Пленковиќ на средбата со Фидан се заложи за хрватскиот капетан кој е во турски затвор - Канал 5

Балкан

Пленковиќ на средбата со Фидан се заложи за хрватскиот капетан кој е во турски затвор

Пленковиќ во објавата наведе дека го информирал турскиот министер, кој учествува на конференцијата Дубровник форум, за статусот на хрватскиот капетан Марко Бекавац кој се наоѓа во истражен затвор во Турција.

Пленковиќ на средбата со Фидан се заложи за хрватскиот капетан кој е во турски затвор

Хрватскиот премиер Андреј Пленковиќ вчера се сретна со турскиот министер за надворешни работи Хакан Фидан и, како што објави на платформата Икс, се заложи за хрватскиот поморец Марко Бекавац кој се наоѓа во турски затвор, велејќи дека Хрватска очекува турските надлежни органи „да постапат праведно во неговиот случај".

Пленковиќ во објавата наведе дека го информирал турскиот министер, кој учествува на конференцијата Дубровник форум, за статусот на хрватскиот капетан Марко Бекавац кој се наоѓа во истражен затвор во Турција.

Хрватскиот поморец Марко Бекавац се наоѓа во турски истражен затвор од октомври минатата година кога полицијата на брод на турската компанија кој пловел под панамска знаме пронашла 137 килограми кокаин. Како капетан на тој брод, турските власти го сметаат Бекавац за одговорен по командна одговорност за шверц на дрога. Бекавац ги отфрла обвиненијата и тврди дека сам побарал да се зголеми надзорот на товарењето на бродот во Колумбија.

Првото рочиште во постапката против 61-годишниот поморец од Сплит и десет други поморци се одржа на 10 јуни, а второто е закажано за средината на јули. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Морничави сцени: Вака изгледа „руско сафари“ ВИДЕО

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер