Формула

Перез ќе остане во Ред Бул и следната сезона

 Ред Бул одлучи да го задржи Серхио Перез како тимски колега на Макс Верстапен и следната година во Формула 1 шампионатот, тврди „Марка“.

Шпанскиот спортски порта потсетува дека гласините за неизбежно отпуштање или доброволно заминување на мексиканскиот возач се појавија во текот на сезоната 2024 година, но тоа никогаш не се случи.

Според „Марка“, изјавата на Перез на Големата награда на Сао Паоло дека ќе биде со тимот во 2025 година не биле само зборови. Серхио веќе привлече нови спонзори за Ред Бул за следната сезона покрај постојните. Покрај тоа, тимот - вклучувајќи го и економскиот оддел и менаџерот Кристијан Хорнер - се согласи со него за објавување на нови модели на облека и други реквизити.

Во моментов, спонзори на тимот на Перез се „Кларо“, „Телсел“ и „Инфинитум“, поврзани со милијардерот Карлос Слим. „Marca“ проценува дека компаниите му носат на Ред Бул околу 30 милиони долари годишно. /МИА

Фудбал

Ретклиф: Манчестер стана просечен, клубот не е на елитното ниво

Џим Ретклиф проговори за уназадувањето на Манчестер јунајтед во последните години.

- Клубот долго време е во криза, околу десет години. Манчестер јунајтед стана просечен. Не е на елитно ниво, иако треба да биде еден од најдобрите клубови во светот. Така беше под водство на Алекс Фергусон. За да постигнеме елитен статус, мораме да направиме големи промени. Веќе почнаа огромни промени во овој клуб, изјави косопственикот на Манчестер јунајтед во интервју за „United We Stand“./МИА

Регион

Малолетник уапсен во БиХ, осомничен дека 43 пати лажно пријавил бомби во училиштата

Во Сараево е уапсен малолетник под сомнение дека испратил десетици пријави до училиштата за поставени експлозивни направи.

Откако беше уапсен од припадниците на МУП на КС, малолетникот за кој се сомничи дека од неговата електронска адреса 43 пати лажно пријавил дека во неколку средни и основни училишта биле поставени бомби, е предаден на Обвинителството.

Нему ќе му биде одредена мерка притвор од 24 часа и во тој законски рок надлежниот обвинител треба да одлучи за дополнителни мерки.

Малолетникот се сомничи дека сторил кривични дела загрозување на сигурноста и лажно пријавување.

Извор: Индекс.хр

Живот

Светскиот шампион во Формула 1 ќе има дете со 8 години постара девојка

Холанѓанецот Макс Верстапен (27), четирикратен светски шампион во Формула 1, на Инстаграм објави дека го чека своето прво дете со девојката Кели Пике (35).

"Малиот Верстапен-Пике е на пат. Не можевме да бидеме посреќни со нашето мало чудо", напиша тој покрај фотографијата на која го држи стомакот на својата девојка, по што веднаш следеа бројни честитки од пријателите и обожавателите.

Инаку, Кели Пике е ќерка на трикратниот шампион во Формула 1 Нелсон Пике, а веќе ја има 5-годишната ќерка Пенелопе со поранешниот партнер, исто така Формула 1 возач Даниил Квјат.

Извор: Индекс.хр

притисни ентер