Други спортови

Пливачот Евгениј Поп Ацев најдобар спортист во 2015 година

Маратонскиот пливач Евгениј Поп Ацев е прогласен за најдобар спортист на Македонија за 2015 година. Оваа година тој победи на ФИНА гран при серијата и стана првиот Македонец кој победил на Охридскиот пливачки маратон.

- Голема чест и задоволство за мене е да се добие ова признание. Секако чест е да ја претставувам Македонија на меѓународните натпревари и на Охридскиот маратон. Благодарност до Агенцијата за млади и спорт за поддршката во изминатава година, која е моја најуспешна. Наградата ќе биде само мотив да продолжам да работам, изјави Поп Ацев по добивањето на наградата.

За најдобра спортистка е прогласена Стефани Тодорова, кик бокс.

Во конкуренција на репрезентации за најдобра е прогласена ракометната репрезентација на Македонија, додека женскиот карате – ката тим го доби признанието кај жените.

Наградата за селектор на годината ја доби Жарко Ристоски селекторот на одбојкарската репрезентација на Македонија.

Во конкуренција на млад спортист наградата му припадна на ракометарот Филип Талески, а каратистката Вероника Костовска е најдобрата млада спортистка.

Признанието најдобар спортист со инвалидитет го доби пливачот Андреј Стојановски.

За најуспешна федерација во 2015 година е прогласена Ракометната федерација на Македонија.

Наградата за најдобар македонски спортист во 2015 година во странство му нприпадна на капитенот на ракометната репрезентација Кирил Лазаров.

Свеченоста се одржа во Македонскиот народен театар, а најдобрите добија позлатена статуетка – силуета на спортист во движење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

СП2026: Познати три осминафинални довојки, кој ќе им се придружи?

23 Светското фудбалско првенство влегува во својата најинтересна фаза, веќе третиот ден се играат мечеви од премиерната нокаут фазата, утринава ги добивме новите три селекции патници во осминафиналето.

Норвешка, Франција и Мексико им се придружија во осминафиналето на веќе пласираните Канада, Бразил, Парагвај и Мароко,

Во нокаут шеснаесетинафиналето Норвешка го победи тимот на Брегот на Слоновата Коска со 2:1 и во осминафиналето ја очекува големиот фаворит, Бразил.

Француската репрезентација лесно ја победи Шведска со 3:0, и најави меч против Парагвај во борбата за четвртфиналето.

Третиот пар од осминафиналето го сочинуваат Канада и Мароко, додека Мексико го чека подобриот од натпреварот помеѓу Англија и ДР Конго.

Останатите натпревари од 1/16 финалето се: САД - БиХ, Белгија - Сенегал, Аргентина - Зелено'ртски Острови, Австралија - Египет, Швајцарија - Алжир и Колумбија - Гана.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и топло со температура до 38 степени, попладне локална нестабилност

Сончево и топло со мала до умерена облачност. Ќе дува слаб до умерен ветер од северен правец.

Според УХМР попладне ќе има локална нестабилност со пороен дожд, грмежи, засилен ветер и наместа појава на краткотрајно невреме со град. Минималната температура ќе биде во интервал од 12 до 22, а максималната ќе достигне од 30 до 38 степени.

Во Скопје, сончево и топло со мала до умерена облачност. Ќе дува слаб до умерен северен ветер. Попладне ќе има појава на нестабилност со пороен дожд, грмежи и засилен ветер. Во делови од котлината ќе има услови за краткотрајно невреме. Минималната температура ќе се спушти до 17, а максималната ќе достигне до 35 степени.

ВРЕМЕТО ВО НАРЕДНИТЕ ДЕНОВИ

Под влијание на серија влажни воздушни бранови во четврток и во петок времето ќе биде променливо облачно и нестабилно, наместа со повремени врнежи од дожд и грмежи. Локално процесите ќе бидат поинтензивни во форма на невреме со пообилен пороен дожд (над 15 l/m²), електрични празнења, силен ветер (над 60 km/h) и појава на град. Температурите ќе бидат во опаѓање. Во деновите од викендот ќе се задржи посвежо време и ќе дува умерен до засилен северен ветер.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Без струја дел од корисниците во Петровец, Центар, Карпош и Ѓорче Петров

Без електрична енергија денеска од 8 до 9 часот ќе останат корисници на ул.„1“ во општина Петровец, а од 9 до 16 часот од ул.„Стив Наумов“ бр.69,65,63а,63б,102а,102б,102в, ул.„Славе Георгиевски-Шнајдерот“ бр.1,3,5 и 7, од ул.„Тетовска“ и од ул.„Јосиф Јосифовски-Свештарот“ бр.35,35а,37,36,34 и 32 во општина Центар.

РЦЕУК – Скопје информира дека прекин во снабдувањето со струја од 9 до 16:30 ќе има за дел од ул.„Франклин Рузвелт“, „Дрезденска“ и „Рампо Левката“ во општина Карпош и дел од ул.„Знеполе“ и околни улички од 10.00 до 14.00 часот во општина Ѓорче Петров.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.