Петрушевски: Газдата на СДС Заев се врати, а Филипче како да е во транс и уште си игра претседател - Канал 5

Македонија

Петрушевски: Газдата на СДС Заев се врати, а Филипче како да е во транс и уште си игра претседател

Газдата на СДС Заев се врати, а Филипче како да е во транс и уште си игра претседател, колку побрзо се огради од Заев побрзо ќе ја врати партијата на нозе.

Петрушевски: Газдата на СДС Заев се врати, а Филипче како да е во транс и уште си игра претседател

Откако во понеделникот на прославата на СДС се појави Зоран Заев се потврдија тезите на ВМРО-ДПМНЕ дека Заев е тој кој ја води партијата, а не актуелниот претседател Венко Филипче.

Јасно се виде дека Заев е газда, а Филипче слуга. Јасно се виде дека Заев менаџира, а Филипче добива задачи и испорачува.

И додека на целата јавност и е јасно кој што е во СДС, Филипче никако да се помири со вистината, па вчера вели вистинскиот претседател сум јас! Филипче како да е во транс!

Веќе е кристално јасно дека другарот на Заев, Филипче е само изведувач на криминалните работи на реалниот газда Заев.

Почитувани, тука е проблемот, проблемот е што газдата на СДС е Заев. Зошто? Затоа што Заев е лик кој е олицетворение на криминал и лик кој продава се, ја продаде државата под превезот на договори со соседите за наводни добрососедски односи. А реално, Заев ги продаде државните интереси без око да му трепне.

Затоа колку побрзо Филипче се свести дека токму поради ова СДС оди кон пропаст толку пoдобро за негово, за луѓето кои ги собра околу него, за партијата и секако за државата.

Ако Филипче сака да покаже дека е претседател на СДС, дека сака да ја врати СДС во живот, да застане СДС на нозе и воедно да биде сфатена од јавноста како сериозна опозициска партија, треба да се огради од криминалите и предавствата на Заев.

Бране Петрушевски, пратеник на ВМРО-ДПМНЕ

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собраниска седница за реконструкција на Владата, ќе се сменат 8 министри

Пратениците цел ден расправаат за реконструкцијата на Владата, со која во кабинетот на премиерот Христијан Мицкоски ќе се сменат 8 министри.

Собраниска седница за реконструкција на Владата, ќе се сменат 8 министри

Со последните информации, од пред собранието ја имаме Јана Јосифовска.

Исходот е извесен со оглед на големото владејачко мнозинство, единствено неизвесно е кога ќе биде гласањето.

Целосниот извештај погледнете го во видеото.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Распишана потерница за Александар Лазаров – Цуната што им избега на полицајците низ прозорец

Министерството за внатрешни работи распиша меѓународна потерница по 41-годишниот Александар Лазаров викан „Цуната“, кој што во петокот избега од полициската станица во Кочани, каде што бил на распит откако бил фатен со дрога.

Распишана потерница за Александар Лазаров – Цуната што им избега на полицајците низ прозорец

Според информациите, тој го отворил прозорецот и се дал во бегство и уште не е пронајден.

Директорот на БЈБ, Александар Јанев, објави дека денеска бил во полициската станица во Кочани за лично да се информира за сите детали и околности поврзани со настанот, кој, како што вели, сериозно ја наруши довербата во полициската служба.

-Бегството од полициската станица на лице познато на полициските служби е сериозен инцидент кој бара целосно расчистување на сите околности и преземање на соодветни мерки. Сакам јасно да порачам: ова е недозволиво. доколку се утврди намерно постапување, помагање, прикривање или несовесно извршување на службените задачи, ќе има одговорност. – објави Јанев.

Опозиската СДСМ, преку соопштение ја обвини власта дека намерно го пуштала Лазаров и побараа оставка од министерот Панче Тошковски.

Тагови: Цуната

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности на РЦУК Свети Николе за заштита од пожари

Активностите се реализираат согласно заклучоците од координативниот состанок на надлежните институции за заштита од пожари.

Превентивни активности на РЦУК Свети Николе за заштита од пожари

Во насока на намалување на ризикот од пожари на отворен простор, тим составен од претставници на Подрачното одделение на Регионалниот центар за управување со кризи (ПО на РЦУК) Свети Николе, ОВР – Полициска станица Свети Николе, ТППЕ Свети Николе и ПШС „Шумарство“ Свети Николе спроведува заедничка координативна превентивна акција за заштита од пожари на територијата на општините Свети Николе и Лозово.

Во рамките на акцијата се посетуваат населени места, каде на средбите со граѓаните се укажува на опасностите и последиците од предизвикување пожари, а се дистрибуира и промотивно-едукативен материјал со препораки за превенција. Паралелно, се вршат контроли во шумските подрачја со цел да се утврди дали се почитува забраната за движење во шумите.

Активностите се реализираат согласно заклучоците од координативниот состанок на надлежните институции за заштита од пожари, во соработка со општините Свети Николе и Лозово, со цел подигнување на јавната свест и намалување на ризикот од појава на пожари.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер