Пезешкијан: Иран не сака војна и се подготвува за преговори со САД - Канал 5

Свет

Пезешкијан: Иран не сака војна и се подготвува за преговори со САД

Иранскиот претседател Масуд Пезешкијан повика на мирно решавање на тензиите со Вашингтон по обновените воени закани од американскиот претседател Доналд Трамп.

Пезешкијан: Иран не сака војна и се подготвува за преговори со САД

За време на телефонскиот разговор со египетскиот претседател Абдел Фатах ал-Сиси, Пезешкијан ја нагласил „неопходноста од воспоставување дипломатски процеси“, објави државната агенција ИРНА. Тој потенцираше дека Исламската Република никогаш не тежнеела кон војна и верува дека евентуален конфликт не би бил во интерес ниту на Иран, ниту на САД, ниту на регионот.

Високиот ирански функционер Али Лариџани, генерален секретар на Советот за национална безбедност, преку платформата Икс потврди дека се работи на рамка за преговори, спротивно на, како што вели, „вештачки создадениот медиумски наратив за војна“. ИРНА пренесува дека разговорите за нуклеарната програма се во почетна фаза и покрај воените закани.

Од друга страна, претседателот Трамп го зголеми притисокот врз Техеран со најава за испраќање дополнителни воени бродови. - Тие разговараат со нас, ќе видиме дали можеме да направиме нешто... Имаме голема флота која се упати кон таму, изјави Трамп за „Фокс Њуз“.

Фокусот на преговорите се очекува да биде насочен кон прекин на иранската нуклеарна програма и ограничување на балистичките ракети. Сепак, шефот на иранската дипломатија Абас Арагчи порача дека одбранбената стратегија и ракетните системи никогаш нема да бидат предмет на преговори. Тој предупреди дека доколку дојде до конфликт, тој би можел да се прошири низ целиот регион.

Тензиите дополнително се заострени по нападите на американската војска врз нуклеарни објекти во Иран минатиот јуни, како поддршка на израелските напади. САД го зголемија своето воено присуство во регионот од почетокот на јануари, вклучително и со распоредувањето на носачот на авиони „УСС Абрахам Линколн“.

Тагови: Иран Масуд Пезешкијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер