори ги споменуваат највисоките словенечки функционери, што тие го негираат.

Во интервју за сараевската комерцијална телевизија „Фејс“, Вучиќ рече дека не видел никаков документ со кој некој, особено словенечкиот премиер Јанез Јанша, би се залагал за ново цртање на границите во регионот.

Тој истакна дека ваквите идеи се неприфатливи за него. „Поделбата на БиХ нема да се случи. Не ни треба територијата на БиХ“, рече Вучиќ.

Тој додаде дека му ја пренел таквата порака на водачот на босанските Срби и претседател на колективното претседателство на БиХ, Милорад Додик, секогаш кога ќе се сретне со него.

Сепак, тој верува дека Додик има право да размислува како што сака, но не се согласува со него дека српскиот ентитет треба да биде држава.

„Спијте мирно ... Немате причина да се плашите затоа што апсолутен интерес на Србија е мирот и стабилноста“, рече Вучиќ, додавајќи дека мирот меѓу Бошњаците и Србите е од клучно значење и дека тој прави се за да го одржи.

Словенечкиот портал „Нецензуриран“ неодамна ја објави содржината на нон- пејперот без наслов и потпис и напишан на англиски јазик, а ја пренесоа многу други медиуми во Словенија, со предупредување дека не е потврден ниту од Европскиот совет ниту од Европската комисија.

Станува збор за неофицијален дипломатски документ за распарчување на БиХ, припојување на Република Српска кон Србија и обединување на Косово со Албанија и има наслов „Западен Балкан - патот напред“, тврди порталот.

Железничар во последен момент спасува дете пред брз воз (ВИДЕО)

Железничарот Мајур Шелхе му го спаси животот на дете на станицата Вангани во Мумбаи.

Имено, додека детето одело со својата мајка на платформата, тоа паднало на шините и не можел само да се искачи назад. Во тоа време, воз се приближува кон станицата. Мајур не се двоумел, туку веднаш тргна во акција. Скокна на шините и истрча кон детето.

Го зеде детето и го турна на платформата, каде што потоа се искачи. Секунди ги делеа од катастрофа. ЖелезничаротШелхе го ризикуваше сопствениот живот за да го спаси детето. Мајката била со оштетен вид и не можела да го спаси детето, туку очајно барала помош, пишува railpost.in.

Пијуш Гојал, почесен министер за железници, разговарал лично со Мајур Шелхе. Тој ја пофалил неговата храброст и најавил дека Мајур ќе биде награден.

Шведски доктор: Секој ден фрламе стотици дози на вакцината АстраЗенека

Стотици дози на вакцината против ковид-19 на „АстраЗенека“ се фрлаат секој ден во Стокхолм затоа што жителите одбиваат да се вакцинираат со неа, изјави денеска доктор за телевизијата СВТ.

Јохан Стируд од Медицинското здружение на шведската престолнина рече дека нема доволно волонтери за да се вакцинираат со AstraZeneca, затоа вакцината мора да се фрла доколку не се користи во рок од неколку часа.

Во Шведска, британско-шведската вакцина е ограничена на оние над 65 години, откако во светот се пријавени ретки случаи на згрутчување на крвта како несакан ефект на земање на вакцината.

СВТ известува дека некои пациенти ги откажуваат закажаните вакцинации кога ќе дознаат дека ќе примат вакцина АстраЗенека.

Стируд, како и Европската агенција за лекови (ЕМА) и Светската здравствена организација (СЗО), нагласува дека придобивките од оваа вакцина се многу поголеми од ризиците, па ги повика луѓето да се вакцинираат.

притисни ентер