По 20 години темелно се менува најпопуларното Порше (ВИДЕО) - Канал 5

Автомобилизам

По 20 години темелно се менува најпопуларното Порше (ВИДЕО)

Кога на почетокот на милениумот го најавија SUV моделот од Porsche, многумина велеа дека Porsche и SUV не можат да одат заедно.

По 20 години темелно се менува најпопуларното Порше (ВИДЕО)

Денес, 20 години подоцна, Cayenne е основата на продажбата на Porsche, а сега ја доби честа да биде темелно модернизиран пред лансирањето на целосно новата генерација.

Со продадени 95.000 примероци, Cayenne е поуспешен дури и од помалиот Macan (86.000 продадени примероци), а од неговото лансирање регистрирал дури 1,25 милиони продадени примероци. Cayenne ќе биде електричен модел во новото издание, а дотогаш Porsche одлучи да понуди темелно обновена верзија која ќе ги задржи моторите со фосилни горива и по доаѓањето на електричната верзија.

Во однос на дизајнот, новиот Cayenne е само минимално оддалечен од оригиналниот лансиран во 2017 година (Купето пристигна две години подоцна), но треба да се има на ум дека промените се навистина обемни. Порше на тој начин споменува целосно нов преден дел, сѐ со цел да се „вметнат“ Matrix LED светлата. Со доплата се нудат и HD Matrix LED светла со вкупно 64.000 пиксели и функција за прилагодување на условите на користење на возилото.

20-инчните тркала се исто така стандардни, додека задниот дел ја наоѓа својата инспирација во Macan. Задните светла сега нудат 3D ефект, а позицијата на регистарската табличка е поместена, според моделот на Coupe.

И додека надворешноста е слична на оригиналот, кабината е целосно нова. Porsche Driver Concept го нуди духот на Taycan. Централниот заоблен екран е со дијагонала од 12,6 инчи, а интересно е што во опсегот на можни конфигурации нуди и класичен изглед на инструментите. Сè е проследено со централен инфозабавен екран од 12,3 инчи, а потоа следува екран од 10,9 инчи резервиран за патникот.

ScreenHits TV е составен дел од понудата, а екранот е дизајниран за да не го одвлекува вниманието на возачот. Исчезна и рачката на менувачот, а сè доведе до почист изглед на централната конзола. Интересно е што Porsche воведува мултифункционален волан како оној на 911, на кој има контроли за избор на стил на возење. И да, моторот се уште се пали од левата страна, но сега без клуч, со притискање на копче.

Ќе го прескокнеме поглавјето за опрема и ќе кажеме дека стандардната понуда е значително побогата. Кога станува збор за моторите, на стартот се нудат три опции: првата е 3.0 V6 со 353 КС и 500 Nm, по што следи E-Hybrid со V6 мотор од 304 КС и електричен мотор од 177 КС за вкупно 470 КС и 650 Nm. Овде нагласуваме дека капацитетот на батеријата исто така е зголемен од 17,9 на 25,9 kWh, а досегот на електрична енергија е зголемен на 90 km.

Топ верзијата е V8 битурбо со 474 КС и 600 Nm. Оваа опција значи и 4,7 секунди за спринт до 100 km/h и максимални 273 km/h. Токму така, во времето на намалувањето, Порше го замени V6 моторот со поголем V8. Лошата вест е дека верзијата Turbo GT е прекината во Европа.

Основниот Cayenne стартува со цена од 110.989 евра, Cayenne Coupe од 119.757 евра, а испораките започнуваат во јули.


YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер