Петир: ЕУ е виновна за се што се случува во Македонија - Канал 5

Македонија

Петир: ЕУ е виновна за се што се случува во Македонија

Хрватската европратеничка Маријана Петир директно ја обвини Европската унија за сегашната политичко-безбедносна ситуација во Република Македонија. Како што јави дописникот на МИА од Брисел на синоќешната расправа за Македонија во Европскиот парламент, политичарката од Хрватска го посочи прстот кон официјален Брисел за она што се случува со македонската држава.

Петир: ЕУ е виновна за се што се случува во Македонија

- Стабилноста во Македонија е важна за стабилноста на целиот регион и за целата Европска унија. Македонија не смее повеќе да биде во чекалната, како поради македонскиот народ, така и поради кредибилитетот на Европската унија, рече хрватскиот член на Европскиот парламент Петир на пленарната седница на Европарламентот за состојбите во Република Македонија.

Изразувајќи сочувство до семејствата на загинатите од страна на македонската полиција, што според Петир беа брутално убиени во терористички напад во Куманово, Хрватката предупреди дека, според нејзиното мислење, овој чин на вандализам немаше да се случи ако патот на Македонија кон НАТО не беше запрен. Со тоа, според неа, Македонија е оставена во чекалната.

Критикувајќи ја Европската унија и пред се Европскиот совет, кој ги блокираше преговорите со Македонија, хрватската европратеничка истакна:

- Виновникот за драматичната ситуација во Македонија најпрво треба да се бараат во засолништето на Европската унија, особено на Советот кој и покрај сите Резолуции на Европскиот парламент се уште става пречки на Македонија за отворање на преговорите, рече Петир.

Образложувајќи дека Македонија во декември 2005 година доби статус на земја-кандидат за членство во ЕУ, а во октомври 2009 година Европската комисија даде прва препорака за отворање на пристапните преговори, што ја повтори уште петпати досега, хрватската европратеничка потенцираше дека процесот е запрен поради спорот за името со Грција, иако, како што напомена - Македонија во текот на годините ги исполни сите потребни услови, а и земјата бележи најголем економски раст во регионот.

- Македонија ги исполни сите потребни услови и заслужува да и се отворат пристапните преговори, истакна Петир и побара билатералниот проблем со името да почне да се решава во рамките на преговорите според моделот кој Хрватска и Словенија го користеа за решавање на билатералното прашање и кој се покажа како успешен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Изборните анкети во Србија без конкретен фаворит- предвидуваат победа и за Вучиќ и за студентската листа

Мртва трка со само неколку проценти предност за партијата на Вучиќ, односно за Студентската листа, предвидуваат изборните анкети на ден пред изборите во Србија. 

Изборните анкети во Србија без конкретен фаворит- предвидуваат победа и за Вучиќ и за студентската листа

Според „Нова српска политичка мисла“ , Студентската листа е во предност за 2 процента пред Вучиќ или 44,5 наспрема 42,7 проценти. ИПСОС , пак предвидува победа на Вучиќ со предност од 7,4 проценти пред Студентската листа или 47,4 наспрема 40 проценти.

Вонредните парламентарни избори во Србија, кои ќе се одржат на 25 октомври, ќе бидат 15-ти парламентарни избори во таа земја од 1990 година, а воедно и јубилејни, десетти вонредни избори. Право на глас имаат околу шест и пол милиони гласачи, кои ќе изберат 250 претставници во српскиот Парламент.

Според политичките проценки, ова се најважните парламентарни избори во Србија од падот на Слободан Милошевиќ во октомври 2000 година.

Главната битка се води помеѓу две листи - онаа на Александар Вучиќ и студентската листа, која во моментов е негов најголем противник.

Вучиќ се обидува со овие избори да ја врати премиерската функција и на тој начин да остане на власт, која ја држи од 2012 година. Ова се и првите избори на кои Вучиќ не е фаворит и на кои студентската листа има големи шанси за победа.

Секако, конечната пресуда ќе ја дадат гласачите, а многу ќе биде познато веќе во недела навечер, по 20 часот, кога ќе бидат објавени првите резултати. Доколку по овие избори во Србија се формира нова влада, тоа ќе биде 21-ва влада по ред од 1990 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Лишени од слобода 12 возачи за „безобѕирно управување со моторно возило“, 10 возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 12 возачи поради сторено кривично дело „безобѕирно управување со моторно возило“ .

Лишени од слобода 12 возачи за „безобѕирно управување со моторно возило“, 10 возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 12 возачи поради сторено кривично дело „безобѕирно управување со моторно возило“ по член 297-а од Кривичниот законик.

Од нив, 10 управувале возило без положен возачки испит и тоа: Д.Г.(20) и К.Д.(23), И.Ш.(28), С.Т.(20) сите од Скопје, Р.Ш.(22) од с.Морани, скопско, А.В.(20) од с.Радишани, скопско, Љ.М.(59) од с.Ресава, кавадаречко, Н.Ј.(35) од с.Слупчане, Општина Липково, и А.А.(18) од Прилеп и Д.К.(18) од с.Тополчани, прилепско. Со активна мерка - забрана возило управувале Д.Ќ.(47) од Велес и М.Б.(30) од Крушево. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Голема рација во Италија- полицијата врши претреси во повеќе градови поради насилните протести

Италијанската полиција изврши повеќе од 150 претреси во Милано, Монца и уште 20 градови, главно во Ломбардија, како дел од истрагата започната по немирите од минатиот викенд со кои се бори Италија, објави Анса.

Голема рација во Италија- полицијата врши претреси во повеќе градови поради насилните протести

Италија се соочува со голем тест - за денес се планирани десетици протести.

Италијанската влада во среда усвои декрет за итни мерки за зачувување на јавната безбедност и борба против малолетничкиот криминал, по неодамнешните демонстрации и насилни судири во Милано.

Мерките предвидуваат превентивно притворање на малолетници, построги казни за организирано насилство и распоредување на дополнителни 500 војници на улиците на градот.

Според новите правила, се воведува претпоставка за здрав разум за малолетници кои наполниле 14 години, што значи дека ќе се сметаат за способни да го разберат значењето на своите постапки и да ги управуваат, освен ако не се докаже спротивното.

Тагови: италија протести

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер