Пијан убиец со шише алкохол доаѓа во полиција: Нема да најдете докази (ВИДЕО) - Канал 5

Пијан убиец со шише алкохол доаѓа во полиција: Нема да најдете докази (ВИДЕО)

Марк Хеко (26) денеска е осуден на доживотен затвор затоа што минатото лето го убил својот пријател Адријан Елингфорд (44) додека бил во кревет на имот во Челмсфорд, Есекс, Англија, пишува Дејли Мејл.

Пијан убиец со шише алкохол доаѓа во полиција: Нема да најдете докази (ВИДЕО)

Хеко претходно бил во врска со партнерката на Адријан Елингфорд, пред таа да ја прекине врската, но тој продолжил да биде опседнат со неа и редовно ѝ испраќал несакани СМС пораки и видеа.

На снимката од камерата што ја објави полицијата, се гледа како видно алкохолизираниот Хеко се сопнува кон жената полицаец откако се вратил на имотот. Во тој момент пиел големо шише ракија.

Потоа рече: - Знам што се случи, ги знам инволвираните луѓе. Знам што се случи и треба да дознаете што се случило. Без мене нема да знаеш што се случило.

Хеко тогаш рече: - Ќе размислуваш за мене, но тоа нема да бидам јас, бидејќи нема докази. Потоа додаде: - Овој град е мој. Ова е мојот... град!

На видеото се гледа како Хеко се враќа на местото на настанот во Нелсон Гроув само неколку часа откако ја избодел до смрт својата жртва утрото на 25 јули.

YouTube video

Мускулестиот насилник потоа може да се види по неговото апсење додека полицајците се борат да го сместат во полициско комбе.

Хеко денеска е осуден на 26 години затвор откако е осуден за убиство на таткото на две деца, Адријан Елингфорд.

Крунскиот суд во Челмсфорд дознал дека Хеко се прикрадувал на имотот додека Елингфорд спиел со својата партнерка. Убиецот грабнал нож од кујната и со толкава сила го забил во жртвата што ја скршил рачката.

Хеко претходно бил во врска со партнерката на Елингфорд, но таа ја прекинала врската. Работите дошле до кулминација таа вечер кога Хеко купил две шишиња вино и отишол во куќата, што било снимено од надзорната камера

Тој оставил шише на местото на злосторството откако го испил алкохолот, а потоа ја оставил рачката од нож во ходникот со неговата ДНК.

На почетокот на судењето, обвинителот Сајрус Шроф рекол дека Хеко бил „демнач“ во месеците пред злосторството.

Насилникот ѝ праќал долги пораки на жената, видеа на кои тој зборува и доаѓал непоканет на нејзиното работно место - како и дома.

Хеко пребарувал на интернет за да се обиде да пристапи до нејзината страница на Фејсбук и да види дали е во врска, се слушнало на судењето.

Судот слушнал дека Хеко и неговата поранешна девојка раскинале во април 2022 година затоа што таа ја мразела неговата употреба на дрога. Хеко наводно „го прифатил крајот на врската и продолжил со животот“.

Пред изрекувањето на пресудата, судијата Морган рекол: - Јасно е дека сте биле опсесивни и љубоморни на неа и на она што таа можеби го прави. Тоа објаснува зошто сте биле во Нелсон Гроув во раните утрински часови на 25-ти јули вооружен со нож. Но, она што е познато е дека сте го изболе со нож, дека не бил избоден само еднаш, биле пронајдени две длабоки убодни рани во градниот кош и двете со екстремна сила.

Силата на нападот била таква што лекарите констатирале оштетување и исечена коска во градите на Адријан Елингфорд. На поротата ѝ требало помалку од еден ден да донесе пресуда за вина.

Детективката Луиз Меткалф, која ја водела истрагата, рече: „Смртта на Адријан е трагична и е голем шок за оваа мала заедница. Тимот дејствуваше брзо за да собере докази и да земе изјави од луѓето од соседството.

- Додека еден од нашите полицајки го чуваше местото на злосторството, Хеко, кој беше во многу алкохолизирана состојба, ѝ пријде и рече дека знае што се случило. Истрагата го идентификувала како главен осомничен и тој е уапсен под сомнение за убиство.

Таа додаде: - Ова судење беше долго и крајно вознемирувачко за најблиските на Адријан, кои мораа да седнат и да ги слушаат деталите за неговата смрт.

- Се надевам дека овој суд ќе донесе пресуда и дека правдата ќе обезбеди сатисфакција на најблиските на Адријан, кои имаа неверојатно тешки моменти по неговата смрт.

Хеко не покажал емоции додека била изречена пресудата.

Казната на Хеко е доживотен затвор со минимум 26 години до поднесување жалба, минус 230 дена поминати во притвор, пишува Дејли Мејл.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На денешен ден во 1963 година во атентат беше убиен претседателот на САД, Џон Кенеди

Претседателот на САД, Џон Ф. Кенеди е убиен на 22 ноември 1963 година во Далас, додека се возел низ плоштадот Дили, во друштво на сопругата Жаклин и соработници.

На денешен ден во 1963 година во атентат беше убиен претседателот на САД, Џон Кенеди

На денешен ден беше убиен Џон Кенеди, сè уште светот се прашува кој стои зад атентатот, СССР, Куба, ЦИА, мафија или ...? а постојат и бројни теории на заговор.

Претседателот на САД, Џон Ф. Кенеди беше убиен на 22 ноември 1963 година во Далас, додека се возел низ плоштадот Дили, во друштво на сопругата Жаклин и соработници.

Атентатот врз американскиот претседател Џон Ф. Кенеди, извршен на 22 ноември 1963 година во Далас, претставува еден од најзначајните и најтрагичните настани во историјата на Соединетите Американски Држави.

Кенеди бил убиен додека се возел во претседателската лимузина низ плоштадот „Дили“ (Dealey Plaza), во друштво на неговата сопруга Жаклин, гувернерот на Тексас, Џон Конали, и неговата сопруга Нели. Во моментот на атентатот, Кенеди имал 46 години.

Ли Харви Освалд, поранешен маринец кој служел во армијата на САД, бил обвинет за атентатот врз претседателот Кенеди. По атентатот, Освалд бил уапсен и обвинет за убиството на полицаецот Џеј Ди Типит, кој бил убиен неколку минути по атентатот врз Кенеди.

Освалд негирал вмешаност и тврдел дека е невин. Два дена по атентатот, додека го префрлале од градскиот во окружниот затвор, тој е застрелан од сопственик на ноќен клуб во Далас, Џек Руби, .

По атентатот, претседателот Линдон Б. Џонсон ја формирал Комисијата „Ворен“, официјално позната како Претседателска комисија за истражување на атентатот врз претседателот Кенеди.

Комисијата заклучила дека Освалд дејствувал самостојно при атентатот врз претседателот Кенеди. Сепак, многумина ги оспориле тие заклучоци, што довело до бројни теории на заговор.

И покрај официјалните заклучоци, многу Американци веруваат дека атентатот бил резултат на заговор.

Анкетите покажаа дека голем процент од граѓаните се сомневаат во официјалната верзија на настаните. Теориите на заговор вклучуваат наводна вмешаност на ЦИА, мафијата, кубанската или советската влада, па дури и на самиот Линдон Б. Џонсон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„La decima“: Маркез е шампион – има повеќе титули од Валентино Роси!

Марк Маркез стана светски шампион во мотоциклизам по десетти пат во својата кариера, а по осми пат во најсилната категорија.

„La decima“: Маркез е шампион – има повеќе титули од Валентино Роси!

Во Португалија, на 22 ноември, Марк Маркез испиша историја во шампионатот MotoGP и ја освои јубилејната 10-та шампионска титула, а 8-ма во шампионатот MotoGP. Шпанецот сега е мотоциклистот со најмногу освоени титули во историјата на овој спорт!

на маркез на денешната трка му беше доволно и освојување на 9 место за конечен триумф во Мото ФП со оглед на тоа што имаше 55 поени повеќе од Хорхе Мартин и 62 повеќе од Марко Бецеки.

Во текот на трката беше јасно дека „Дукати“ му наложиле на Маркез безбедно да ја заврши трката во првите 10 и да не презема никакви ризици.

Во последниот круг Марко Бецеки пред Хорхе Мартин и Раул Фернандез влегоа со голема предност додека Марк Маркез се бореше за титулата од деветтата позиција. И успеа да стигне до неа.

Тој сега е најтрофејниот возач на сите времиња, додека Валентино Роси е втор со девет освоени титули!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Поранешен ас на Барселона неодамна излезе од затвор, а сега сопругата го напушта,причината шокантна причина

Поранешниот бразилски фудбалер Дани Алвеш и неговата сопруга Џоана Санз одлучија да стават крај на заедничкиот живот, а една од главните причини за разделбата е неговата сè поголема посветеност на религијата. 

Поранешен ас на Барселона неодамна излезе од затвор, а сега сопругата го напушта,причината шокантна причина

Веста за нивниот развод ја објави шпанскиот новинар Хави Охоса, кој разговарал со сопругата на Алвеш и дознал детали за нивната одлука. Двојката стапи во брак во 2017 година, а во октомври 2025 година ја добија ќерката Хулиета.

Според новинарите, Џоана Санз покренала постапка за развод бидејќи начинот на живот на екс фудбалерот на Барселона го оддалечува сè повеќе од неговото семејство.

Во последните месеци, 43 годишниот Алвеш патува низ светот како проповедник и предавач, ширејќи ја евангелската вера.

На 25 март 2024 година, Алвеш беше пуштен од затворот „Бријанс“ во близина на Барселона откако плати кауција од еден милион евра, а претходно беше осуден на четири и пол години затвор под обвинение за силување. Сепак, на 28 март 2025 година, Апелациониот совет на Судот на правдата на Каталонија го ослободи од обвиненијата, по што тој стана целосно слободен човек. Тогаш тој целосно ѝ се сврте на религијата.

Токму оваа животна посветеност, како што е наведено, довела до сериозно отуѓување од сопругата. Наводно, на Санз не му пречело тоа што тој имал вера, што ја читал Библијата или што одел во црква, но ја вознемирувало тоа што религијата станала центар на неговиот живот, поради што таа се чувствувала осамено и запоставено.

„Тоа го оддалечи од неа и од нивната ќерка, а таа се чувствува сосема сама. Таа има разбирање за верата на Дани и не би имала ништо против тој да ја чита Библијата или да оди во црква. Сепак, неговата одлука да му го посвети целиот свој живот на религијата го изолираше од неговото семејство“, пренесува новинарот зборови на сопругата на Алвеш.

Според истите изјави, Санц конечно одлучила да стави крај на таквиот однос со зборовите: „Доста е, ми е преку глава, овде завршува сè“.

Поранешниот дефанзивец на Барселона, Јувентус и Пари Сен Жермен на тој начин би можел да стави крај на бракот што траеше речиси девет години. Засега, ова се информациите што ги објави еден шпански новинар, повикувајќи се на разговор со Џоана Санц.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер