Пленковиќ потврди: Ќе ја предводам листата на ХДЗ за изборите за Европскиот парламент - Канал 5

Балкан

Пленковиќ потврди: Ќе ја предводам листата на ХДЗ за изборите за Европскиот парламент

Претседателот на ХДЗ, Андреј Пленковиќ денеска потврди дека ќе ја предводи партиската листа на изборите за Европскиот парламент, што се закажани за 9 јуни во Хрватска.

Пленковиќ потврди: Ќе ја предводам листата на ХДЗ за изборите за Европскиот парламент

Пленковиќ ова им го кажа на новинарите при доаѓањето на седницата на Претседателството на ХДЗ, пренесе Телеграф.

Коментирајќи ги изјавите на опозиционерите дека тоа е негово бегство во Брисел, Пленковиќ рече дека не е, и дека, како што наведе, тоа е само победничката листа на оние кои навистина работат за Хрватска во Европа.

Потпретседателот на актуелната влада и министер за одбрана Иван Анушиќ изјави дека досега имало неформални разговори за парламентарното мнозинство, дека ќе ги отворат сите опции и ќе се обидат што поскоро да формираат влада.

На прашањето кој ќе биде со него во преговарачкиот тим, Анушиќ рече дека се уште ништо не е дефинирано. „Се уште нема преговарачки тимови, ниту нешто е комплицирано“, изјави Анушиќ.

Анушиќ во пресрет на седницата на Претседателството на ХДЗ изјави дека се воделе само неформални разговори и дека тие ќе продолжат до почетокот на преговорите.

На прашањето дали ќе го надмине тоа што Движењето Татковина се уште не ја сака СДС во коалицијата, тој одговори дека сѐ е прашање на преговори и разговори.

„Едноставно, во овој момент што било да се каже пред почетокот на официјалните преговори би било несериозно од мене“, рече тој и додаде: „Да почекаме. Сѐ ќе биде добро. Ќе разговараат, ќе се отворат сите опции и ќе се обидат што поскоро да се формира влада“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Двајца уапсени во кафуле во Тетово- кај газдата пронашле 15 пакувања дрога

Акциска контрола во угостителски објект во Тетово, пронајдена дрога, лишени од слобода две лица.

Двајца уапсени во кафуле во Тетово- кај газдата пронашле 15 пакувања дрога

На 23.10.2026, полициски службеници од Отсекот за криминалистичка полиција при СВР Тетово и од мобилниот тим „Task Force“ во координација со претставници од Државниот пазарен инспекторат и Управата за јавни приходи спроведоа акциска контрола во угостителски објект во Градскиот трговски центар во Тетово.

Притоа, пред објект бил затекнат М.Р.(48) од Тетово и при преглед кај него била пронајдена бела прашкаста материја, по што е лишен од слобода. Додека, внатре во објектот, кај сопственикот Ј.Т.(54) од село Требош биле пронајдени 15 пакувања со бела прашкаста материја, по што и тој е лишен од слобода.

Двајцата биле задржани во полициска станица и по целосно документирање на случајот против нив ќе следува соодветна пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Муцунски ја предводеше владината делегација на одбележувањето на 23 Октомври

Министерот за надворешни работи и надворешна трговија, Тимчо Муцунски, денеска во Скопје ја предводеше владината делегација која положи цвеќе пред Споменикот на основачите на ВМРО, по повод 23 Октомври – Денот на македонската револуционерна борба.

Министерот Муцунски ја предводеше владината делегација на одбележувањето на 23 Октомври

По повод празникот, министерот Муцунски истакна дека 23 Октомври е потсетник на идеалите за слобода, самостојност и државотворност и ден на почит кон генерациите што го трасирале патот кон современата македонска држава.

„Наша обврска е тие идеали да ги чуваме со достоинство и да градиме силна, стабилна и меѓународно почитувана држава, одговорно водејќи ја кон напредок и нови достигнувања“, порача Муцунски.

Свои на своето – нека е честит Денот на македонската револуционерна борба!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Двајца кумановци нападнаа повозрасен маж за да го принудат да земе брз кредит, уапсени се

Лишени од слобода две лица од Куманово, физички нападнале и ограбиле повозрасен маж и се обиделе да го принудат да земе брз кредит од финансиско друштво.

Двајца кумановци нападнаа повозрасен маж за да го принудат да земе брз кредит, уапсени се

На 22.10.2026 во Куманово, полициски службеници од СВР Куманово ги лишија од слобода 45 - годишната С.Б. и Р.Т.(52) од Куманово. Според пријавеното, С.Б. измамила и повикала во својот дом 64-годишен маж наводно за да ѝ помогне да купи мобилен телефон, а кога пристигнале во дворот Р.Т. физички го нападнал, а таа му одзела пари и телефон . Како што е пријавено, после тоа го принудиле да отиде во финансиско друштво за да подигне брз кредит, но тој успеал да ѝ сигнализира на вработената дека е принуден да го прави тоа, по што повикала полиција.

Двајцата биле приведени во полициска станица и по целосно документирање на случајот против нив ќе следува соодветна пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер