Формула

Пилотите на Формула 1: Време е да бидеме третирани како возрасни

Возачите на Формула 1 бараат Меѓународната автомобилска федерација (ФИА) да ги третира како возрасни, откако неколку возачи беа казнети за вулгарности во последните недели, пишуваат германски медиуми.

Пилотите на Формула 1: Време е да бидеме третирани како возрасни

Тие го советуваа и претседателот на организацијата, Мохамед Бен Сулејем, да внимава со сопствениот јазик.

Меѓу казнетите е и светскиот шампион Макс Верстапен, кој на прес-конференција во Сингапур со непристоен збор ја опиша состојбата на својот автомобил. Бен Сулејем во интервју за „Аутоспорт“ пред несреќата изјави дека возачите имаат голема одговорност пред луѓето. Тој побара од нив да престанат да пцујат на тимското радио и да престанат да се однесуваат како рапери.

Седумкратниот светски шампион Луис Хамилтон од Мерцедес го повика Верстапен да не ја плаќа казната и рече дека има „нијанса на расизам“ во зборовите на Бен Сулејем. Синдикатот на Гран-при возачите (ГДПА), чиј директор е вториот пилот на Мерцедес, Џорџ Расел, сè уште размислува како да постапи, но ја искористи својата платформа за да го критикува претседателот на ФИА.

-Постои голема разлика помеѓу пцовките наменети да навредат некого и пообичните што луѓето често ги користат во лоши временски услови или за неживи предмети како што се нашите автомобили. Тие се користат и во одредени ситуации при натпревар“, пишува во отвореното писмо на ГДПА.

Оттаму го повикаа претседателот на ФИА да размисли за сопствениот тон и јазик кога зборува за возачите на Формула 1 во јавна средина.

-Членовите на нашата организација се заштитно лице на најпопуларниот автомобилски спорт. Тие се гладијатори и на секој тркачки викенд приредуваат одлично шоу за поддржувачите. Последно, но не и најмалку важно, членовите на нашата организација се возрасни. Не треба да добиваат инструкции од медиумите за нештата кои се толку тривијални како накитот или долната облека што можат да ја носат, се додаба.

Токму Хамилтон има стара караница со Бен Сулејем, откако пред Големата награда на Британија во 2022 година, натпреварувачот беше принуден да отстрани пирсинг пред да влезе во пилотската кабина на болидот на Мерцедес. Тој го повика Верстапен да не ја плаќа казната, а од ГПДА објаснија зошто.

-ГДПА постојано се спротивставува на парични казни. Тие не се соодветни за нашиот спорт. Во последните три години, постојано баравме од претседателот на ФИА да сподели детали за стратегијата на централата со казни. Што се случува со овие пари и каде се трошат тие? Паричните казни му штетат на имиџот на нашиот спорт. Уште еднаш го повикуваме претседателот на ФИА на транспарентност и директен дијалог со нас, додаваат од организацијата.

Фудбал

Алонсо за потенцијалниот договор со Реал Мадрид: „Ситуацијата сега е поинаква“

За разлика од претходните години, тренерот на Баер Леверкузен, Чаби Алонсо нема понуди од ривалските клубови за кои би требало итни одлуки за неговата иднина, пишуваат германските медиуми.

Алонсо за потенцијалниот договор со Реал Мадрид: „Ситуацијата сега е поинаква“

Алонсо ја искористи репрезентативната пауза за националните тимови во март минатата сезона за да размисли за својата иднина, во услови на интерес од Баерн Минхен и друг негов поранешен клуб, Ливерпул, бидејќи двата тима бараа нови тренери пред следната сезона.

Шпанскиот тренер најави дека останува во Леверкузен пред да го води тимот до првата титула во Бундеслигата, а потоа да остане непоразен и да го додаде триумфот во Купот на Германија.

-Ситуацијата сега е поинаква. Во тоа време имаше што да се решава. Овојпат нема. Тоа е големата разлика, прокоментира Алонсо.

Договорот на стручњакот со Баер Леверкузен трае до 2026 година. Тимот беше во зоната за испаѓање во Бундеслигата кога Чаби Алонсо го презеде во октомври 2022 година. Единствениот пораз на тимот од Леверкузен минатата сезона беше во финалето на Лига Европа против Аталанта - пораз со кој заврши нивната рекордна серија од 51 натпревар без пораз во сите натпреварувања.

Баер Леверкузен моментално заостанува шест бода зад Баерн во поредокот со преостанати осум кола од Бундеслигата и се уште може да го одбрани трофејот во Купот на Германија, бидејќи игра полуфинале против Арминија Билефелд во вторник.

Алонсо останува меѓу најпочитуваните тренери на континентот и се смета за потенцијален наследник на Карло Анчелоти во Реал Мадрид - уште еден од поранешните клубови на поранешната шпанска ѕвезда. Но, Чаби Алонсо не попушта на размислувањата дали својата иднина ја гледа во Баер Леверкузен или на друго место.

-Моите размислувања се исти како што кажав претходно, останувам фокусиран на оваа сезона. Тоа е најважно, изјави Алонсо и додаде: „Се наоѓаме во важна фаза и не сакам да шпекулирам. Не сакам да размислувам за ништо друго освен за фудбалот“.

Свет

Рубио изрази загриженост за „нестабилноста“ во Турција

- Ги гледаме истите извештаи што сите други ги гледаат за тоа што се случува, им рече Рубио на новинарите во авионот со кој се враќаше од патување на Карибите.

Рубио изрази загриженост за „нестабилноста“ во Турција

Американскиот државен секретар Марко Рубио соопшти дека разговарал со турскиот министер за надворешни работи Хакан Фидан, кому му изразил загриженост за „нестабилноста“ што се гледа во Турција по апсењето на градоначалникот на Истанбул, Екрем Имамоглу.

Рубио рекол дека Турција има внатрешно-политички проблеми и Вашингтон нема да ги коментира.

- Ги гледаме истите извештаи што сите други ги гледаат за тоа што се случува, им рече Рубио на новинарите во авионот со кој се враќаше од патување на Карибите.

- Секако дека сме загрижени за овие протести и некои од медиумските извештаи, додаде тој.

Шефот на американската дипломатија додаде дека претседателот Доналд Трамп имал „многу добри работни односи“ со турскиот претседател Таип Ердоган за време на неговиот прв мандат и оти Вашингтон сака да ги обнови тие односи и да соработува со Анкара за низа прашања.

Свет

Видео: Премиерката на Тајланд го прогласи Бангкок за „вонредна зона“ по земјотресот

Премиерката на Тајланд го прогласи Бангкок за „вонредна зона“ по земјотресот што го погоди соседен Мјанмар.

Видео: Премиерката на Тајланд го прогласи Бангкок за „вонредна зона“ по земјотресот

Премиерката на Тајланд Паетонгтарн Шинаватра го прогласи главниот град Бангкок за „вонредна зона“ по силниот земјотрес што го погоди соседен Мјанмар.

Голема зграда во областа на паркот Чатучак се урна, при што загина најмалку едно лице, а повредени се десетици граѓани а има информации за штети низ градот, јави Си-Ен-Ен.

Шинаватра „веднаш му наложи на Министерството за внатрешни работи да го прогласи Бангкок за вонредна зона и да ги извести провинциите ширум земјата да ја третираат ситуацијата како национална вонредна состојба, овозможувајќи итна јавна помош доколку е потребно“, се вели во соопштението од кабинетот на премиерката.

„Премиерката веднаш се враќа во Бангкок и ја повикува јавноста да избегнува високи згради, да користи само скали и да остане смирена. Сите владини агенции се брифирани, а училиштата добија инструкции да ги испратат децата порано дома, се вели во соопштението.

Владата предупреди дека може да има нови потреси во следните 24 часа. Силен последователен потрес со јачина од 6,4 степени го погоди Мјанмар по првичниот земјотрес со јачина од 7,7 степени.

притисни ентер