Европа

Петер Маѓар на прва прес конференција по изборната победа: Толку голем број гласови е голема чест и одговорност

Унгарскиот опозициски политичар Петер Маѓар се обрати откако неговата партија Тиса вчера победи на парламентарните избори.

Ова беше негова прва прес-конференција откако актуелниот премиер Виктор Орбан го призна поразот

„Убедливата победа на партијата е победа за Унгарија, 138 места отидоа за Тиса, но гласовите сè уште се пребројуваат во светот. Очекуваме исходот да се сврти во корист на Тиса и да можеме да имаме 142 места. Ова е невиден број луѓе кои гласаа за една партија“, им рече Маѓар на собраните новинари.

„Толку голем број гласачи е голема чест и одговорност, но тоа е почеток на нова ера. Унгарците почувствуваа колку се сериозни и клучни овие избори, дека овие избори ќе ја одлучат судбината на нашата татковина“, рече тој.

Потоа рече дека очекува процесот на предавање да биде што е можно пократок.

„Според правилата, резултатот од изборите ќе стане конечен и обврзувачки најдоцна до 4 мај. Претседателот на оваа марионетска република ќе има најдоцна 30 дена да свика конститутивна седница на новата влада. Го повикувам да го стори тоа што е можно поскоро и да не чека до мај“, рече Маѓар.

Но, тој инсистираше дека неговата нова влада ќе „го претставува секој Унгарец“.

„Секако понекогаш ќе правиме грешки, но ќе ја преземеме одговорноста за нашите грешки“, нагласи тој.

Додаде дека граѓаните јасно ја изразиле својата геополитичка ориентација.

„Луѓето одлучија дека Европа е таму каде што припаѓа Унгарија и каде што ќе остане. Граѓаните ја потврдија својата желба да останат во рамките на Европа и Европската Унија“, рече тој.

Маѓар додаде дека Унгарија нема да се меша во внатрешните работи на балканските и другите земји и дека побарал ист пристап од меѓународните партнери.

Тој ги истакна НАТО и Европската Унија како приоритети на надворешната политика.

„Историјата на Унгарија не е напишана во Москва, Брисел или Вашингтон, туку на унгарските улици и плоштади. Ја пишуваат Унгарците и им се заблагодарувам што уште еднаш го докажаа тоа“, заклучи Маѓар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Насилник газеше луѓе со кола по ливада во Херцеговина, тројца се повредени (ВИДЕО)

Тежок инцидент се случи вчера кај градот Билеќа во Босна и Херцеговина, каде по настан со коњички трки, насилник со автомобил бркаше луѓе на отворен простор и успеа да прегази тројца, кои се во болница.

Снимка од шокантниот настан се појави на социјалните мрежи, а според локалните меидуми, полицијата трага по Жељко Вујовиќ, осомничен за обид за тешко убиство, како и по едно лице што побегнало со него. Во меѓувреме уапсени се маж и жена за кои се верува дека му помогнале на сторителот по извешувањето на кривичното дело.

Во инцидентот на коњските трки биле повредени три лица. 32 годишен маж бил примен на интензивна нега со повреди на рамото и потколеницата, додека другите двајца имале полесни повреди.

Тагови: Босна и Херцеговина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп повторно објави мапа: „Нова територија на САД“

Претседателот на САД, Доналд Трамп, објави мапа на Ормутскиот теснец на својата социјална мрежа „Truth social“ и го прогласи за територија на САД.

Објавената слика покажува мапа на која е заокружен делот што го вклучува ормутскиот теснец, иранскиот остров Кешм, делови од територијата на Оман, па дури и градот Дубаи. Над тоа е коментарот: „нова територија на САД“.

Само еден ден претходно, Трамп изјави дека САД имаат „целосна контрола“ врз целиот регион што има врска со Ормутскиот теснец.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

16 загинати во нападот на трговскиот центар во Украина, се проверува дали продавницата требало да биде евакуирана

Украинската полиција отвори кривична постапка против директорот на супермаркет во трговскиот центар во Криви Рих, кој беше погоден во руски напад со дронови.

Во рускиот напад загинаа најмалку 16 лица, а повредени беа уште 130, меѓу кои и 23 деца. спасувачките екипи и натаму трагаат по исчезнати лица.

Директорот се истражува поради сомнение за немар, бидејќи продавницата наводно останала отворена и за време на воздушната тревога. Според украинските власти, од моментот кога била вклучена воздушната тревога до првиот удар со дрон поминале околу 20 минути.

Истрагата треба да утврди дали вработените и посетителите биле навреме предупредени за опасноста, дали била издадена наредба за евакуација и дали биле почитувани безбедносните протоколи за објект во регион близу до фронтот. Ќе се проверуваат и наводите дека вратите на засолништето биле блокирани.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.