Македонија

Пет возила запалени во Штип, две сопственост на семејство блиско до СДСМ

Пет возила целосно изгореле рано утринава во подметнати пожари, две од возилата, врз кои според неофицијални информации се фрлени Молотови коктели, се сопственост на семејството блиско на функционери на СДСМ.

Три возила се целосно опожарени а две делумно утринава околу 5 часот во штипската населба Сењак. Меѓу целосно опожарените се возилата на Никола Тушев, поранешен претседател на огранокот на СДСМ во Штип, а другото на неговиот татко Мите Тушев. Тие се брат и татко на поранешната пратеничка од СДСМ Маринела Тушева, која е сопруга на Бојан Маричиќ, советник за евроатлантски интеграции на премиерот Зоран Заев.

Никола Тушев за МИА вели дека возилата биле запалени околу 5 часот утринава. Неговото возило и возилото на неговиот татко биле паркирани на две различни места на паркинг просторот, а се сомнева дека палењето е извршено со молотови коктели.

Екс пратеничката Тушева на својот фејсбук профил објави и кратко видео на кое се гледа како гори еден од двата автомобили при што за вина посочува на политичките противници од ВМРО ДПМНЕ.

Од МВР засега само го потврдуваат инцидентот. И од Јавното обвинителство велат дека се истражува случајот па повеќе информации најавуваат по спроведување на истрагата.

Фудбал

Инфантино најави голема промена во користењето на ВАР системот

Претседателот на ФИФА, Џани Инфантино, ја објави големата вест во врска со употребата на ВАР на конгресот на светската фудбалска федерација во Бангкок. 

Тој изјави дека сега тренерите ќе имаат право да бараат проверка со ВАР системот два пати по натпревар.

-Ќе го развиваме и подобруваме ВАР. Овој систем го користат 65 национални асоцијации, но сега ќе го подобриме. Создадовме поосновна технологија со помалку камери и без судии да одлучуваат, така што е достапен за сите и полесен за имплементација Овој систем веќе се тестира, започна Инфантино.

Тоа ќе функционира така што тренерот на секој тим има право да бара помош од ВАР двапати по натпревар. Ако првобитната одлука на судијата се смени по таквата барана ревизија, тимот што бара преглед сè уште има право на два прегледи.

-Доколку по ваквата барана проверка, ВАР ја потврди одлуката на судијата на теренот, тогаш тимот што го побарал го губи правото на проверка на негово барање, изјави Инфантино. /МИА

Фудбал

Тухел: Не се договоривме со Баерн, ова е мојата последна прес-конференција овде

Тренерот на Баерн Минхен, Томас Тухел денеска и официјално соопшти дека нема да остане на кормилото на баварците.

Во последните неколку дена имаше информации дека тој би можел да продолжи да го води тимот, иако веќе во февруари клубот објави дека двете страни ќе се разделат на крајот од сезоната.

„Ова е мојата последна прес-конференција на Зебенер Штрасе (клупската база на Баерн). Водевме разговори, но не постигнавме договор, така што одлуката од февруари останува на сила. Очигледно е тешко. Резултатите како оние во Лигата на шампионите против Лацио, Арсенал и Реал Мадрид не сплотуваат. Повратните информации од последните недели беа основа за да имаме дискусија. Но, не можевме да постигнеме договор. Причините нема да ги именувам. Договорот од февруари останува на сила, објасни Тухел

Свет

Бербок: На Украина и е потребно оружје со долг дострел

На Украина и треба повеќе оружје со долг дострел за да се бори против руското напредување во регионот Харков, каде ситуацијата на бојното поле е „многу драматична“, изјави денеска шефицата на германската дипломатија Аналена Бербок.

На маргините на состанокот на министрите за надворешни работи на Советот на Европа во Стразбур, таа потенцира дека е важно да се прекинат руските патишта за снабдување и да ѝ се даде на Украина оружје „што може да се користи на средни и долги растојанија“.

Таа наведе дека Берлин соработува со своите партнери по ова прашање и дека ситуацијата на фронтот е „исклучително тешка“.

притисни ентер