По 19 години нова Уредба за квалитетот на горивата - Канал 5

Македонија

По 19 години нова Уредба за квалитетот на горивата

По 19 години нова Уредба за квалитетот на горивата – само горива што ги исполнуваат пропишаните стандарди ќе можат да се пласираат на пазарот, информираат од Министерство за енергетика, рударство и минерални суровини.

По 19 години нова Уредба за квалитетот на горивата

Министерството за енергетика, рударство и минерални суровини продолжува со спроведување на реформите во енергетскиот сектор и воспоставување современа регулаторна рамка. По речиси 19 години примена на Правилникот за квалитет на течните горива, стапи во сила новата Уредба за квалитет на течните горива, со која се воспоставуваат прецизни стандарди за квалитет на течните горива, поголема сигурност за потрошувачите, фер услови за компаниите и поуреден домашен пазар.

Со новата Уредба се воспоставуваат јасни и современи правила за тоа какви течни горива можат да се пласираат на домашниот пазар, како се утврдува нивниот квалитет и како ќе се следи неговото почитување. За граѓаните, ова значи поголема сигурност дека горивата што ги користат ќе ги исполнуваат пропишаните стандарди за квалитет, а преку јасно утврдени правила и механизми за контрола дополнително се зајакнува заштитата на потрошувачите.

Уредбата е донесена согласно член 257 став (1) од новиот Закон за енергетика, на предлог на Министерството за енергетика, рударство и минерални суровини, и претставува значаен чекор во модернизацијата на регулативата во оваа област.

Со неа детално се уредуваат видовите и карактеристиките на течни горива што можат да се пласираат на пазарот, начинот на утврдување на квалитетот, постапката за следење на квалитетот, како и обврските на сите учесници на пазарот на сурова нафта, нафтени деривати и горива за транспорт.

Особено значајно е што новата регулатива воспоставува еднакви правила за сите учесници на пазарот, со што се намалува просторот за злоупотреби и нелојална конкуренција. На тој начин компаниите што работат согласно законските прописи добиваат пофер и попредвидливо деловно окружување.

Дополнително, примената на повисоки стандарди за квалитет на течните горива ќе придонесе и за намалување на штетните емисии во животната средина, што претставува важен чекор кон почиста животна средина и поодржлив енергетски сектор.

Министерката за енергетика, рударство и минерални суровини, Сања Божиновска, истакна дека донесувањето на новата Уредба претставува уште една значајна реформа со која Министерството воведува современи правила и воспоставува повисоки стандарди во секторот.

„По речиси 19 години ја заменуваме застарената регулатива со нова Уредба која носи јасни правила и стандарди. Нашата цел е граѓаните да имаат поголема сигурност во квалитетот на горивата што ги користат, компаниите што работат законски да бидат заштитени од нелојална конкуренција, а пазарот да функционира по јасни и еднакви правила. Ова е воспоставување ред - Така ги штитиме граѓаните, го штитиме чесното стопанство и градиме модерен и доверлив енергетски сектор “, изјави министерката Божиновска.

Со донесувањето на новата Уредба, Министерството продолжува со имплементацијата на новиот Закон за енергетика и постепената замена на застарената регулатива со современи прописи кои обезбедуваат повисоко ниво на заштита на јавниот интерес, поголема правна сигурност и поуреден, поконкурентен и потранспарентен пазар на течни горива.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ангелов: Се води битка за селото Крушевица, 20 тина километри е долга линијата на огнот

Огнот што опустоши делови од селото Чаниште, мариовско, кој беше локализиран попладнево повторно се разгоре и сега линијата на огнот е долга околу 20 километри и тоа од течението на реката Црна до врвот Маргаро.

Ангелов: Се води битка за селото Крушевица, 20 тина километри е долга линијата на огнот

Од Чаниште огнот се шири кон селото Крушевица, кое е на неколку километри оддалечен од огнот, рече директорот на ДЗС, Стојанче Ангелов. Во гаснењето на пожарот, освен пожарникарите од Прилеп, вклучени се и локалните жители, кои си го бранат селото. Ќе претстои битка со огнот во текот на целата ноќ.

Во Чаниште не е изгорена ниедна куќа, каде што живееле жители, кои се вратија во своите домови по стресот што го преживеаја. Постои можност да изгорела и некоја куќа, што била викендичка и каде повремено се престојувало, рече Ангелов.


YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американците сакаат да копаат длабоко во Тихиот Океан

Министерството за внатрешни работи на САД во понеделник предложи продажба на концесии за длабокоморско рударство во водите околу Северните Маријански Острови.

Американците сакаат да копаат длабоко во Тихиот Океан

Предлогот е дел од поширока иницијатива на администрацијата на претседателот Доналд Трамп насочена кон обезбедување домашни резерви на клучни минерали, објавува Ројтерс.

Детали за предложената аукција

Администрацијата за морски минерали (MMA) предлага да се стави на аукција околу 271.000 квадратни километри од морското дно источно и западно од територијата на САД во Тихиот Океан. Аукцијата е закажана да се одржи на 16 декември во Калифорнија, а концесиите ќе бидат доделени преку процес на јавно наддавање.

Концесиите би им дале право на компаниите да истражуваат и потенцијално да експлоатираат наоѓалишта на клучни минерали, кои се користат во производството на батерии, електроника и одбранбени технологии.

Вршителот на должноста директор на MMA, Мет Џакона, објасни во соопштение дека предлогот има за цел да обезбеди пристап на Соединетите Американски Држави до минерали кои се критични за синџирите на снабдување, производството и националната безбедност.

Ставот на локалните власти

Во известувањето на MMA за предложената продажба се вели дека службениците ќе ги разгледаат коментарите од гувернерот на Северните Маријански Острови пред да донесат конечна одлука.

Портпаролот на гувернерот Дејвид Апатанг не беше веднаш достапен за коментар. Во јануари, Апатанг испрати писмо до администрацијата во кое рече дека не е против, но не го поддржува, рударството на морското дно. Тој објасни дека за да се заземе став, потребни се дополнителни информации за влијанието врз животната средина.

Пошироката стратегија на администрацијата

Минатиот месец, администрацијата на Трамп, исто така, предложи давање под закуп на повеќе од 125.000 квадратни километри морско дно во близина на Американска Самоа. Овие потези се дел од поширока стратегија за намалување на зависноста на САД од увозот на клучни минерали.

Поделени мислења

Еколошките здруженија се спротивставуваат на длабокото рударство. Тие тврдат дека е потребно да се спроведат дополнителни истражувања за неговите последици врз морските екосистеми. Од друга страна, поддржувачите на проектот истакнуваат дека рударството би обезбедило нови извори на минерали потребни за електрични возила, електроника и воена опрема.

Фото: ВИ

Извор: Индекс.хр

Тагови: САД Тихи Океан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Млечниот пат „проголтал“ цела галаксија пред 11,8 милијарди години, тоа ја сменило вселенската историја

Млечниот пат „проголтал“ џуџеста галаксија пред околу 11,8 милијарди години, според новото истражување објавено во списанието Nature Astronomy.

Млечниот пат „проголтал“ цела галаксија пред 11,8 милијарди години, тоа ја сменило вселенската историја

Научниците ги проучувале ѕвездените јата во областа што се протега на внатрешните 20.000 светлосни години од Млечниот Пат, користејќи податоци од вселенските телескопи Хабл и Гаја, објави Ројтерс.

Анализирана возраст, состав и движење

Истражувачите ги анализирале староста, хемискиот состав и движењето на ѕвездите за да го утврдат нивното потекло.

Тие процениле дека проголтаната џуџеста галаксија во времето на спојувањето имала маса на нејзините ѕвезди еднаква на масата од околу 500 милиони Сонца, или приближно една четвртина од масата на Млечниот Пат во тоа време.

„Клучното откритие на нашето истражување е недвосмисленото откритие на првото спојување што го доживеа нашата галаксија“, рече астрофизичарот Давиде Масари од Националниот институт за астрофизика во Болоња, кој е и главен автор на студијата.

Што донесе спојувањето?

Според него, спојувањето донело голем број ѕвезди, меѓуѕвезден гас и темна материја на Млечниот пат.

Иако ѕвездите не се судриле, судирот на гасот од двете галаксии веројатно предизвикал формирање на голем број нови ѕвезди. Млечниот пат подоцна помина низ уште најмалку две големи спојувања.

Масари процени дека проучувањето на овие настани може да им помогне на научниците подобро да го разберат формирањето на Млечниот Пат, како и формирањето на Сончевиот систем и Земјата.

Тагови: Млечниот Пат

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер