Пингпонгарите од Пехчево добија донација од Фондацијата за развој на локалната заедница - Штип - Канал 5

Други спортови

Пингпонгарите од Пехчево добија донација од Фондацијата за развој на локалната заедница - Штип

 Фондацијата за развој на локалната заедница од Штип донираше пинг понг опрема за пехчевските пингпонгари. Активноста се реализира преку проектот Направи Разлика поддржан од УСАИД. 

Пингпонгарите од Пехчево добија донација од Фондацијата за развој на локалната заедница - Штип

Оваа општина како што истакна претставникот на Фондацијата Невенка Лонгурова Гирова е една од 9 општини кои влезе во програмата од проектот, а донацијата произлезе како резултат на потребите на младите од оваа општина.

-Идејата произлезе од првата средба со младите бидејки имаме механизми за консултација со младите и некои други активности за јакнење на капацитетите. Колеџот на заедницата е еден од тие механизми и преку него тие што имаат некоја идеја, што имаат некоја желба да искористат е да предложат до самата заедница. На таа средба беше посочено дека имаат потреба од маси за пинг понг кои во соработка со Општината ги набавивме, истакна Лонгурова Гирова.

Со донацијата како што додаде градоначалникот Александар Китански ќе се им се овозможи на понгпонгарите повторно да тренираат во својот роден град.

-Ги охрабрувам и другите граѓани да се вклучат во давање на уште вакви идеи кои се остварливи за развој на нивната општина., додаде Китански.

Пинг-понг масите веќе се ставени во функција, а на истите тренираат членови на пинг-понгарскиот клуб Зегин.

-Јас сум Димитар Парасков, претходно тренирав е во Берово, а сега со овие маси ќе биде подобро бидејки ќе може да тренираме дома, истакна младиот пехчевски пингпонгари.

Од Општината во соработка со Фондацијата најавија понатамошна соработка со реализација на вакви и слични проекти и во иднина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода девет возачи за безобѕирно управување возило

Сите возеле без возачка дозвола, од кои двајца малолетници, а еден и бил и под дејство на алкохол.

Лишени од слобода девет возачи за безобѕирно управување возило

Во текот на изминатото деноноќие на целата територија на државата, полициските службеници лишија од слобода девет возачи кои управувале возило без возачка дозвола, од кои двајца малолетници, а еден и бил и под дејство на алкохол. По две лица во Скопје и Прилеп и по едно лице во Кочани, Гевгелија, Кратово, Македонски Брод (малолетник) и Кривогаштани (малолетник) возеле без дозвола. Лицето во Кратово претходно учествувало во сообраќајна незгода, како и едно од лицата во Прилеп, кое воедно било и под дејство на алкохол. По целосно документирање на случаите ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: возачи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

12 лица лишени од слобода во Гевгелија, Охрид и Скопје затоа што кај нив била пронајдена дрога

Во текот на изминатото деноноќие, полициски службеници на повеќе локации низ државата лишија од слобода 12 лица кај кои била пронајдена дрога.

12 лица лишени од слобода во Гевгелија, Охрид и Скопје затоа што кај нив била пронајдена дрога

На 12.06.2026 во 21:50 часот во Гевгелија, полициски службеници од СВР Струмица-ОВР Гевгелија ги лишија од слобода С.К.(21), К.П.(20) и А.С.(21), сите од Гевгелија. Тие биле затекнати како во патничко возило „мерцедес“ со гевгелиски регистарски ознаки употребуваат марихуана, а кога им пристапиле полициските службеници се обиделе да побегнат и до возилото фрлиле марихуана, која е пронајдена и одземена. Остатоци од марихуана се пронајдени и при преглед на возилото. Запознаен е јавен обвинител од Основното јавно обвинителство Гевгелија.

Ноќеска (13.06.2026) во 00:30 часот во Гевгелија, полициски службеници од СВР Струмица-ОВР Гевгелија го лишија од слобода Т.М.(52) од Гевгелија. При преглед на патничко возило „мерцедес“ со гевгелиски регистарски ознаки, управувано од Т.М., била пронајдена марихуана. За настанот е запознаен јавен обвинител од Основното јавно обвинителство Гевгелија.

На 12.06.2026 во 19:55 часот на бул.,,Туристичка“ во Охрид, полициски службеници од Отсекот за недозволена трговија со дрога и оружје при СВР Охрид го лишија од слобода С.П.(45) од Охрид. При преглед на патничко возило „ауди“ со охридски регистарски ознаки, кое го управувал, кај него била пронајдена и одземена бела прашкаста материја.

На 12/13.06.2026 во Скопје, на различни локации, полициски службеници од СВР Скопје ги лишија од слобода С.Д.(40), Ч.И.(36), Д.К.(30), Д.Б.(19), Б.Х.(20) и 17-годишник, сите од Скопје, како и А.Н.(22) од с.Желино, тетовско, затоа што кај нив се пронајдени и одземени бела прашкаста и бела грутчеста материја и марихуана. По целосно документирање на случаите против нив ќе следуваат соодветни поднесоци.

По целосно документирање на случаите против нив ќе следуваат соодветни поднесоци.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Традиција и раскош: Велика Британија го слави роденденот на кралот Чарлс со воен спектакл

Велика Британија денес го одбележува роденденот на кралот Чарлс со традиционалната воена церемонија „Trooping the Colour“, еден од најважните настани во кралскиот календар, објави „GB News“.

Традиција и раскош: Велика Британија го слави роденденот на кралот Чарлс со воен спектакл

Овогодинешната парада ќе биде четврта што кралот Чарлс ќе ја предводи откако се искачи на тронот.

Илјадници граѓани се собираат по Вајтхол за да го следат настанот.

Првиот баталјон на Гренадиерската гарда оваа година имаше чест да го носи своето знаме за време на парадата.

Ова е најстариот пешадиски полк на британската армија, основан во 1656 година, кој освоил 78 борбени почести и 14 Викториини крстови низ целата своја историја.

По воената парада, се очекува членовите на кралското семејство да се соберат на балконот на Бакингемската палата за да го поздрават традиционалниот надлет на авионите на Кралските воздухопловни сили.

Кралот Чарлс носи униформа на Гренадиерската гарда, а на парадата учествуваат и принцот Вилијам, принцезата Ана и принцот Едвард, војводата од Единбург.

Церемонијата „Trooping the Colour“ се одржува во сегашната форма од 1748 година и е комбинација од воена традиција и прослава на официјалниот роденден на британскиот монарх.

Кралот Чарлс првпат присуствувал на настанот во 1951 година како тригодишен принц.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер