Свет

Пентагон му се закани на сенаторот Марк Кели со враќање во служба и судење за „поттикнување бунт“

Пентагон синоќа се закани дека ќе го повика назад во активна служба американскиот сенатор Марк Кели, пензиониран капетан на Воено-поморските сили на САД, за поранешниот астронаут да се соочи со судење заради „бунтовничко однесување’.

Кели, кој негира каква било злоупотреба и вели дека нема да подлегне на заканите, им се приклучи на петмина други демократи во Конгресот, кои служеле во вооружените сили или разузнавањето, во повик до американските војници да одбијат да извршуваат незаконски наредби.

Видео обраќањето на Кели од 18 ноември доаѓа во услови на засилена загриженост кај демократите, неформално споделена и од некои високи американски воени функционери, дека администрацијата на Доналд Трамп го крши законот со тоа што им наредува на американските војници да убиваат осомничени трговци со дрога при напади врз нивните пловни објекти во водите во близина на Латинска Америка. Пентагон, пак, тврди дека овие напади се оправдани бидејќи трговците со дрога се означени како терористи.

Во соопштението на Пентагон се наведува дека одделот истражува „сериозни наводи за недолично однесување“ против Кели. Иако не е прецизирано какви обвиненија би можеле да бидат покренати против Кели доколку се преземе ваква вонредна мерка, американскиот министер за одбрана, Пит Хегсет, објави коментар на „Икс“ во кој ги обвини Кели и другите законодавци за поттикнување бунт.

„Видеото, создадено од „шесте бунтовници“, е подло, непромислено и неточно“, напиша Хегсет во својата објава. „Поттикнувањето на нашите војници да ги игнорираат наредбите на нивните команданти го поткопува секој аспект на „добар ред и дисциплина““, додаде тој.

Портпаролката на Трамп, Каролин Левит, изјави дека Белата куќа ја поддржува истрагата на Пентагон против Кели.

Претседателот Доналд Трамп, исто така, ги обвини Кели и другите демократи за поттикнување бунт, наведувајќи во својата објава на социјалните медиуми дека ова кривично дело се казнува со смрт. Според воениот казнен кодекс на САД, поттикнувањето на бунт и метеж е меѓу најтешките кривични дела и може да биде казнето со смрт.

Тагови: Пентагон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МОН ги објави резултатите за сместени бруцоши во студентски домови за оваа академска година

Списоците на студенти запишани во прва година што ќе бидат сместени во студентски домови во Скопје, Штип, Тетово, Битола и Охрид се објавени на веб-страницата на Министерството за образование и наука .

Списоците за сместување бруцоши во академската 2026-2027 година ќе бидат објавени и на огласните табли во студентскиот дом каде што конкурирал студентот.

Приговор во однос на резултатите студентите може да достават во домот каде аплицирале за сместување и тоа во рок од 10 дена од денот на објавување на списоците.примените студенти, во согласност со конкурсот, се вселуваат во студентскиот дом почнувајќи од денот на потпишаниот договор со домот во кој се примени, но не подоцна од 10 дена од објавениот конечен список.

Инаку,вчера беше пуштен во употреба реконструираниот студентски дом „Стив Наумов“ во кој ќе може да се сместат 1 150 студенти меѓу кои и бруцоши.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова со студенти од Колеџот на Европа: Дијалог за европската интеграција и иднината на регионот

Во Вила Водно, претседателката Гордана Сиљановска-Давкова разговараше со студенти од Колеџот на Европа во Тирана, кои престојуваат во земјава.

Во Вила Водно, претседателката Гордана Сиљановска-Давкова разговараше со студенти од Колеџот на Европа во Тирана, кои престојуваат во земјава, во рамките на студиска посета посветена на влијанието на европската интеграција врз трансформацијата на земјите од Западен Балкан.

Таа ја поздрави образовната програма и истакна дека студентите, како идни европски професионалци и лидери, со своето знаење и критичко размислување можат да придонесат кон мирот, безбедноста и солидарноста на европските народи и граѓани.

За неа, сестраната регионална соработка и меѓусебната подршка на патот кон ЕУ имаат исклучително значење не само за нашите меѓусебни односи, туку и за оние на членките на ЕУ кон нас.

Студентите се интересираа за уставните надлежности на претседателот во внатрешната и надворешната политика, како и за неговата реална улога во евроинтеграцијата.

Тие ѝ поставија на Сиљановска-Давкова прашања врзани за: последиците од (не)спроведувањето на одлуките на Европскиот суд за човекови права во Стразбур врз кредибилитетот на европските институции; македонската европската перспектива и можностите за интеграција во амбиент на постојната блокада; придобивките од членството во ЕУ, како за македонската држава, така и за Унијата, како и за ставот на претседателката за етапната интеграција на Западен Балкан во ЕУ.

Претседателката смета дека проширувањето треба да биде засновано врз исполнување на Копенхашките критериуми.

Исто така, верува дека постепената интеграција може да донесе конкретни придобивки уште пред полноправното членство, но дека не смее да биде негова замена.

Сиљановска-Давкова потсети дека органите на ЕУ не смеат да заборават на принципите и вредностите, содржани во конститутивните документи, без коишто ЕУ не може да биде заедница, туку само политичка и бирократска машинерија.

Сиљановска-Давкова истакна дека, како претседателка со директен и силен изборен легитимитет има обврска да ги претставува сите граѓани и затоа инсистира на дијалог и консензус за прашањата од национален интерес.

На крајот, студентите ѝ се заблагодарија на претседателката за дијалогот и ја поканија да го посети Колеџот на Европа во Тирана.

Тагови: Сиљановска - Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска треба да продолжи судењето за пожарот во „Пулс“

Со изведување на докази од одбраната денеска во судницата во Идризово треба да продолжи судскиот процес за за пожарот во дискотеката „Пулс.

Во текот на доказната постапшка се оечкува да сведочат дури 244 лица, информираше претседателката на Кривичниот суд.

Во меѓувреме, на 3 октормври завршува притворот на газдата на Пулс, првообвинетиот Дејан Јованов – Деко. Согласно законот за кривична постапка, притворот не може дополнително да му биде продолжен, бидејќи в сабота се навршува една година од одобрувањето на обвинителниот акт. Поради тоа, судот по службена должност ќе треба да одлучи со какви други мерки ќе го обезбеди неговото присуство во натамошната постапка

Одбраната на Јованов најави гаранција во имот вреден речиси 200 илјади евра, со образложение дека со тоа дополнително ќе се гарантира дека тој нема да ја напушти државата. Но, одлука засега нема. Списите за гаранцијата се испратени до јавното обвинителство, од каде, според судот, сè уште нема пристигнато мислење.

Тагови: Пожарот во Кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.