Петровска: Одлуките за донација за Украина се класифицирани од безбедносни причини - Канал 5

Македонија

Петровска: Одлуките за донација за Украина се класифицирани од безбедносни причини

Одлуките за донација на воена помош и вооружување за Украина се одлуки на суверена и самостојна држава, без оглед на тоа што сме членка на НАТО, и сме дел од колективниот систем на безбедност. 

Петровска: Одлуките за донација за Украина се класифицирани од безбедносни причини

Од безбедносни причини тие се класифицирани, изјави денеска министерката за одбрана Славјанка Петровска.

-Од првата одлука до сега се донесени само три одлуки за донација кои се класифицирани од безбедносни причини. Тие содржат внатре детали што и каков вид на опрема и во која количина се донира. Од првата одлука кога ја донесе Владата на својата седница на предлог на Министерството за одбрана, во јавноста беше искомуницирано и соопштено дека носиме одлука за донација и во сите три случаи се следеше тој пример, притоа информацијата која што беше споделена експресно со јавноста е дека донесовме одлука за донација на воена опрема и вооружување за потребите на украинската армија. Детали не беа соопштени од безбедносни причини, но тоа не значи дека кога ќе направиме проценка дека не постои никаков безбедносен ризик тие три одлуки ќе бидат соодветно декласифицирани и јавноста апсолутно ќе знае точно што во која количина и каков вид на опрема и вооружување сме донирале кон Украина, рече Петровска на новинарско прашање на прес-конференцијата по повод претстојното одбележување Денот на Армијата и јубилејот „30 години Армија“.

Во однос на коментарите и шпекулациите во јавноста кои настанале околу одлуките на Владата, таа нагласи дека е тоа е одлука на суверена и независна држава.

-Одлуката која ја донесе Владата апсолутно претставува одлука на суверена и самостојна држава, без оглед на тоа што сме членка на НАТО и сме дел од колективниот систем на безбедност, но Владата сметаше дека во услови кога една друга суверена независна и самостојна држава – Украина е нападната треба да помогнеме водејќи се од општите принципи на самостојност. Од тие причини мотовирани ја донесовме одлуката за поддршка на Украина во опрема и вооружување, затоа што Украина е државата коа што беше нападната и која што се брани од агресија, појасни Петровска.

Таа потврди дека дел од таа донација се и тенковите, при тоа не кажа во колкав број и која количина. Тие не се веќе дел од формацијата на Армијата, оти вели, не се потребни и особено нагласи дека при носењето на политичките одлуки апсолутно било земено предвид мислењето и првенствено бил консултиран Генералштабот на Армијата, како одговорни за гарантирање на борбената готовност на нашата држава.

-Сите барања кои се однесуваат на донација од каков било вид или каков било вид на отуѓување на опрема која ние ја поседуваме, апсолутно се во координација со ГШ на Армијата и по нивни добиени позитивни мислења дека таа опрема е неперспективна, непотребна на нашата армија, се отуѓуваат во соодветна постапка или во случајот со тенковите со донација. Така што ги демантираме апсолутно сите шпекулации дека со оваа донација или која било друга претходно, се нарушува борбената готовност на нашата Армија, изјави министерката за одбрана Петровска. /МИА

Живот

Нилски коњ нападна туристи во зоолошка градина во Кина (ВИДЕО)

Видео од неверојатен „напад“ врз туристи во кинеска зоолошка градина стана вирално на социјалните мрежи, но тоа не е изненадувачки бидејќи секако е нешто што не се случува често.

Нилски коњ нападна туристи во зоолошка градина во Кина (ВИДЕО)

Имено, нилскиот коњ излезе од водата веднаш до оградата на зоолошката зад која беше собрана маса туристи, а потоа полека почна да се свртува кон водата.

Луѓето, вклучувајќи ги и малите деца, немаа поим што ќе се случи, и се случи нешто што ги натера сите да се разделат што подалеку можеа.

Нилскиот коњ решил да испушти гасови, насочувајќи ги директно кон насобраните туристи.

„Нилскиот коњ Цумеи ги напаѓа туристите во зоолошка градина во Кина - дува директно во нивните лица 15 секунди. Чуварот се обиде да ги предупреди, но беше предоцна“, се вели во описот.

Недолго откако видеото беше објавено, стана популарно, а коментарите под него изгледаа како еден вид натпревар во тоа кој има најдобро чувство за хумор.

Тагови: нилски коњ зоолошката

Свет

Трамп со Катар потпиша договор вреден над еден трилион долари

Американскиот претседател Доналд Трамп и катарскиот емир шеик Тамим бин Хамад ал-Тани потпишаа серија договори во Доха, за време на вториот ден од четиридневната турнеја на Трамп низ земјите од Персискиот Залив.

Трамп со Катар потпиша договор вреден над еден трилион долари

Според соопштението на Белата куќа, потпишани се договори со Катар што треба да генерираат „економска размена во вредност од најмалку 1,2 трилиони долари“, додека конкретните билатерални договори се проценуваат на повеќе од 243,5 милијарди долари.

Клучни договори

• „Катар ервејс“ нарача до 210 авиони од „Боинг“, со вкупна вредност од 96 милијарди долари. Белата куќа тврди дека договорот ќе поддржи до еден милион работни места во САД

• Писмо за понуда и прифаќање за борбени дронови MQ-9B, од американскиот производител General Atomics

• Договор за намера за соработка во одбраната меѓу САД и Катар

• Заедничка декларација за соработка меѓу двете земји

Покрај Боинг, големи работни места добија и американските компании Парсонс (технолошка инфраструктура) со договор вреден 97 милијарди долари и енергетско-инженерската компанија Мекдермот со договор од 8,5 милијарди долари.

Белата куќа, исто така, го нагласи „забрзувањето на инвестициите на Катар во одбраната во САД“, вклучително и системот против беспилотни летала произведен од „Рејтеон“.

Трамп најави укинување на санкциите врз Сирија и разговори со Иран

Денешната посета на Катар доаѓа еден ден по спектакуларниот престој на Трамп во Саудиска Арабија, каде што тој и принцот Мохамед бин Салман потпишаа рекорден договор за одбрана вреден 142 милијарди долари, а саудиската страна најави инвестиции кои во иднина би можеле да достигнат 1 трилион долари.

Утрото, Трамп учествуваше на самит со лидерите на земјите од Заливот во Доха и рече дека сака да „постигне договор со Иран“.

Тој, исто така, најави укинување на сите санкции врз Сирија, а наутро се сретна со сирискиот претседател Ахмед ал-Шара, кого го опиша како „убав и жилав човек“.

Американскиот претседател вечерва присуствува на државна вечера во Доха, а во петок патува во ОАЕ.

Трамп вечерва ќе присуствува на свечена државна вечера во главниот град на Катар, а во петок ќе ја продолжи својата турнеја со посета на Обединетите Арапски Емирати.

Тагови: Доналд Трамп Катар

Македонија

Филипче за одбиениот закон за Кочани: Ова не беше момент за политички инает,туку за одговорност

Денешната одлука на ВМРО-ДПМНЕ и нивните коалициски партнери да не го поддржат Законот за помош на семејствата на загинатите и повредените од Кочани, за мене е вистинско разочарување.

Филипче за одбиениот закон за Кочани: Ова не беше момент за политички инает,туку за одговорност

Денешната одлука на ВМРО-ДПМНЕ и нивните коалициски партнери да не го поддржат Законот за помош на семејствата на загинатите и повредените од Кочани, за мене е вистинско разочарување, ова беше можент на одговороност и зрелост а не за политички инает, истакна претседателот на Социјалдемократскиот сојуз на Македонија, Венко Филипче, по денешната собраниска седница на којашто пратениците од ВМРО ДПМНЕ не го подржаа предлог законот на СДСМ да се најде на дневен ред.

„Од првиот ден по трагедијата во Кочани, СДСМ се однесува со целосна почит, сочувство и одговорност за семејствата на загинатите и повредените.

Не ловевме политички поени, не обвинувавме и дадовме целосна поддршка за институциите да ја завршат работата. Го ставивме страдањето на нашите сограѓани над политиката. Покажавме емпатија и конструктивност – и како партија, и како поединци.

Во тој дух поднесовме закон со кој се обезбедува финансиска помош за семејствата на загинатите и повредените. Без никакави политички намери, со јасна цел – да им помогнеме на оние што изгубија најмногу.

Денешната одлука на ВМРО-ДПМНЕ и нивните коалициски партнери да не го поддржат овој закон за мене е вистинско разочарување. Не можам да најдам разумно објаснување за оваа постапка. Не станува збор за политика, туку за човечност, морал и совест кои очигледно пратениците на ВМРО-ДПМНЕ ги немаат.

Државата мора да покаже дека стои зад своите граѓани кога е најмногу потребно. Ова не беше момент за политички инает, туку за заедничка грижа. СДСМ ќе продолжи да се бори за вистински вредности и да нуди и дава поддршка таму каде што најмногу треба“, вели претседателот на СДСМ, Венко Филипче, се наведува во партиското соопштение.

притисни ентер