Пет лица обвинети за скандалот „Хуавеј“ за корупција во Европскиот парламент - Канал 5

Свет

Пет лица обвинети за скандалот „Хуавеј“ за корупција во Европскиот парламент

Пет лица се обвинети за активна корупција и перење пари во истрагата против кинеската компанија „Хуавеј“ (Huawei) поради сомневање за корупција во Европскиот парламент, соопшти денеска белгиското федерално обвинителство.

Пет лица обвинети за скандалот „Хуавеј“ за корупција во Европскиот парламент

-Истражниот судија до денеска обвини четири лица за активна корупција и криминална организација. Петто лице е обвинето за перење пари. За четири лица се издадени налози за апсење, а петтото е пуштено со кауција, соопшти обвинителството, додавајќи дека вчера биле извршени нови претреси во канцеларијата на Европскиот парламент во Брисел.

На 13 март, белгиските власти претресоа повеќе од 20 адреси и запечатија две канцеларии во Европскиот парламент, како дел од истрагата за мито и лобирање активности на кинескиот технолошки гигант „Хуавеј“ во Европа.

Властите соопштија дека ги истражуваат прелиминарните наводи за „активна корупција, фалсификување документи, перење пари во Европскиот парламент“, изјави неодамна неименуван портпарол на белгиското обвинителство, додавајќи дека „поткупот“ наводно бил во корист на „Хуавеј“.

Според обвинителството, корупцијата се практикува „редовно и многу дискретно“ од 2021 година, „под маската на комерцијално лобирање“ и во различни форми, како што се такси за преземање политичка позиција или преголеми подароци, плаќање патни трошоци и редовни покани за фудбалски натпревари.

Седиштето на ЕП е во Стразбур, но состаноците често се одржуваат во Брисел, каде што е седиштето на Европската унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Тешка сообраќајка во Италија: Татко и двете мали ќерки загинаа, мајката се бори за живот (ВИДЕО)

Тешка семејна трагедија се случи во Италија, кога 53-годишен татко и неговите две ќерки, на возраст од само 8 и 14 години, загинаа во ужасна сообраќајна несреќа.

Тешка сообраќајка во Италија: Татко и двете мали ќерки загинаа, мајката се бори за живот (ВИДЕО)

Несреќата се случила кратко пред 8 часот наутро на државниот пат Јонио-Тирено број 682, помеѓу раскрсниците Меликучо и Росарно. Автомобилот во кој се наоѓало четиричленото семејство се судрил со камион.

Мајката на девојчето исто така била тешко повредена во несреќата и била однесена во болница во Полистена на лекување, објавува „Раи њуз“.

Полицијата, екипите на брзата помош и пожарникарите веднаш пристигнале на местото на трагедијата. Сообраќајот на овој дел беше запрен за да може полицијата да спроведе истрага, а екипите да го поправат патот.

Тагови: италија ќерки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цана: Опаѓа бројот на пациенти со западнонилска треска, двајца се критично

Бројот на пациенти со нилска треска почна да опаѓа со воведените мерки со прскање против комарци и чистење на каналите. 

Цана: Опаѓа бројот на пациенти со западнонилска треска, двајца се критично

Бројот на пациенти со нилска треска почна да опаѓа со воведените мерки со прскање против комарци и чистење на каналите. Двајца пациенти се критични се уште, вели доктор Фадил Цана директор на Клиниката за инфективни болести во Вести Плус на Канал 5..

Морбилите се идна епидемија во Македонија. Од морбили умираат деца, вакцинацијата е единствен спас, објасни д-р Цана.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ОЈО: Приведен висок функционер со обележани 17 500 евра

Под раководство на јавен обвинител од ОЈО ГОКК, полициски службеници од Одделот за сузбивање на организиран и сериозен криминал при МВР го приведоа помошник директорот на Царинската управа.

ОЈО: Приведен висок функционер со обележани 17 500 евра

Под раководство на јавен обвинител од ОЈО ГОКК, полициски службеници од Одделот за сузбивање на организиран и сериозен криминал при МВР го приведоа помошник директорот на Царинската управа кај кого се пронајдени обработени парични средства во износ од 17.500 евра.

Според првичните сознанија парите биле побарани како поткуп со цел во две постапки пред Царинската управа да го употреби своето реално влијание и наводно да помогне.

Детали од настанот обвинителството ќе сподели во текот на утрешниот ден, соопштуваат од Обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер