Пежо ја откри внатрешноста на новиот електричен 3008 (ФОТО) - Канал 5

Автомобилизам

Пежо ја откри внатрешноста на новиот електричен 3008 (ФОТО)

Приказната наречена i-Cockpit продолжува.

Пежо ја откри внатрешноста на новиот електричен 3008 (ФОТО)

Peugeot беше еден од првите кој го дигитализираше кокпитот и го поврза со претходното решение на погледот над воланот, што кај автомобилите на Peugeot обезбедува малку поинаква ергономија.

Новата генерација на i-Cockpit ќе дебитира овој септември, на новиот, целосно електричен 3008. Потоа можеме да очекуваме имплементација на другите модели во гамата.

Централниот дел на новиот систем е самостоен панорамски дисплеј од 21 инчи кој ги комбинира таблата со инструменти, главниот екран и екранот на допир во една единица. Екранот има потпора, а LED осветлувањето во неговата основа е поставено за да создаде лебдечки ефект.

Десно се контролите чувствителни на допир за контрола на климата, поставките и, се разбира, инфозабавата. На централната конзола се наоѓа уште еден екран, кој со 10 кратенки за персонализација ги заменува старите копчиња инспирирани од прекинувачите на авионите.

Воланот е задржан. Има два крака, дополнителни контроли осетливи на допир со „ефект на тактилен клик“. Посебно впечатливо е решението на централната конзола во две нивоа, горното со контроли и долниот, кој служи како простор за складирање на помали предмети. Контролата на менувачот е поставена на предната арматура, веднаш до копчето за стартување на погонот.

Духот на претходните генерации е видлив во деталите, но и во аспирациите на Peugeot да обезбеди премиум чувство со внатрешната декорација и самите материјали. Се чини дека овој пат му успеа.

Кога станува збор за надворешноста на возилото, Peugeot досега откри само примероци од камуфлажата што ја носат прототипите и потврди дека ќе биде SUV, веројатно со нагласена купе форма. Веројатно ќе ја користи поновата STLA Medium платформа, а новите електрични погони ќе нудат автономија до 700 km.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Луѓето на Трамп за смртта на Греам: „Беше отруен од Иран или Русија“

Американскиот сенатор Линдзи Греам почина во саботата по „кратка и ненадејна болест“, се наведува во соопштението од неговата канцеларија.

Луѓето на Трамп за смртта на Греам: „Беше отруен од Иран или Русија“

Два дена пред оваа вест, републиканскиот сенатор беше виден во Киев, Украина, каде што се сретна со претседателот Володимир Зеленски и повика на крај на војната со Русија.

Посетата на Греам на Украина пред неговата смрт поттикна бран шпекулации на интернет, при што неколку истакнати личности од движењето „MAGA“ тврдат дека американскиот сенатор можеби бил отруен од Русија.

Теориите беа дополнително поттикнати откако Греам повика на поголеми санкции против Русија и вети поголема поддршка од САД за Украина во услови на тековната војна. Од друга страна, многумина се сомневаа дека Иран е вмешан во смртта на Греам. Поранешната продуцентка на „Фокс њуз“, Кајли Џејн Крамер, ги истакна заканите кон американски сенатор од ИРГК.

„ИРГК се закани дека ќе ја убие сенаторката Линдзи Греам пред само пет дена. Потребна е целосна истрага за неговата смрт“, напиша таа на X.

Можната иранска врска ја спомена и Лаура Лумер, која беше меѓу првите од кампот на MAGA што изрази загриженост поради смртта на Греам. „Пред 5 дена, сенаторот Линдзи Греам објави дека ИРГК се заканила дека ќе го убие. Тие се заканија дека ќе ме убијат мене, како и претседателот Трамп, а на погребот на Хамеини, оперативците на ИРГК држеа исти постери со нашите ликови, на кои повикуваа да ни паднат главите“, напиша Лумер на X, додавајќи дека неговата смрт не изгледа како случајност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС, Левица и ДУИ бараат изговори за да го блокираат Изборниот законик, тие не се за реформи туку за политичка блокада

СДС, Левица и ДУИ уште еднаш покажаа дека не сакаат нов Изборен законик, туку политичка блокада.

ВМРО-ДПМНЕ: СДС, Левица и ДУИ бараат изговори за да го блокираат Изборниот законик, тие не се за реформи туку за политичка блокада

Иако со месеци учествуваа во разговорите и усогласувањето на текстот, во моментот кога требаше да се постигне договор, се повлекоа и го урнаа целиот процес.

Венко Филипче после 4 месеци преговори во Собранието за Изборниот законик најде нов изговор и се сети дека му се потребни експерти.

Блокадата на Изборниот законик е заеднички проект на СДС, Левица и ДУИ, трите партии си подготвуваат алиби поради стравот од избори и пораз.

ВМРО-ДПМНЕ останува подготвена веднаш да прифати договор меѓу опозициските партии, доколку тоа овозможи конечно да се олесни гласањето на дијаспората.

Одговорноста ако Македонија продолжи со стариот Изборен законик е целосно на СДС, Левица и ДУИ.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Голем шумски пожар во Франција, наредена евакуација

Голем пожар што избувна во позната шума во близина на градот Фонтенбло, во департманот Сена и Марна во централна Франција, уништи 800 хектари земјиште – главно под шума – а жителите на околу 15 куќи беа евакуирани.

Видео: Голем шумски пожар во Франција, наредена евакуација

Два противпожарни авиони, хеликоптери и 400 пожарникари се распоредени во обид да го сузбијат пожарот од „вонредни размери“, објавува денес „Фигаро“, наведувајќи дека пожарот предизвикал големи прекини во патниот и железничкиот сообраќај.

Околу петнаесет куќи во селото Води се евакуирани, а пожарникарите работат на заштита на куќите во Ашер ла Форе. Министерот за внатрешни работи на Франција, Лоран Нуњез, објави дека денес ќе ја посети загрозената област во близина на шумата Фонтенбло и ќе го разгледа командниот пункт за да ја процени ситуацијата и да се сретне со локалните власти.

„Пожарот сè уште не е локализиран. Пожарникарите очекуваат пад на температурата“, изјави Пол-Едуар Лоран, портпарол на регионалната служба за противпожарна заштита и спасување (SDIS). Потполковникот Ерик Брокарди, портпарол на Националната федерација на француските пожарникари, денеска изјави дека главната цел на пожарникарите е да ги спасат животите и имотот.

Тагови: пожар Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер