Македонија

Перински во Крива Паланка: Со регионална соработка до нов урбан зелен парк за граѓаните

Министерството за локална самоуправа продолжува со успешното спроведување на ИПА програмите за прекугранична соработка, кои значајно придонесуваат за развојот на локалните заедници во повеќе области.

Во рамките на овие програми, во тек е успешната реализација на проектот „Паркови“, со соседна Бугарија, кој има за цел подобрување на урбаниот биодиверзитет и квалитетот на живот во Крива Паланка и бугарската Општина Дупница преку креирање и промоција на еко-пријателски зелени паркови и површини.

Во рамките на проектот, во близина на градскиот зелен пазар во Крива Паланка се уредува површина од 2000 метри квадратни, која ќе вклучува шест зелени острови, детски игралишта и други содржини за зајакнување на еколошката свест и подобрување на квалитетот на животната средина.

Министерот за локална самоуправа, Златко Перински, денеска заедно со градоначалникот Сашко Митовски, извршија увид на градежните работи на паркот и оценија дека проектот се реализира со предвидената динамика, при што ја истакнаа важноста на регионалната соработка преку ИПА програмите, кои имаат директен позитивен ефект на животните услови на граѓаните и за развојот на поодржливи и еколошки свесни заедници.

Во рамки на „Паркови“ освен хортикултурните содржини, ќе се изработи и зелен катастар, поставени се и сензори за мерење на квалитетот на воздухот во Крива Паланка, а ќе се организираат и „Зелени денови во регионот“ за размена на искуства и обука за локалното население од двете општини во насока на зајакнување на еколошката свест.

„Концептот на „зелена инфраструктура“ е релативно нов и затоа посветуваме особено внимание на неговото промовирање и вложуваме во решенија кои подоцна може да се реплицираат“, посочи Перински, кој при денешната посета на Крива Паланка, одржа и работна средба со градоначалникот Митовски и членовите на Општинскиот совет, како дел од иницијативата „Каде што срцето е дома“.

На средбата, разговараа за тековните проекти на општината и за реформскиот процес на Законот за локална самоуправа кој ќе донесе значајни придобивки за општините и за граѓаните. Министерот ја нагласи и поддршката на Владата за реализација на инфраструктурни проекти кои ќе ја подобрат инфраструктурата во општините, а како пример за тоа, беше спомнат проектот за поставување монтажна катна гаража во Крива Паланка, која ќе го реши проблемот со паркирањето во централното градско подрачје. На вториот владин повик, Општина Крива Паланка поднесе пет апликации во насока на подобрување на инфраструктурата.

Министерот Перински истакна дека Владата продолжува со поддршката на сите општини со цел подобрување на инфраструктурата што ќе создаде услови за подобар квалитет на живот за сите граѓани и развој на локалните заедници.

Тагови: Златко Перински

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Спортски празник за младите во Кичево: Македонски Олимписки Комитет успешно го одбележа „Олимпискиот ден“

Во својата континуирана мисија за масовна промоција на олимпизмот и негување на спортските вредности ширум државата, Македонскиот Олимписки Комитет (МОК) успешно ја организираше спортската манифестација „Олимписки ден“.

Овој значаен настан, кој е дел од стратешката програма на МОК за инспирирање на младите кон активен начин на живот, се реализираше со огромна поддршка и во директна соработка со Општина Кичево и основното училиште „Кузман Јосифоски - Питу“.

Иницијативата беше директно предводена од највисокото раководство на Македонскиот Олимписки Комитет. Настанот започна со работна средба на која претседателот на МОК, Даниел Димевски, придружуван од членот на управниот одбор, Сашо Димитријоски, раководителот на секторот за спорт, Петар Спасеновски, и шефот на кабинет, Елена Зисовска Апостолска, се сретнаа со заменик-министерот за јавна администрација, Лазе Јакимоски, претставници од Општина Кичево и директорот на училиштето, Бошко Лазаревски. На оваа средба беше силно реафирмирана заедничката посветеност на МОК, државните институции и локалната самоуправа за континуирано вложување во развојот на младинскиот и училишниот спорт на локално ниво.

Под покровителство и водство на Македонскиот Олимписки Комитет, Кичево пулсираше во ритамот на извонредноста, пријателството и почитта – основните столбови на светското олимписко движење. Како директен доказ за својата грижа и стратегија за подобрување на спортските услови, Македонскиот Олимписки Комитет за време на манифестацијата официјално врачи значајна донација во спортска опрема наменета за потребите на училиштето.

Централниот дел од денот беа спортските полигони реализирани во вистински олимписки дух. Според концепт инициран од МОК, а беспрекорно координиран од наставниот кадар, учениците се натпреваруваа на неколку специјално подготвени спортски полигони. Преку овие игри, тие ги демонстрираа своите вештини и учеа за важноста на фер-плејот директно преку спортот.

Со успешната реализација на овој настан, Македонскиот Олимписки Комитет уште еднаш докажа дека е главниот мотор за развој на спортската култура во државата. Овој „Олимписки ден“ во Кичево, реализиран преку одлична синергија со локалната заедница и институциите, претставува само уште еден голем чекор во континуираните напори на МОК да го доближи олимпизмот до секое дете, градејќи здрави, активни и успешни идни генерации низ цела Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Спортски игри за младите, „Ден на спортот“ денеска во Битола

Во спортската сала „Боро Чурлевски“ во Битола денеска се одржа манифестацијата „Ден на спортот“, која се реализира во рамките на програмата „Спортски игри за младите“

Во спортската сала „Боро Чурлевски“ во Битола денеска се одржа манифестацијата „Ден на спортот“, која се реализира во рамките на програмата „Спортски игри за младите“ – најголемата аматерска спортска манифестација за деца и млади во Европа со повеќе од 29 години традиција.

Настанот е наменет за ученици од основните училишта и има за цел да ги промовира масовното и бесплатното учество во спортот, инклузивноста, родовата еднаквост, здравите животни навики и фер-плејот.

Во текот на денот учениците се натпреваруваа во „народна“, атлетика – трчање на 60 метри, како и во повеќе други спортски дисциплини.

Градоначалникот на Општина Битола, Тони Коњановски, во своето обраќање истакна дека локалната самоуправа останува посветен поддржувач на младите, спортот и физичката активност.

„Општина Битола е една од општините која најмногу вложува во спортската училишна инфраструктура. Речиси и да нема училиште во кое не се реконструираат или изградени нови спортски терени, а во дел од училиштата се градат и современи типски спортски сали. Во завршна фаза е и изградбата на затворениот пливачки базен во ОУ „Даме Груев“, а континуирано инвестираме и во спортска опрема за наставата по физичко и здравствено образование“, рече Коњановски.

Тој нагласи дека ваквите манифестации имаат големо значење за поттикнување на младите кон активен и здрав начин на живот.

„Спортските игри за младите“ според бројот на учесници претставуваат најголем аматерски спортски настан во Европа и се реализираат под покровителство на Меѓународниот олимписки комитет, Европската комисија, УЕФА и ФИДЕ.

Во рамките на програмата се одржува и „Кока-Кола Куп“, најголемиот малоклупски фудбалски турнир во Европа, кој годинава се организира по дванаесетти пат.

На настанот присуствуваа и претседателот на Советот на Општина Битола, Бојан Бојкоски, како и секретарот на Општина Битола, Борче Димитровски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Хоџа на Министерска конференција на Процесот за соработка во ЈИЕ - Заеднички пристап кон климатските предизвици

Министерот за животна средина и просторно планирање, Муамет Хоџа, денес присуствуваше на Министерската конференција во рамки на Процесот за соработка во Југоисточна Европа (SEECP), што се одржа во Софија, Република Бугарија.

Конференцијата беше посветена на зајакнување на регионалната соработка во областа на климатските политики, заштитата на животната средина и одржливиот развој. На настанот учествуваа високи претставници од земјите од регионот, како и Џесика Росвал, еврокомесарка за животна средина, отпорност на водните ресурси и конкурентна циркуларна економија.

Во рамки на конференцијата беа разменети ставови за унапредување на регионалната соработка, спроведување на зелената агенда и забрзување на процесите на усогласување со европските стандарди во областа на животната средина и климатските политики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.