По 20 евра ќе плаќаат туристите од крузерите за влез на грчките острови Миконос и Санторини - Канал 5

Балкан

По 20 евра ќе плаќаат туристите од крузерите за влез на грчките острови Миконос и Санторини

Грција нема структурен проблем со прекумерниот туризам, целта не се пристигнувањата, туку приходите, истакна грчкиот премиер Кирјакос Мицотакис на традиционалната прес-конференција во рамките на Меѓународниот саем во Солун .

По 20 евра ќе плаќаат туристите од крузерите за влез на грчките острови Миконос и Санторини

Грција нема структурен проблем со прекумерниот туризам, целта не се пристигнувањата, туку приходите, истакна грчкиот премиер Кирјакос Мицотакис на традиционалната прес-конференција во рамките на Меѓународниот саем во Солун и паралелно соопшти дека патниците од крузерите ќе плаќаат по 20 евра на островите Миконос и Санторини во високата туритичка сезона, јави дописничката на МИА од Атина.

На традиционалната прес-конференција што се одржува веднаш по свеченото отворање на саемот, грчкиот премиер говореше за актуелните теми од внатрешната и надворешната политика во земјата.

За туризмот посочи дека целта не се пристигнувањата, туку приходите и „би сакале повеќе туристи, кои трошат повеќе пари“, но и објасни уште подобро за одржливоста на дестинациите би било „ако помалку пристигнувања, а повеќе приходи“, додека пак за прекумерниот туризам посочи дека постојат проблем на одредени дестинации неколку седмици или месеци од годината.

-На пример, крузерите многу ги оптоваруваат Санторини и Миконос и затоа интервенираме и воведуваме такса на крузери што ќе биде 20 евра за месеците од високата сезона. Еден дел од овие пари ќе им се врати на локалните заедници за инфраструктурни проекти. Подеднакво важна е интервенцијата за бројот на бродови кои пристигнуваат истовремено на одредена дестинација, рече Мицотакис.

Паралелно нагласи дека е „многу опасно Грција да се претстави како земја непријателска кон туризмот“.

-Едно е да истакнуваме постоечки слабости, а друго е да сметаме и да ја прикажуваме Грција во странство како земја што не е гостопримлива за туристи. Бидејќи второто не е точно. А градовите и земјите што го сторија тоа ќе имаат последици од такво преувеличување, посочи грчкиот премиер.

За време на вчерашниот говор на свеченото отворање на Меѓународниот саем во Солун, Мицотакис ги соопшти владините мерки и интервенции за подобрување на животот на граѓаните, што ќе се имплементираат од следната година, па се до завршувањето на четиригодишниот мандат во 2027 година, а на прашањето кои се главните цели до тогаш, ги посочи зголемувањето на платите и надградбата на здравствениот систем, паралелно истакнувајќи дека во 2027 година, „Грција ќе биде подобра земја и Грците ќе имаат подобар живот“.

Нагласи дека просечната плата треба да биде 1.500, а минималната 950 евра, што според него е „најдобар договор на инфлацијата“, а за здравството објасни дека се потребни драстични интервенции, за во 2027 земјата да има нов национален здравствен систем.

Дополнително посочи дека во 2029 година кога Нова демократија дојде на власт, „првата тема за граѓаните беше невработеноста, која беше 17 отсто, а сега е девет проценти“.

На прашањето за железничката несреќа кај Темпи во февруари 2023 година, Мицотакис рече дека „сите теории за прикривање се неприфатливи“ и според него, тоа ќе го покаже и судската истрага, додавајќи дека судски процес треба да започне пред крајот на годината.

Со оглед на тоа дека на почетокот на следната година истекува мандатот на претседателката на Грција, Мицотакис не откри детали кој би бил новиот кандидат или дали Сакеларопулу би добила втор мандат, објаснувајќи дека „оваа дискусија ќе се води во јануари“ и дотогаш нема ништо да каже.

Денешната прес-конференцијата во рамките на Меѓународниот саем во Солун траеше нешто помалку од два и пол часа, Мицотакис одговори на речиси 40 прашања, а портпаролот на грчката Влада коментираше дека биле многу повеќе прашања во споредба со лани.

Грчкиот премиер говореше и за надворешната политика и односите со Албанија и Турција, посочи дека сакаат најдобри можни односи со сите соседи, а се осврна и на мигрантското прашање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Проблемите со видот, нарушувањето на видот и слабоста во мускулите може да бидат знак за недостаток на овој витамин

Недостатокот на одделни витамини и минерали може да предизвика сериозни здравствени тегоби.

Проблемите со видот, нарушувањето на видот и слабоста во мускулите може да бидат знак за недостаток на овој витамин

Меѓу важните нутриенти е витаминот Б12, чиј недостаток може да се одрази на нервниот систем, крвната слика и општата состојба на организмот.

Недостатокот на витамин Б12 може да се развие постепено, а симптомите не секогаш се лесно воочливи. Во некои случаи може да се јават проблеми со помнењето, збунетост и тешкотии со концентрацијата, но и физички симптоми како трнење, пецкање во рацете и нозете.

Кои се симптомите на недостаток на витамин Б12?

Витаминот Б12 е вклучен во формирањето на црвените крвни зрнца и е важен за здравјето на нервниот систем. Кога на телото му недостасува, може да се појават различни симптоми:

изразен замор и слабост,

вкочанетост или трнење во рацете и нозете,

проблеми со меморијата,

тешкотии со разбирање и расудување,

проблеми со видот,

мускулна слабост,

ранички или болки во устата.

Симптомите може да варираат од личност до личност, а нивниот интензитет зависи од тоа колку долго трае недостатокот на витаминот.

Витаминот Б12 природно се наоѓа главно во храна од животинско потекло, како што се месо, риба, јајца, млеко и други млечни производи. Затоа, луѓето кои не консумираат храна од животинско потекло може да имаат поголем ризик од негов недостаток ако не користат правилно збогатена храна или додатоци во исхраната.

Сепак, недостатокот не е нужно поврзан само со исхраната. Проблемот може да се појави и кога телото не може правилно да го апсорбира витаминот Б12.

Зошто телото не апсорбира доволно витамин Б12?

Недоволната апсорпција може да биде поврзана со разни проблеми на дигестивниот систем. Гастритисот, или воспалението на желудочната слузница, може да влијае на способноста на телото да го апсорбира овој витамин.

Една од можните причини е недостаток на желудочна киселина, која е потребна за правилна апсорпција на Б12.

Одредени болести на дигестивниот систем, како што се Кронова болест и целијакија, исто така можат да го отежнат апсорбирањето на овој витамин. Ризикот може да постои и кај луѓе кои имале одредени операции на дигестивниот систем, вклучително и операција на гастричен бајпас.

Прекумерното консумирање алкохол исто така може да го оштети дигестивниот систем и да придонесе за недостаток на витамин Б12.

Важно е да се препознаат симптомите

Бидејќи недостатокот на витамин Б12 може да се развие постепено, симптомите понекогаш се припишуваат на замор, стрес или стареење. Сепак, честата вкочанетост и пецкање во екстремитетите, необјаснетиот замор или промените во меморијата и когнитивните способности не треба да се игнорираат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Брачните проблеми може да се предвидат со 96% прецизност – тврдат психолозите

 Ако се препознаете во овие 4 обрасци на однесување, време е за разговор.

Брачните проблеми може да се предвидат со 96% прецизност – тврдат психолозите

Начинот на кој партнерите разговараат за време на конфликтот, дури во 96% од случаите може многу да открие за состојбата на нивната врска.

Психолозите Џон и Џули Готман издвојуваат 4 веродостојни обрасци на однесување врз основа на долгогодишното проучување на партнерските односи. Тие автоматски не значат дека бракот е осуден на пропаст, но може да бидат важен знак за тоа дека на односот треба да му се посвети внимание.

Критиката на партнерот го продлабочува проблемот

Начинот на кој парот ја започнува кавгата може прилично да го предвиди исходот.

Првиот образец не е обичниот приговор, туку нападот врз карактерот на партнерот. Реченицата „Никогаш не правиш како што треба“, или „Толку си себичен...“ не го решаваат конкретниот проблем, туку создаваат чувство дека другата личност е постојано виновна.

Многу покорисно е, кога говорите за конкретна постапка и сопствените чувства, наместо „Никогаш не мислиш на мене“, да кажете: „Ме повреди тоа што не ми се јави“.

Презирот е особено опасен за бракот

Сарказмот, потсмевот, вртењето со очите, навредите, обраќањето од високо, може да укажуваат на презир. Според истражувањата на Готман, токму презирот е еден од најсериозните показатели дека во односот се насобрало многу незадоволство и горчина.

Одбранбениот механизам го отежнува решавањето на конфликтот

Кога партнерот ќе се пожали, а другата личност веднаш почнува да се правда и да ја префрла вината, разговорот тешко може да доведе до решение. Реченицата „За сè сум јас виновен!“, или „Така направив затоа што ти...“ често служи за избегнување одговорност.

Дури и признавање на дел од сопствената одговорност може да го промени текот на разговорот. Важно е да покажете дека сте ја слушнале перспективата на партнерот, дури и кога потполно не се согласувате.

Повлекувањето може да изгледа како рамнодушност

Последен образец е повлекувањето, односно емоционално исклучување во текот на конфликтот. Тоа може да биде игнорирање на партнерот, гледање во телефон, одговарање со еден збор или одбивање разговорот да продолжи.

Сепак, повлекувањето не мора секогаш да значи дека не ви е грижа. Понекогаш тоа укажува на емоционален хаос, па паузата може да помогне. Кога двајцата ќе се смирите, може да продолжите со разговорот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Неверојатна свадба во поплавена црква: Младите го кажаа судбоносното „Да“ во вода до струкот (ВИДЕО)

Вода ја поплави црквата и стигна речиси до половината, но овој пар немаше намера да го одложи својот голем ден!

Неверојатна свадба во поплавена црква: Младите го кажаа судбоносното „Да“ во вода до струкот (ВИДЕО)

Лиан Лиеза Галанг и нејзиниот избраник Гилберт Чико се венчаа во црквата „Свети Јован Крстител“ во Хагоној, Филипини, а видеото од церемонијата го обиколи светот.

Клупите останаа празни

Лиан носеше бела венчаница и храбро одеше низ матната вода, приближувајќи се кон олтарот. Во рацете држеше букет бели цвеќиња, а Гилберт ја чекаше таму.

Клупите останаа празни, но беа украсени со пластични цвеќиња за да се одржи донекаде нормален изглед на свечената церемонија, објавува Дејли меил.

Фотографката Мико Реј Алфонсо изјави дека парохијата претходно го советувала парот да ја одложи венчавката поради поплавата.

Црквата беше делумно под вода речиси еден месец, по недели обилни дождови. И покрај ова, младенците не сакаа да се откажат.

„Бидејќи решија да истраат, ние, парохиските службеници, направивме сè што можевме за да го направиме ова посебен ден за нив“, додаде Алфонсо.

До црквата стигна со рикша

Невестата стигна до црквата со рикша и така успеа да ја одржи венчаницата чиста, сè додека не влезе во поплавената црква.

На снимката се гледа како нејзините родители ја прегрнуваат, откако самите поминале низ водата и застанале покрај својата ќерка.

Една од повпечатливите сцени прикажува младо момче кое ги носи венчалните прстени на идните сопружници. Во тој момент, водата му достигнува до струкот.

И покрај сè, церемонијата се одржа, во присуство на околу петнаесет луѓе.

„Тие се сакаат. Ништо не можеше да ја спречи нивната свадба“, заклучи фотографот на парохијата.

Тагови: свадба Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер