Пет балтички земји бараат дополнителни средства за заштита на надворешните граници на ЕУ - Канал 5

Свет

Пет балтички земји бараат дополнителни средства за заштита на надворешните граници на ЕУ

Барањето на петте балтички земји членки на ЕУ доаѓа во време кога претседателката на Европската комисија, Урсула фон дер Лајен се наоѓа на неколкудневна турнеја низ источните земји на Унијата.

Пет балтички земји бараат дополнителни средства за заштита на надворешните граници на ЕУ

Министрите за внатрешни работи на пет земји од реонот на Балтичкото Море – Естонија, Летонија, Литванија, Полска и Финска ја повикаа Европската комисија да обезбеди дополнителни средства за заштита на надворешните граници на ЕУ, кои меѓу другото би биле наменети за зајакнување на системите за воздушен надзор, како и зголемување на бројот на беспилотни летала.

Во писмо упатено до потпретседателката на Европската комисија за технолошки суверенитет, безбедност и демократија Хена Виркунен и до еврокомесарот за внатрешни работи и миграција Магнус Брунер, петмината министри наведуваат дека „повеќе од четири години се соочуваат со хибридни закани“ од страна на Белорусија и Русија, кои вклучуваат и инструментализација на мигрантите.

Министрите за внатрешни работи на Естонија, Игор Таро, на Летонија, Рихардс Козловскис, на Литванија, Владислав Кондратович, на Полска, Марцин Кирвињски и на Финска, Мари Рантанен, во писмото тврдат дека во последните месеци на териториите на овие пет земји од Белорусија и Русија навлегле дронови опремени со експлозивни направи, кои се доближиле до населени реони со што предизвикале директна закана по безбедноста на локалните жители.

Тие потсетуваат дека со поддршка на Европската комисија досега е зголемена заштитата на границите, подобрена е контролата на миграцијата и зајакнати се капацитетите за реакција на кризни ситуации, но дека во сегашната ситуација тоа не е доволно и дека се потребни понатамошни инвестиции за заштита на надворешните граници на Унијата.

Писмото следи откако минатата недела во поле со пченка во близина на местото Осини во источна Полска, се урна и експлодираше летечки објект, за кој полските власти тврдат дека бил руски дрон. При експлозијата беа искршени прозорци на неколку куќи околу местото на инцидентот.

Барањето на петте балтички земји членки на ЕУ доаѓа во време кога претседателката на Европската комисија, Урсула фон дер Лајен се наоѓа на неколкудневна турнеја низ источните земји на Унијата, меѓу кои и Бугарија, Естонија, Полска и Финска, при што покрај што одржа средби со своите домаќини, таа посети и неколку капацитети на одбранбената индустрија, како и контролни пунктови на надворешните граници на блокот. Својата турнеја низ „источното крило“ на ЕУ, Фон дер Лајен за завршува денеска со посета на Литванија и Романија.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Карлеуша: „Ако сакав да тепам проститутки...“

Српската пејачка Јелена Карлеуша го обвини својот екс сопруг , поранешниот фудбалер Душко Тошиќ дека ја нападнал неа и нејзиното момче! Таа откри и дали неговата нова девојка Нора е сè уште во брак.

Карлеуша: „Ако сакав да тепам проститутки...“

Јелена Карлеуша се огласи на својот X профил, откако нејзиниот поранешен сопруг Душко Тошиќ за прв пат објави фотографија со својата нова девојка Нора.

Контроверзната Карлеуша не штедеше зборови за својот поранешен сопруг, а откри и дека Нора е сè уште во брак.

- Никогаш физички не би го нападнала мојот поранешен сопруг и неговата мажена девојка на начинот на кој тој нè нападна мене и моето момче иако долго време бевме разведени (претпоставувам дека ќе го стори тоа и нејзиниот сопруг).

Ако сакав да тепам проститутки, ќе почнев од Турција. Но, ги сакам новинарите кои се тркаат наоколу, ги фалат моите бивши, а воедно имаат амнезија за годините злоупотреба. Поради ова, ниту еден новинар нема да добие изјава од мене повторно. Сега нека ви ја дадат Карлеуш од Тему - напиша ЈК.

Тагови: Јелена Карлеуша

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Минијатурни бикини, градите и задникот во преден план

Една од сестрите Кардашијан - Џенер, атрактивната Кајли моментално престојува на егзотичните острови Туркс и Кајкос, каде што го користи своето слободно време за одмор, релаксација и правење секси фотографии. 

Фото: Минијатурни бикини, градите и задникот во преден план

Фотографиите од младата бизнисменка повторно привлекоа големо внимание на социјалните мрежи, но очигледно нејзе не ѝ пречат коментарите.

Напротив, таа продолжува да споделува слики од својот одмор и ужива во секој момент.

Кајли редовно ги информира своите следбеници за тоа како ги поминува деновите, па нејзините профили во последните денови се полни со фотографии од плажата и базенот.

Кајли ги радува фановите со фотки во минијатурни бикини на кои во преден план се нејзините бујни облини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Фото: Рафаел Надал го прослави својот 40-ти роденден: Воодушеви со синовите и сопругата

Еден од најдобрите тенисери во историјата Рафаел Надал слави важна лична годишнина.

Фото: Рафаел Надал го прослави својот 40-ти роденден: Воодушеви со синовите и сопругата

Тенискиот шампион Рафа надал го прослави својот 40-ти роденден во интимна атмосфера со сопругата и нивните два мали сина, Рафаел Џуниор и Микел.

Тениската легенда го одбележа својот 40-ти роденден со многу ретки фотографии со сопругата Марија Франциско Перело и нивните две мали деца.

Рафаел зрачеше од среќа на прекрасна фотографија со своето семејство додека го прославуваа посебниот ден дома со чоколадна торта. Поранешниот тенисер, кој ги замагли лицата на своите деца, го држеше својот постар син, тригодишниот Рафаел Џуниор, во скут, додека неговата сопруга го држеше нивниот помлад син Микел во раце.

На друга ретка фотографија, Надал позира со широка насмевка додека во рацете ги држи синовите пред декорација со балони подготвена за да го прослави неговиот 40-ти роденден.

Тој исто така сподели трогателни видеа од неговите најблиски како ја пеат роденденската песна и го прегрнуваат.

„Ви благодарам на сите за желбите за роденденот. Беше многу посебен ден, опкружен со целото мое семејство“, напиша Надал под објавата.

Инаку Рафа и убавата Франциска својата вфрска ја започнаа пред повеќе од две децении во 2005 година.

За прв пат заедно се појавија на црвениот тепих во 2011 година.

Двојката беше заедно 14 години пред свадбата, а судбоносното „да“ го кажаа во Шпанија во октомври 2019 година.

Тагови: Рафаел Надал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер