Судбина

Пирани до смрт изеле двегодишно девојче (ВИДЕО)

Двегодишно девојче трагично загина во Бразил.

Откако паднала во река, била нападната од пирани, по што починала. Несреќата се случила во понеделник во близина на градот Коари во сојузната држава Амазонас, каде што девојчето живеело со своето семејство во пловечка куќа, пишува Дејли Меил.

Малечката Клара Виторија наводно си играла пред куќата кога паднала низ незаштитен отвор на пловечката конструкција и паднала во водата. Просторот не бил обезбеден со ограда бидејќи на таа локација била планирана идна изградба на бања.

Трагична потрага на родителите

Родителите сфатиле дека нешто не е во ред дури кога забележале дека ја нема. Веднаш скокнале во реката за да ја бараат и ја пронашле пет минути подоцна. За жал, кога ја извлекле на безбедно, малото девојче повеќе не покажувало знаци на живот.

Според извештаите, повеќето од смртоносните повреди биле на вратот и биле предизвикани од пирани. Телото било пренесено во Институтот за судска медицина, а случајот бил пријавен во полиција.

Слични напади не се ретки

Овој настан потсетува на нападот во 2023 година, кога најмалку осум лица беа повредени во напад на пирани во одморалиштето Тарума-Аку, северно од градот Манаус. Жртвите тогаш, како што објавија локалните медиуми, добија крвави рани на нозете и стапалата. Шокираните пливачи си играле во потокот кога одеднаш почувствувале остра болка. Дури откако излегле од водата сфатиле дека биле нападнати од пирани.

Тагови: девојче пирани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Во изминатите 24 часа најмногу дожд во Битола, Демир Капија и Виница

Дадените вредности за количината на врнежи се измерени на дождомерните места на УХМР.

КОЛИЧИНА НА ВРНЕЖИ за изминатите 24 часа до 08 часот во (l/m2)

26 Битола, 24 Демир Капија, 21 Виница, 17 Лазарополе, 14 Берово, 13 Крива Паланка, 8 Гевгелија, 2 Скопје – Петровец, 1 Кавадарци, Крушево, Маврови Анови.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.