Балкан

Пленковиќ: Драган Приморац ќе биде претседателски кандидат на ХДЗ

Претседателот на Хрватската демократска заедница (ХДЗ) и премиер на Хрватска Андреј Пленковиќ изјави дека кандидат на оваа владејачка партија на претстојните претседателски избори ќе биде поранешниот министер за образование Драган Приморац.

Приморац беше министер за наука, образование и спорт во владите на премиерот Иво Санадер од 2003 до 2009 година. Во 2007 година, тој се приклучи на ХДЗ и беше избран во хрватскиот Сабор на листата на дијаспората, но поднесе оставка. Во есента 2009 година се кандидираше за претседател на Републиката, по што автоматски беше исклучен од ХДЗ.

Пленковиќ по седницата на Претседателството на ХДЗ изјави дека Приморац ги има сите квалификации потребни за да ја добие поддршката од мнозинството гласачи, пренесе Хина.

-Зборуваме за човек што добро го познаваме, кој беше член на ХДЗ, угледен научник. Веруваме дека ги има сите квалификации да ја добие поддршката од мнозинството гласачи, рече Пленковиќ.

Хрватскиот премиер додаде дека во прилог на кандидатурата на Приморац говорат и анкетите на јавното мислење, на кои тој добил позитивни оценки од граѓаните.

-Мислам дека во играта што следува тој има големи шанси да стане претседател на Републиката во следните пет години. Во ова ќе ја има поддршката од ХДЗ и голем број други политички партии кои, сигурен сум, ќе бидат подготвени да му се придружат во оваа важна демократска игра, рече Пленковиќ.

Тој изјави дека Приморац ќе биде претседател кој ќе го почитува Уставот, ќе се залага за владеење на правото и ќе соработува со институциите.

-Тоа ќе биде сосема спротивно од она што јавноста беше сведок во претходните години во однесувањето на прекршителот на Уставот, се уште актуелниот претседател Милановиќ, рече Пленковиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Експлозии во близина на иранскиот остров Харг- погоден е танкер

Во близина на иранскиот остров Харг во Персискиот залив утрово одекнаа експлозии, јави агенцијата Фарс.

Како што јави Иранската студентска новинска мрежа (SNN), ирански танкер со нафта во близина на островот Харг бил погоден со проектили.

Иранскиот новински канал Хабар Фури објави дека танкерот бил погоден со четири американски проектили и дека во тек е евакуација.

Островот Харг се смета за клучен нафтен терминал и околу 90 отсто од извозот на нафта на Иран се обработува таму.

Американскиот претседател Доналд Трамп минатата недела објави на социјалната мрежа Truth social видео генерирана од вештачка интелигенција на која се гледа како американските сили го напаѓаат Харг, со коментар дека островот е „разнесен на парчиња“.

Потоа, генералниот директор на иранската национална нафтена компанија Хамид Бовард изјави дека немало напади и најавите на Трамп ги нарече „смешни“.

Бовард потсети дека во минатото американските и израелските сили постојано го бомбардираа овој остров, од каде потекнуваат 90 отсто од иранскиот извоз на нафта, но и тогаш работните активности не беа прекинати ниту за момент.

Тагови: танкер Харг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Жителите на градот Гаопинг во кинеската покраина Џијангси се разбудија во хаос.

Во лизгање на земјиште предизвикано од обилните дождови загина најмалку едно лице, а 11 се водат како исчезнати, соопштија локалните власти.

Во раните утрински часови, лизгањето на земјиштето затрупа неколку згради и оштети 12 куќи, додека спасувачките екипи се бореа да пронајдат преживеани, објави кинескиот државен радиодифузер CCTV.

Breaking : Shocking aftermath footage shows massive devastation across Fujian, China , following severe flooding caused by Typhoon Saudel. pic.twitter.com/0qQuGeL5EA
— World Updates (@Updatesofwworld) September 4, 2026

Трагичните сцени се резултат на тајфунот Саудел и студениот фронт што донесе обилни дождови и поплави во покраината Сечуан. Жителите беа заробени, патиштата беа оштетени, а клучните јавни услуги беа сериозно нарушени.

Гаопинг е погоден од екстремните временски услови што ја погодија Кина во последните месеци, особено во планинските области.

Тајфунот Саудел, 18-ти што ја погоди Кина оваа година, дополнително ја влоши ситуацијата кога во четвртокот по трет пат стигна до копното во округот Џијангпу, предизвикувајќи евакуација на десетици илјади луѓе поради предупредувања за силни ветрови и обилни дождови. Во соседната покраина Џијангси, тајфунот погоди 128.500 жители во 53 окрузи, принудувајќи речиси 8.700 луѓе да се евакуираат.

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар во хотел во Истанбул, евакуирани се голем број луѓе

Денеска во хотел во истанбулската населба Бакиркој избувна пожар, а пожарникарите евакуираа голем број луѓе кои биле во зградата.

Пожарникарите реагираа на местото на пожарот, а операцијата за гаснење е во тек, објави Хуриет.

Засега нема информации за повредени.

Бакиркој е општина на европската страна од Истанбул, на брегот на Мраморното Море.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.