Петунија од Орегон е најгрдото куче на светот- била спасена од нелегалните борби во Лас Вегас - Канал 5

Живот

Петунија од Орегон е најгрдото куче на светот- била спасена од нелегалните борби во Лас Вегас

Годишниот натпревар за најгрдо куче во светот, кој се одржува секоја година во Калифорнија, САД, има нов победник: мешавина од англиско-француски булдог по име Петунија е прогласена за најгрдо куче во светот.

Петунија од Орегон е најгрдото куче на светот- била спасена од нелегалните борби во Лас Вегас

Годишниот натпревар за најгрдо куче во светот, кој се одржува секоја година во Калифорнија, САД, има нов победник: мешавина од англиско-француски булдог по име Петунија е прогласена за најгрдо куче во светот на 8 август на саемот во округот Сонома во Санта Роса, објави Пипл.

Петунија, од Јуџин, Орегон, освои парична награда од 5.000 долари и договор нејзината фотографија да се појави на лименки со ограничено издание на спонзорот на настанот, Mug Root Beer. Натпреварот, кој се одржува речиси 50 години, „ги слави несовршеностите што ги прават сите кучиња посебни и уникатни“, според организаторите на натпреварот.

Двегодишната Петунија победи во жестоката конкуренција од натпреварувачи, меѓу кои беа Малиот принц Вондер и Незуми, 13-годишна чивава.

Според медиумските извештаи, Петунија била спасена од „хаосот од одгледувачи и продажба за борба“ во Лас Вегас: таа била донесена во Орегон од страна на Службата за спасување кучиња „Luvable Dog Rescue Service“, каде што добила многу потребна медицинска нега, вклучувајќи стерилизација и операција за корекција на расцеп на непцето, болна состојба што го отежнува дишењето. Петунија била опишана како „нежна душа која обожава други кучиња, мачки и луѓе“ и била посвоена од нејзината сопственичка, Шенон.

Натпреварот за најгрдо куче во светот се одржува речиси 50 години. На веб-страницата на натпреварот, организаторите велат дека годишниот настан е „доказ дека родословот не дефинира домашно милениче“. Многу од натпреварувачите се спасени од засолништа и одгледувачници, помагајќи да се подигне свеста за потребата од посвојување домашни миленици.

Во 2024 година, осумгодишен пекинезер по име Вајлд Тенг ја освои титулата Најгрдо куче во светот, по пет години учество.

Тагови: куче Лас Вегас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Смеење до солзи со „Секстет“ на НУ Народен театар Битола на годинешното издание на фестивалот „Денови на комедијата“

На сцената на НУЦК „Трајко Прокопиев“ – Куманово вчеравечер одекна силен и долг аплауз за екипата на НУ Народен театар Битола, која со својата изведба повторно ја воодушеви и ја насмеа до солзи публиката која ја исполни салата до последното столче.

Смеење до солзи со „Секстет“ на НУ Народен театар Битола на годинешното издание на фестивалот „Денови на комедијата“

„Секстет“ и овојпат покажа дека добрата комедија не познава граници – се игра, се чувствува и се споделува со публиката.

„Од срце му благодариме на организаторот на фестивалот „Денови на комедијата“ за поканата, прекрасното добредојде и гостопримството. До следната средба – со уште многу смеа, аплаузи и театарски моменти“, истакнуваат од Битолскиот театар.

Претставата „Секстет“ секогаш го полни гледалиштето до последното место, комедијата од Марк Камолети, во режија на Марјан Георгиевски, па така и овојпат салата беше исполнета со публика која ги награди актерите на Битолскиот театар со долготрајни аплаузи.

Недоразбирања, тајни, љубовни заплети и урнебесни пресврти секогаш ја тераат публиката да се смее од почеток до крај.

Зошто комедија? Затоа што премногу долго сме сериозни.

Живееме во време на прегласни информации и постојани кризи.

Научивме како да бидеме загрижени, заборавивме да се смееме. Во претставата играат: Бернар -Николче Пројчевски, Жаклина-Катерина Аневска Дранговска, Роберт -Александар Димитровски, Сузан-Сандра Грибовска Илиевска, Сузет -Анастасија Чипуровска, Џорџ-Борче Ѓаковски.

Костимографијата е на Андреј Георгиевски, сценографијата на Влатко Чачоровски, музика -Александар Димовски.

29.издание на Фестивалот оваа година се одржува од 23 септември до 5 октомври. Во текот на фестивалските денови, публиката има можност да проследи театарски претстави исполнети со хумор, квалитетна актерска игра и препознатлива фестивалска атмосфера преку изведба на театрите од Македонија и земјите од регионот. Фестивалот ќе биде затворен со претстава надвор од конкуренција, посветена на годинашниот лауреат Игор Џамбазов. Фестивалот е поддржан од Министерството за култура и туризам и од Општина Куманово.

Тагови: Денови на комедијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер