Европа

Планот на Мерц различно прифатен од земјите на ЕУ

Идејата на германскиот канцелар Фридрих Мерц, за ставање на Украина на побрза лента, а предвидува забрзана динамика за земјите од Западен Балкан на евроинтегративниот пат стигна во Брисел.

И додека во Европа трае дебата „за“ и „против“ предлогот, кој Украина ја става во попривилегирана состојба во однос на регинот на Западен Балкан, Европската Комисија ја испорача старата порака до Македонија.

Главниот елемент останува да бидат уставните измени, одговори портпаролот на Комисијата, Гијом Мерсиер, на новинарско прашање каде е Македонија по последните иницијативи за забрзување на процесот на пристапување, во услови кога предолго чека да ги почне формалните преговори за членство.

-Сакав да проверам до каде е сега состојбата со Македонија бидејќи тоа е земјата која е блокирана најдолго и дали се случува нешто од страна на Комисијата, да се обиде да помогне во дискусијата за деблокада на нивниот напредок?

-Нема да навлегувам во целата состојба. Сметам дека тоа што е важно за Македонија да напредува на нејзиниот ЕУ пат, има важен елемент кој треба да биде направен, тоа се уставните измени, и тоа е всушност главниот елемент кој сакаме да го видиме за да се придвижиме во пристапниот процес. , изјави Гијом Мерсие Портпарол на Европската Комисија.

Иницијативата на канцеларот Мерц предвидува нов модел со кој Украина би добила статуст на асоцијативна членка, а земјите од Западен Балкан и Молдавија би се движеле низ забрзана постепена интеграција, со привилегиран пристап до единствениот европски пазар и поблиско учество во работата на европските институции. Во писмото до Кошта и Фон дер Лајен, тој предлага таканаречен мост до полноправно членство, период во кој Украина би имала еврокомесар без портфолио, учество на состаноци на европските институции без право на глас.

-Да, навистина добивме писмо од Канцеларот и го поздравуваме фактот што се одвива дискусија меѓу земјите членки и охрабруваме дискусијата да продолжи на ниво на Европскиот Совет. Тоа покажува дека има силна посветеност исто така и од земјите-членки да го направат проширувањето реалност што е можно поскоро. , изјави Мерсие.

Дел од европските лидери категорично ја отфрлија идејата на Мерц. Новиот унгарски премиер Петер Маѓар рече дека Европската Унија треба прво да ги прифати земјите од Западен Балкан пред Украина и оти не смее да има два различни пата за пристапување. Слична порака испрати и словачкиот премиер Фицо, кој оцени дека Украина не може да има предност пред земјите аспирантки од Западен Балкан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД синоќа го нападнаа Иран 11 ноќ по ред ,Техеран ги предупреди да не ги таргетираат нуклеарните постројки

САД синоќа го нападнаа И 11 ноќ по ред ,Техеран ги предупреди да не ги таргетираат нуклеарните постројки.

Централната команда на САД соопшти дека бранот напади бил „дизајниран да продолжи да ја деградира способноста на Иран да го загрозува комерцијалниот бродски сообраќај“ во Ормутскиот теснец.

Иранските државни медиуми објавија дека во главниот град Техеран е активирана воздушна одбрана. Експлозии се пријавени и во Тебриз, Чабахар, Конарак и во Бушер, каде што се наоѓа единствената нуклеарна централа во Иран.

Иран, кој возврати на САД и нивните сојузници од Блискиот исток, предупреди на одмазда откако Трамп изјави дека САД наскоро ќе погодат подземна нуклеарна постројка во близина на Натанц.

Иран и САД се согласија за прекин на огнот во април, но непријателствата продолжија минатата недела, бидејќи двете земји се бореа за контрола на виталниот воден пат Ормутскиот теснец.

Американските сили ги таргетирале иранските воени оперативни центри, поморските капацитети, хангарите за авиони, складиштата за беспилотни летала и воената логистичка инфраструктура.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Нов скок на цените на горивата - уште еден доказ за економскиот неуспех на ВМРО-ОКГ

Граѓаните веќе со месеци со страв го очекуваат секое најавување на „нови мерки“ од Мицкоски за намалување на цените.

Искуството покажува дека секоја таква најава на крајот резултира со ново поскапување.

Последниот пример со горивата е уште една потврда за ова правило.

Само по најавата дека Владата презела „нови мерки“ за намалување акцизи, за наводно намалување на цените на горивата, дојде до нов значителен скок.

Ова е директна последица на економската политика која ја води оваа влада.

Владата на ВМРО-ОКГ нема контрола врз економските текови и нема сериозна стратегија за заштита на стандардот на граѓаните.

Наместо структурни мерки, се применуваат краткорочни и неефикасни интервенции кои брзо се покажуваат како неуспешни.

Резултатот е постојан раст на цените на основните производи и услуги, додека реалниот доход на граѓаните стагнира или опаѓа.

Министерката за финансии самата призна дека без ребаланс веќе би се појавиле сериозни проблеми со исплатата на плати и пензии.

Ова покажува колку е кревка и нестабилна буџетската состојба, и колку малку простор има Владата за какви било економски интервенции.

Податоците се јасни. Од доаѓањето на ВМРО-ОКГ на власт, странските директни инвестиции се намалени за над 60%. Во исто време, државата се задолжи со над 2,5 милијарди евра за помалку од две години, при што најголем дел од овие средства не се насочени кон продуктивни инвестиции, туку кон тековно трошење.

Потрошувачката кошничка продолжува да расте и изнесува речиси 70 илјади денари, а минималната плата остана без реално зголемување кое би го следело растот на цените.

Новото поскапување на горивата ќе има директен ефект врз сите други цени во економијата - транспортот, производството и дистрибуцијата на стоки ќе поскапат, што ќе предизвика нов притисок врз инфлацијата.

Економската политика на ВМРО-ОКГ се покажува како неуспешна на сите нивоа.

Наместо да се создаваат услови за раст и инвестиции, се генерира несигурност, поскапувања и дополнително задолжување.

Граѓаните ја плаќаат цената на оваа политика преку повисоки трошоци за живот и намалени економски можности.

Без сериозни структурни реформи и без одговорна буџетска политика, Македонија ќе продолжи да се соочува со стагнација и пад на животниот стандард.

Новото поскапување на горивата е уште еден показател дека економската политика на оваа влада не функционира.

Скопје, 22.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Кармен свита и Болеро“ вечерва на „Охридско лето“ за љубителите на балетот

„Охридско лето“ денеска на репероарот ја нуди балетската претстава „Кармен свита и Болеро“ од Жорж Бизе и Морис Равел во изведба на Опера и театар „Мадленијанум“ – Србија.

Претставата ќе се одигра во Центарот за култура „Григор Прличев“ со почеток во 21 часот и 30 минути.

Балетот „Кармен свита“ претставува адаптација на познатата опера на Бизе, „Кармен“, раскажувајќи ја страсната приказна за неограничената и предизвикувачка Кармен, симбол на слободата и неизбежната судбина. Потпирајќи се на виртуозната музика, кореографот Александар Илиќ гради нова кореографска динамика во која силата и емоцијата се испреплетуваат во моќен сценски израз.

„Болеро“, едно од најпрепознатливите музички дела на 20 век, во визијата на Илиќ станува хипнотички танцов спектакл. Постепеното интензивирање на ритамот и енергијата, која ја карактеризира композицијата на Равел, преточено е во кореографија со постојана напнатост, повторување и незапирлив раст на драматичноста.

Насловната улога на Кармен ја изведува Гала Јовановиќ, солистка на Виенската државна опера, улогата на Дон Хозе ја игра Александар Полупанов, улогата на Ескамиљо ја игра Тома Крижнар, улогата на Цунига ја игра Никола Бјанко и улогата на Судбината ја игра Феодора Грујиќ.

Во „Болеро“ главен солист е Огнен Вучиниќ заедно со Катарина Буќиќ, Јована Грујиќ, Владимир Чубрило, Катарина Илијашевиќ и ансамбл од играчи.

Тагови: Охридско лето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.