Пештерата Рамниште кај Прилеп крие траги од култура од минати времиња

Пештерата „Рамниште" во Прилепско, една од најпосетуваните, открива нови артефакти и податоци дека не е само ремек дело на природата, туку крие и остатоци од култура и присуство на човекот низ различни периоди.

Ова се почетни наоди кои ги констатира истражувачот и новинар Тренчо Димитриески кој повеќе од две децении ја истражува материјалната култура во Пелагонија и Мариовско.

Според констатациите на Димитриески, има траги дека човекот бил, не се знае од која намена, во пештерата зашто нашол многу фрагменти од керамика.

-Неодамна кога влегов со таква намера, се вчудовидов кога наидов на купови траги од култура. Можеби стотина фрагменти од керамички садови, најверојатно од разни периоди. Но, според моите скромни познавања констатирам, не сакам крајно да тврдам, дека во пештерата има култура од, веројатно, бронзеното или железното време. Најдов некои рачки од садови со јазичеста форма. А постарите фрагменти, фактички, се скаменуваат, се спојуваат со другиот состав на пештерата. Пештерата Рамниште е геолошки истражена. Илјадници луѓе ја посетиле. Формирана можеби пред два и пол до три милиоа години. Па некогаш овие пештери биле засолниште. Но ретки или воопшто нема наоди на култура во пештера, објаснува Димитриески по последната посета на пештерата.

Остануваат прашањата – како и зошто е посетувана пештерата Рамниште, дали за практични или култни намени, ритуални верувања.

– Има и преданија. Ете, за таканаречената Гостинска одаја има приказна. Зошто влегувале. Зошто има садови тука? Стотици. Сигурен сум дека има и од античкиот период – римски и македонски период, што велат, рана антика – од 4 век пред до 4 век во нашата ера. А има и од доцната антика, од средниот век. Значи може да констатираме дека пештерата е користена од човекот за различни намени: за култни, за заштитување, за некакви верувања, или практични намени, па дури и за криење, вели Димитриески.

Потребни се археолошки истражувања и стручни лица да одредат каква е материјалната култура.

-За жал во Македонија имаме малку палеонтолози, стручњаци за тој праисториски период. Предметите од тие периоди имаат специфични облици кои стручњаците за тој период може да ги препознаат. Потребни се сериозни истражувања, со сонди, смета Димитриески.

Пештерата Рамниште се наоѓа на локалитетот Рамниште, помеѓу селата Крстец и Оревоец. Се наѓа на западните падини на планината Козјак и е на 12 километри од Прилеп.

Како што објаснува Дарко Неданоски, спелеолог од спелеолошкото друштво „Златоврв", првите истражувања се во 60-итете години на минатиот век, од првата генерација на друштвото „Златоврв". Тогаш првпат е пронајдена и е посетена и е документирана пештерата. Вкупната должина на Рамниште е 110 метри, а длабока е 25 метри. Но, пештерата не е археолошки истражувана, а сакаме туристички да биде атрактивна.

-Оваа пештера е доста богата со пештерски украси: сталагмити, сталактити, сливови, драперии, завеси, столбови кои се во бела, црна, црвеникава и жолтеникава боја. Има и многу парчиња од различни видови керамика. Во минато време, жителите на Оревоец и Крстец сметајќи дека во длабочините на пештерата се кријаат зли духови, пештерата Рамниште ја нарекуваат и Духова дупка. Во одредени денови, како Духовден, носеле стомни, бардиња со вода, правеле ритуали за нивно здравје. Во 2013 година, спелеолошкиот клуб „Златоврв" покрена иницијатива пред општина Прилеп за заштита и туристичко уредување на пештерата, но не наидовме на разбирање. Се надеваме дека во иднина оваа пештера ќе ја внесеме во туристичката мапа на алтернативни и авантуристички места за посета на туристите во нашиот град, изјави Неданоски.

Ова се, смета истражувачопт Димитриески, иницијални траги за археолошки да се констатира како, зошто, кога и низ кои, прецизни, времиња човекот бил во пештерата „Рамниште"./МИА

Рамос доби над милион лајкови за еден час : Навистина имаш 34 години ?

Сергио Рамос сè уште игра врвен фудбал на 34-годишна возраст, водејќи го Реал Мадрид до нова титула оваа сезона со постигнати 12 голови на 42 одиграни натпревари.

За еден дефанзивец, овие се натпросечни бројки, но Реал и шпанскиот капитен се извонредни во тоа.

Колку е физички способен и моќен, може лесно да се види од неговиот последен пост на Инстаграм.

„Наш е редот, ајде да го добиеме “, напиша Рамос алудирајќи на круцијалниот натпревар утре против Виљареал во кој Реал, во случај на победа во Мадрид, ќе обезбеди победа во Ла Лига.

На Рамос му стигна коментар на фотографијата од официјалниот профил на Ла Лига:

"Дали навистина си 34-годишник?"

Фотографијата собра над еден милион и сто илјади лајкови за еден час.

Борисов побара оставки од тројца клучни министри

Бугарскиот премиер Бојко Борисов побара од министрите за финансии, економија и за внатрешни работи да си дадат оставка.

Целта е за да стават крај на шпекулациите дека централно-десничарската владејачка партија ГЕРБ дејствува во дослух со опозициската партија МРФ, која го претставува турското малцинство.

Министрите утре ќе си поднесат оставка, соопштија од владата.

Овој потег доаѓа во време на масовни протести на кои што се бара оставка на владата.

Борисов денеска го отфрли барањето на шефот на државата Румен Радев за осдтавка на неговата коалициска влада, соочен со масовни антивладини протести.

Илјадници Бугари протестираа шест ноќи по ред на улиците на Софија барајќи оставка на Борисов и главниот државен обвинител, обвинувајќи ги за корупција и мафијашко однесување. Протестите, во меѓувреме, се проширија во црноморските градови Варна и Бургас и Пловдив на југот на земјата.

Протестите избија откако главниот обвинител Иван Гешев нареди претрес на кабинетот на претседателот и апсење на двајца соработници на Радев, осомничени за трговија со влијание.

Гешев го обвини Радев за неуставно однесување, твитнувајќи дека ја нарушил независноста на судството и извршил притисок врз обвинителството.

Протестите ги поддржува опозициската Социјалистичка партија, со чии гласови во 2016 година беше избран Радев за претседател.

Следните парламентарни избори се закажани за март 2021 година.

Фото: Вака изгледа најголемата зелена фасада во Европа

Повеќе од 30.000 растенија ја прекриваат фасадата на објектот од пет ката.

Во Центарот на германскиот град Дизелдорф никна необична градба, како одговор на се повеќе изразените климатски промени.

Повеќе од 30.000 растенија ја прекриваат фасадата на објектот од пет ката „Kö-Bogen II“, кој е проектиран од страна на германската архитектонска фирма „Ingenhoven Architects“.

Растенијата се поставени на фасадата во форма на жива ограда, која се простира по косите ѕидови и кровот на зградата.

Покрај растенијата, на фасадата се поставени и системи за наводнување и дренажа, а според наводите на проектантот, се очекува зелената фасада да допринесе во прочистување на воздухот исто како 80 стебла листопадни дрвја.

Зградата со најголемата зелена дасада во Европа е сместена во центарот на Дизелдорф.

Реновирањето на самото срце на градот траело две децении, а завршено е со овој проект.

притисни ентер