Пловечка платформа на вода или фиксна конструкција на суво – два концепти за довршување на пешачката патека во Дојран - Канал 5

Македонија

Пловечка платформа на вода или фиксна конструкција на суво – два концепти за довршување на пешачката патека во Дојран

Студенти од Меѓународен балкански универзитет презентираа иновативен проект за надминување на прекинот на пешачката врска меѓу Стар Дојран и Нов Дојран, при посета на Општина Дојран.

Пловечка платформа на вода или фиксна конструкција на суво – два концепти за довршување на пешачката патека во Дојран

Станува збор за визионерско решение кое предвидува изградба на пловечка пешачка и велосипедска патека, со цел да се овозможи безбедно движење на пешаците без контакт со сообраќајот на регионалниот пат. Проектот беше презентиран пред градоначалникот, општинските претставници и потенцијални инвеститори.

- Станува збор за визионерска пловечка пешачка и велосипедска патека, дизајнирана како потенцијално ново обележје што може да го трансформира урбаното искуство во Дојран, се наведува во објавата на Меѓународниот балкански универзитет.

Еден од менторите на тимот студенти, професорот д-р Александар Андовски, за МИА објаснува дека проектот се однесува на решавање на клучниот урбан проблем во Дојран – прекинот на пешачката врска помеѓу Стар и Нов Дојран, односно делот каде патеката завршува „слепо“ кај последните станбени објекти кои излегуваат на самиот регионален пат.

- Во рамки на идејниот пристап беа разработени два концепта: пловечка структура на вода, која флексибилно се прилагодува на нивото на езерото и фиксна (статична) конструкција, поставена во плиткиот појас. Двете варијанти овозможуваат и поширока просторна врска, меѓу црквата „Св. Георгиј” во Нов Дојран и новиот комплекс на хотелски апартмани во изградба, со што се заокружува крајбрежниот потег како функционална и атрактивна целина. Овој сегмент моментално претставува недостасувачка алка во континуираното движење покрај езерото, а основната идеја за воспоставување на пешачка патека долж крајбрежјето произлегува од мои претходни истражувања и предлози за уредување на овој потег, кои беа презентирани и пред локалната самоуправа, вели Андоновски.

Предвидената интервенција на делот од патеката што недостасува, а треба во целост да го заокружи поврзувањето на стариот и новиот дел од Дојран е со должина од околу 250 метри, и како што објаснува професорот, би можела да се изведе од прифатливи материјали за околината.

- Материјализацијата е предвидена со еколошки и локално прифатливи материјали (дрво, лесни метални конструкции), со дизајн кој го почитува природниот контекст. Целта не е само да се зачува постојниот контакт со езерото, туку и да се создаде нов препознатлив просторен белег, кој ќе го надгради идентитетот на Дојран. Идејата беше позитивно примена на ниво на концепт, а на презентацијата присуствуваа и локални инвеститори, кои покажаа интерес за понатамошно разгледување на можностите за реализација. Покрај интересот од потенцијалните инвеститори, постои и изразен интерес од страна на општината за понатамошна разработка и можна реализација на проектот, вели Андоновски.

Пред два месеци и градоначалникот на Општина Дојран, Илија Тентов, преку објава на социјалните мрежи соопшти дека се обновува соработката со Меѓународниот балкански универзитет со презентација на предлог - идеен проект за решение на пешачка патека на делот кој го поврзува Нов и Стар Дојран, каде што нема можност од тротоари.

- Со овој капитален проект ќе се реши долгогодишниот проблем особено во делот на безбедното движење на нашите сограѓани, но и на туристите и ќе се овозможи целосно безбедна пешачка и велосипедска патека. Идејниот проект ќе биде презентиран за сите заинтересирани граѓани за да придонесат со свои забелешки, а по разгледувањето, ќе се пристапи кон подготовка на основен проект и реализација на истиот, наведене е во објавата.

Откако пред десеттина години се изгради патека од новиот до стариот дел на Дојран, туристите и жителите може да се движат безбедно долж езерото на потегот од плажата „Калдрма” до граничниот премин со соседна Грција, а делот од влезот во Нов Дојран кон „Калдрма” се уште останува отсечен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Рита Ора во секси бикини ги покажа стомачните!

Мегапопуларната пејачка со потекло од Балканот, Рита Ора ги покажа своите извајани стомачни мускули во сребрен бикини, споделувајќи впечатливи фотографии од својот одмор на Миконос на Инстаграм.

Фото: Рита Ора во секси бикини ги покажа стомачните!

35 годишната Рита на фотките позира на луксузна јахта на која уживала заедно со пријателите.

Покрај сребреното бикини, Рита имаше и зелен шал за да ја заштити косата и беше совршено стилизирана.

„Ми треба ресетирање на душата, сонце, бикини и музика“, напиша пејачката во описот на објавата.

Тагови: рита ора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ким Кардашијан во микро бикини го рекламира својот бренд

Најпознатата американска старлета, Ким Кардашијан не престанува да ги промовира различните делови од колекцијата на нејзиниот бренд SKIMS, а тоа значи само едно – нејзините фанови ќе уживаат во атрактивните новитети на старлетата.

Фото: Ким Кардашијан во микро бикини го рекламира својот бренд

Риалити ѕвездата Ким Кардашијан секогаш има свои решенија за привлекување внимание. Откако сите пишуваа за нејзината врска со Луис Хамилтон, која веќе не е тајна бидејќи возачот на Формула 1 редовно ја изјавува својата љубов кон ѕвездата, таа сега го насочи својот фокус кон својот бренд SKIMS.

Уште од самиот почеток, таа имаше провокативни рекламни кампањи во кои се појавуваше таа или нејзините сестри, облечени во многу малку облека, минијатурни бикини и слично.

Сега таа ги почести своите обожаватели со серија фотографии

.

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Ова се најдобрите половни автомобили до 10.000 евра

Ако планирате да купите половен автомобил со цена до 10.000 евра, петте модели што се сметаат за најдобри се VW од седмата генерација, Mazda 6, BMW серија 3, Honda Accord и Volvo S60.

Ова се најдобрите половни автомобили до 10.000 евра

Кои се најдобрите половни автомобили со цена до 10.000 евра?

Покрај самото одржување, важна е и сервисната мрежа во вашиот град или во околината.

Денес, сите производители имаат широка мрежа за сервисирање и набавка на резервни делови, што го става сопственикот во поволна положба; на него останува „само“ да вложува во своето возило, односно редовно да го одржува – да врши мали и големи сервиси и да ги заменува истрошените делови кога ќе дојде време за тоа, пред да настане сериозен дефект.

Ако планирате да издвоите 10.000 евра за купување половен автомобил, на пазарот секогаш се достапни неколку одлични модели кои се многу барани токму поради нивната репутација. Кај нас најчесто се возат дизел-автомобили, но и моделите на бензин се многу достапни и поволни.

1.VW Golf од седмата генерација – за сума до 10.000 евра може да се најде верзија со бензински мотор 1.4 TSI или дизел мотор 2.0 TDI. Достапни се и мануелни и автоматски менувачи, но доколку DSG менувачот нема сервисна историја, подобро е да го избегнете поради скапите поправки.

2.Mazda 6 од втората генерација – возило од средна класа кое нуди добар компромис меѓу удобноста, сигурноста и моќноста. Најразумен избор се дволитарските бензински мотори MZR со околу 147 КС (коњски сили) или 2.5 MZR, додека дизел моторите 2.0 и 2.2 MZR CD нудат помала потрошувачка за оние што возилото го користат главно за возење на отворен пат.

3. BMW Серија 3 – генерацијата F30 се движи во ценовниот опсег до 10.000 евра и обично доаѓа со поголема километража. Најдобар избор е дизел моторот 318d или 320d со мануелен менувач, а ако најдете добро одржуван примерок, нема потреба многу да се двоумите.

4. Honda Accord – ова е еден од најсигурните автомобили во средната класа. Најбарани се бензинскиот мотор 2.0 i-VTEC и дизел моторот 2.2 i-DTEC, при што вториот е малку поскап за одржување од бензинецот.

5. Volvo S60 од втората генерација – ова е веќе премиум возило што може да се најде по цена на „обичен“ половен автомобил.

Најбарани се дизел моторите D3 и D4 доколку планирате да потрошите до 10.000 евра, додека бензинската верзија со мотор T5 нуди подобра динамика на возење, но и малку повисоки трошоци за одржување.

Важно е да се напомене дека ова се модели што се застапени на бројни веб-страници за продажба на половни автомобили и не се единствените квалитетни опции во ценовниот опсег до 10.000 евра; затоа, потребно е темелно да ги истражите сите модели што ве интересираат и внимателно да ја донесете таа важна одлука. Исто така, секогаш одвојте најмалку 500 евра при купување половен автомобил, за случај веднаш да биде потребен некаков сервис или поправка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер