Оставката дојде откако украинските антикорупциски истражители извршија рација во неговите канцеларии за време на викендот. Тие изјавија дека откриле шема за перење пари водена од службено лице од канцеларијата на Кравченко.

Во својата оставка, Кравченко изјави дека не сака неговата позиција да се користи како „алатка за политичка пресметка“ и повторно ги отфрли обвинувањата како „неосновани“. Скандали со корупција го потресоа Киев со години за време на војната со Русија, а обвинувања беа насочени и против неколку членови на внатрешниот круг на претседателот Володимир Зеленски.

Примил пари за заштита на нелегалните центри

Според Националното биро за борба против корупцијата (НАБУ) на Украина и Специјализираното обвинителство за борба против корупцијата (САПО), мрежата во канцеларијата на Кравченко примила пари за заштита на кол-центрите кои вршеле телефонски измами и „переле милиони“.

Парите потоа биле користени за купување недвижнини, накит и други вредни предмети, објави НАБУ. Кравченко во неделата вечерта издаде соопштение во кое ги отфрла обвинувањата како „тотално неосновани“ и негира какво било неправедно дејство.

Еден ден подоцна, тој поднесе оставка и им се заблагодари на Зеленски и на украинскиот парламент за нивната „доверба“. Украинскиот претседател сè уште јавно не ја објави својата оставка. Иако НАБУ и САПО, две украински антикорупциски тела, беа основани пред повеќе од десет години, корупцијата во земјата е сè уште голем проблем.

Минатата година, Зеленски сакаше да ја ограничи независноста на НАБУ и САПО

Минатата година, низ цела Украина избувнаа протести откако Зеленски се обиде да спроведе реформи што би ја ограничиле независноста на НАБУ и САПО. Европските партнери на Киев изразија загриженост за таа одлука, а амбасадорите на земјите од Г7 предупредија дека тоа може да ја загрози интеграцијата на Украина во Европската унија.

Украина е кандидат за членство во ЕУ, а овој статус беше доделен под услов да демонстрира веродостојна борба против корупцијата. По притисокот од јавноста и меѓународните партнери, Зеленски повторно ја гарантираше независноста на двете антикорупциски тела, но сè уште има прашања за неговата посветеност на реформите во борбата против корупцијата, пишува Би-Би-Си.

Минатиот месец, НАБУ објави дека открила шема во која повеќе од 3 милиони долари биле злоупотребени за плаќање кауција за поранешен министер за енергетика обвинет за перење пари. Поради ова, висок функционер од кабинетот на Зеленски беше отпуштен.

Федоров јавно зборуваше за „кризата во системското управување“

Во интервју за Би-Би-Си минатиот месец, поранешниот украински министер за одбрана, Михајло Федоров, рече дека претседателот треба да биде прашан дали знаел за можна корупција меѓу членовите на неговиот најблизок круг. „Нека одговори на тоа прашање. Верувам дека е подготвен за такви прашања. Негова одговорност е да ни каже на сите дали бил свесен за сето ова или не. Не сакам ништо да претпоставувам“, истакна Федоров.

За време на неговиот мандат, 35-годишниот Федоров беше пофален за водењето на борбата против корупцијата. Од неговото отпуштање во средината на јули, по наводниот судир со шефот на вооружените сили на Украина, Федоров зборуваше за она што го нарече „системска криза на управувањето“ во Украина.

Сепак, тој нагласи дека нема докази дека Зеленски бил лично вмешан во корупција. „Во текот на целото време додека работев со него, никогаш не добив задача или наредба од него што би била спротивна на законот или на моето чувство за интегритет“, потврди Федоров.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

После 56 години аеродромот се реконструира со што ги отвораме вратите за уште повеќе туристи и авиокомпании и бројките се над очекуваните, преку 240 илјади патници од почетокот на годината до сега, истакна заменик претседателот на Владата и министер за транспорт, Александар Николоски на промоција на реконструираниот аеродром во Охрид.

“ Мислам дека нема поубав ден од Денот на независноста, 8-ми септември, за да се отвори еден навистина прекрасен објект. Еден објект којшто низ белата боја го доловува она што е најубаво за Охридското Езеро и за целиот Охридски регион. Навистина сум пресреќен што еве денеска, после напорна работа, успеваме да отвориме практично нов аеродром, односно успеваме да отвориме една терминална зграда заедно со помошни простории коишто значат многу, многу подобро искуство за патниците споредено со претходно. Ако последните големи интервенции овде се правени некаде во 1970-тата година, тогаш не е тешко да се пресмета дека точно 56 години Охридскиот аеродром во делот на терминалната зграда, во делот на полетување и на слетување беше во исти или слични услови. Тоа е од една страна долг временски период, но од друга страна па ја покажува посветеноста на оваа Влада која што работи само две години да ги менува работите. И како што ги менуваме работите насекаде низ државата, секако ги менуваме и тука” - истакна заменик претседателот на Владата и министер за транспорт Алекснадар Николоски,

Паралелно со аеродромот се работи и на инфраструктурата за да може да се заокружи една целина во развојот на овој регион, потенцира Николоски.

“Секако на овој практично нов аеродром многу ќе му помогне и новата инфраструктура. Знаете дека интензивно се гради автопатот Охрид-Кичево, веќе дел од до аеродромот е завршен, веќе може од Охрид до аеродромот да се стигне по автопат. Се стига до една убава клучка која што навистина е убаво хортикултурно уредена и на тој начин практично побрзо да се патува до Охридскиот аеродром. Знаете дека интензивно работиме на завршување на автопатот, најтешката делница ќе се отвори во следните месеци, очекувам во текот на првото полугодие од следната година да се отвори целиот автопат, а секако продолжуваме и на работа на останатите делници кои што треба да значат поврзување и со Скопје и со Скопскиот аеродром ”- истакна заменик претседателот на Владатa, Николоски.

Тој истакна дека бројките во ависообраќајот ги рушат сите рекорди. Преку 240 илјади патници на охридскиот аеродром до сега и очекувањата се дека вкупно оваа година ќе има околу 4 милиони патници. Заменик претседателот Николоски дополни дека реконструкцијата на аеродомрот има своја симболика.

“ Прво, симболиката која што ја има реконструкцијата на аеродромот. Второ, едни прекрасни мозаици коишто ве поканувам сите да ги видите, коишто се реплика на мозаиците кои што се наоѓаат низ стариот град на Охрид, низ Варош, но главно се наоѓаат кај Плаошник и навистина се прекрасно реставрирани. Сакам да се заблагодарам на сите коишто работеа, на сите институции од културата и на сите оние коишто работеа на реставрација. И третата работа, имаме една прекрасна реплика на фреските од катедралната црква Св.Софија, така што овој аеродром покрај аеродром е и еден мал музеј којшто го претставува регионот и се надевам дека сите коишто ќе патуваат оттука ќе уживаат” – додаде Николоски.

Министерство за транспорт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Добар ден и од мене, најпрво да заблагодарам на присуството на колегите од Владата, на градоначалниците, на пратениците од македонското собрание, на претставниците на општините кои се во близина на охридскиот аеродром, да се заблагодарам на раководството на ТАВ аеродроми кој што е дел од француската групација Aéroports de Paris, да се заблагодарам на претставниците на медиумите кои што исто така континуирано во периодот кој што е зад нас не пратат и кои што со нивното известување сето она кое што го правиме го доближуваат поблиску до граѓаните.

Можам да кажам дека ова денеска што го гледаме овде во Охрид означува значаен исчекор во насока на подобрување на квалитетот на услугите кои што аеродромите во Македонија ги нудат, со ова охридскиот аеродром навистина добива една поинаква динамика, едно поинакво светло, еден поинаков квалитет и убеден сум дека во периодот којшто следи бројот на патниците, но и бројот на компаниите коишто ќе ги користат услугите на охридскиот аеродром ќе се зголемува, а ние како Влада ќе продолжиме да ја поддржуваме таа активност со поддршката којашто и досега ја дававме.

Во периодот кој што следи ќе гледаме таа уште повеќе да ја зголемиме бидејќи охридскиот аеродром е значајна алка пред се за развојот на целокупниот регион, за развој на Македонија како држава, но истовремено и развој на Охрид, на Струга и другите општини кои што се во близина на овој аеродром, повеќе туристи, повеќе туристички потенцијал затоа што на тој начин ние практично ја развиваме и македонската економија.

Од тоа што можев да го дознам, од претставниците на ТАВ аеродроми коишто навистина импресионираат со нивната работа во Македонија изминативе години, е фактот дека оваа година се бележат рекорди на охридскиот аеродром „Св. Апостол Павле“. Имаме ден кога практично имаме добиено најголем број на патници до сега во историјата, повеќе од 3 илјади на еден ден. А, исто така имаме и ден кога има повеќе од 20 полетувања што исто така претставува значајна бројка, бројка која што е за почит.

Јас сум убеден дека во периодот којшто претстои со овие градежни активности и поддршката која што ја даваме како Влада овие бројки ќе се дуплираат, ќе се триплираат и ќе дојдеме до ние бројки коишто претставуваат наш нов таргет, бидејќи на оној неформален дел пред овој настан кога разговаравме заклучивме дека таргетите кои што беа поставени пред нешто помалку од 20 година одамна се пристигнати и надминати, сега се бориме со нови таргети и убеден сум дека тие нови таргети ќе бидат дел од агендата на концесионерот. Но исто така ќе бидат дел и од агендата на македонската влада , а ние ќе продолжиме и понатаму на инвестираме во инфраструктурата и да ја направиме Македонија она што за нас претставува цел, а тоа е крстосница во регионот што претставува значајна, стратешка, компаративна предност споредена со останатите земји во регионот.

Јас знам дека имаме сеуште многу проблеми за решавање, знам дека можеме не се живее онака како што посакуваме да се живее, но исто така сум убеден дека со сите овие инвестиции кои што ги прави македонската влада, со сите овие активности коишто ги правиме како Влада денеска Македонија е многу подобро место за живеење од тоа што беше пред три години.

А убеден сум дека за три години од денеска Македонија ќе биде уште подобро место за живеење споредено со денес. На што го темелам ова мое убедување? Го темелам на фактот дека сме мотивирани како никогаш досега, а поддршката која што ја добиваме од граѓаните не инспирира како никогаш досега да продолжиме да работиме, да испорачуваме тоа што граѓаните го очекуваат од нас.

Уште еднаш би сакал да се заблагодарам на сите присутни, за поддршката која што ја даваат, за реализирање на сите овие проекти, уште еднаш да се заблагодарам на концесионерот ТАВ аеродроми кој што е дел од француската групација Aéroports de Paris, да посакам уште многу проекти да реализираме заедно на македонските аеродроми, па и во Скопје и на овој тука во Охрид.

Уште многу години успешна заедничка соработка. На медиумите исто така да им се заблагодарам што исто така континуирано ја следат работата на Владата и објективно информираат кај граѓаните она што македонската влада го прави и сосема на крај би сакал да го честитам денот на независноста.

Нека ни е честит празникот, и нека ни е вечна Македонија. Ви благодарам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.