Петрушевски: Куманово не смее да падне во рацете на Мартин Костовски - Канал 5

Петрушевски: Куманово не смее да падне во рацете на Мартин Костовски

СДС продолжува со старата матрица и со истите луѓе. За Куманово, како кандидат за градоначалник го нудат Мартин Костовски, кој е дел од структурата која со години ја туркаше Македонија во погрешна насока.

Петрушевски: Куманово не смее да падне во рацете на Мартин Костовски

Неговото кандидирање е уште една потврда дека Зоран Заев сè уште ја води партијата од сенка, а Венко Филипче е само најобичен пиун. Во СДС нема промени, нема реформи.

Потсетуваме на сериозниот преседан што го направи Костовски, како директор на Службен весник, со објавувањето на Законот за двојазичност без потпис на Претседателот на Републиката. Со тоа директно постапил спротивно на Уставот и законите на државата. Оваа неуставна постапка резултирала со кривична пријава.

Исто така, постојат основани сомненија дека за да обезбеди поддршка за т.н. француски предлог, тогашниот министерот Бујар Османи ја вработил сопругата на Костовски во МНР. Ова претставува класичен пример на тргување со влијание и политички пазар.

Мора да потсетиме за инцидентот од 2017 година, кога со 1.47 промили алкохол во крвта, Мартин Костовски физички нападнал учесник на протестите „За заедничка Македонија“. За ваквото однесување, кое е срамно за секој граѓанин, а не пак за јавна личност, поднесена е кривична пријава за насилство.

Многу важно, кумановци заслужуваат одговор, како е можно со чиновничка плата од 50 до 60 илјади денари, Мартин Костовски да започне изградба на зграда во центарот на Куманово? Градбата е стопирана од градежната инспекција поради сериозни неправилности.

Дополнително, неговото поставување за претседател на ОО СДСМ во Куманово токму од Заев, веднаш по неговото доаѓање на лидерската позиција во 2013 година, е уште еден доказ дека вистинскиот лидер на СДС е Заев, а не Венко Филипче, кој само формално ја носи титулата претседател.

Каков капацитет поседува Костовски кажува и фактот дека во 2021 година, кога по дебаклот на локалните избори и на самиот Зоран Заев му стана јасно дека треба да се повлече од лидерската позиција во СДС, тој започнува акција за собирање на потписи за поддршка на Зоран Заев да остане претседател.

И конечно, во кумановската чаршија за Костовски велат едно, познат е по семејни вработувања и згрижување на блиски лица. Без резултати. Без дела. Само слепа партиска послушност, лични интереси и џабе потрошен четиригодишен пратенички мандат, по кој и понатаму ужива финансиски привилегии преку апанажа.

Куманово не смее да падне во рацете на човек со вакво минато.

Куманово заслужува чесност, отчетност и визија, работи кои Мартин Костовски не може да ги понуди.

Бране Петрушевски, пратеник на ВМРО-ДПМНЕ

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Хаос поради нозете на Џеј Ло

Светската музичка ѕвезда Џенифер Лопез покажа дека дури и на 57-годишна возраст може да се пофали со завидна фигура, а нејзиното последно телевизиско појавување повторно привлече внимание поради нејзиниот изглед.

Фото: Хаос поради нозете на Џеј Ло

Извајаните нозе на „жешката“ латиноамериканка Џеј Ло предизвикаа хаос, напорните тренинзи вродија со плод.

Латино дивата Џенифер Лопез гостуваше во емисијата „The Tonight Show Starring Jimmy Fallon“, каде што се појави во краток фустан што ги истакна нејзините затегнати и мускулести нозе.

За оваа пригода, таа одбра впечатлив мини-фустан во маслинеста боја, чиј крој дополнително ја нагласи фигурата по која таа е препознатлива со години.

Токму мини-должината ги стави нејзините извајани нозе во центарот на вниманието, особено додека таа седеше на каучот во студиото.

Стајлингот го заокружи со чевли со шпиц во кафеава нијанса, златни алки, часовник, прстени и обетки.

Косата ја зачешла наназад и ја врза во високо опавче, додека очите ги истакна со шминка, а усните ги остави во неутрални тонови.

Сепак, фотографиите од студиото брзо привлекоа внимание, а нејзиниот избор на облека уште еднаш покажа дека пејачката радо избира парчиња што ја истакнуваат нејзината фигура и дека не се плаши од кратки и провокативни кроеви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Ретко кој го забележа шеширот покрај бујното деколтет!

Од шеширот едвај се гледа, но градите сепак „штрчат“, дали знае некој која е оваа убавица?

Фото: Ретко кој го забележа шеширот покрај бујното деколтет!

Раперката Карди Б не пропушти прилика повторно да ги покаже своите прекрасни бујни облини – но и својот префинет вкус за мода и модни трендови.

Синоќа во Лос Анџелес се одржа 17-тото доделување на наградите „Гувернерс“ (Governors Awards), настан на кој присуствуваа бројни ѕвезди.

Американската раперка Карди Би не ја пропушти можноста да заблеска на овој настан, воодушевувајќи ги сите присутни со своето модно издание.

За хуманитарниот настан, таа му ја довери довербата на модниот дизајнер Тамара Ралф и облече нејзин фустан од висока мода. Како што може да се види, белиот фустан, кој е кроен со нагласен струк, ја истакна нејзината витка фигура, но истовремено ги нагласи и нејзините бујни гради.

Интересен беше и делот на стомакот – златниот елемент во стил на корсет, кој на целата креација ѝ даде нота на модерен гламур.

Сепак, главниот акцент во стајлингот беше преголемата шапка, која совршено се вклопи во оваа комбинација и го претвори целокупниот изглед на раперот во уметничко доживување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА инвестира милијарди во европската кошарка !

Најсилното светско кошаркарско првенство, НБА планира да инвестира милијарди долари во создавањето на нова европска кошаркарска лига, во која сака да ги вклучи најголемите фудбалски клубови од Стариот континент.

НБА инвестира милијарди во европската кошарка !

НБА не се откажува од идејата за започнување ново кошаркарско натпреварување на Стариот континент, а амбициите на американската организација стануваат сè поголеми.

Според информациите на британскиот „Скај њуз“ (Sky News), планот е да се формира огромен инвестициски фонд кој би располагал со милијарди долари. Средствата првенствено би биле наменети за изградба на модерни спортски сали, развој на инфраструктурата и привлекување на големи европски клубови.

Целта на НБА е да создаде натпреварување кое ќе ги обедини најпознатите спортски брендови во Европа и ќе стане сериозен конкурент на Евролигата.

Посебно внимание привлекува списокот на клубови што американската организација сака да ги вклучи во проектот. Меѓу нив се Реал Мадрид, Барселона, Милан и Пари Сен Жермен. Идејата е овие фудбалски гиганти да добијат свои кошаркарски франшизи и да ја искористат својата постоечка популарност за развој на нов спортски производ.

НБА особено смета на британскиот пазар, па Лондон и Манчестер веќе се споменуваат како потенцијални градови домаќини за нови тимови. Ова би му дало дополнителна комерцијална вредност на европскиот проект и би ја отворило вратата кон пазар каде што кошарката сè уште ја нема популарноста што ја ужива фудбалот.

Сепак, реализацијата на еден ваков голем потфат нема да биде едноставна. Дел од потенцијалните инвеститори се загрижени поради огромните трошоци за започнување на натпреварувањето, но и поради неизвесноста во однос на неговата долгорочна профитабилност.

Инаку, НБА претходно се обиде да најде заеднички јазик со Евролигата, но договор меѓу двете страни не беше постигнат. По неуспешните преговори, американската организација продолжи да ја развива идејата за посебно европско натпреварување, со поддршка од ФИБА.

Доколку планот се реализира, европската клупска кошарка би можела да влезе во сосема нова ера, со огромни финансиски вложувања и доаѓање на некои од најголемите спортски имиња.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер