Пендаровски: Нема потреба за нова вонредна состојба, партиите да се договорат за датум за инклузивни избори - Канал 5

Македонија

Пендаровски: Нема потреба за нова вонредна состојба, партиите да се договорат за датум за инклузивни избори

Претседателот Стево Пендаровски смета дека нема потреба да прогласи нова вонредна состојба. Нејзиното прогласување или не, порача тој, не е поврзно со одржувањето на изборите. 

Пендаровски: Нема потреба за нова вонредна состојба, партиите да се договорат за датум за инклузивни избори

Пендаровски апелира до лидерите на политичките партии да се договорат за датумот за изборите, зошто со организирање изборен процес кој не би бил инклузивен, земјата може да влезе во длабока политичка криза.

-Последните денови во јавноста се наметна дилемата дали е можно воведување вонредна состојба само на барање на Владата или и претседателот може самиот без предлог од Владата да прогласи вонредна состјба. Во тој дел Уставот е јасен. Претседателот на државата може и без барање од Владата да прогласи вонредна состојба. Меѓутоа тоа никогаш не го направив затоа што бев и се уште сум убеден дека во ниеден политички контекст една институција, која и да е, не смее да ги изолира останатите институции при носењето сериозни одлуки. Затоа имајќи ги предвид причините поради кои ги прогласував досегашните вонредни состојби сметам дека во вој момент нема потреба да прогласам нова вонредна состојба, рече претседателот Пендаровски во денешното обраќање до јавноста.

Тој истакна дека според инфомраиците од Владата, во изминатиот период се обезбедени доволни количини медицинска и заштитна опрема и донесени се економски мерки за поддршка на националната економија. Во прилог на тоа, рече, говори и тоа што Владата овојпат не достави барање за воведување нова вонредна состојба.

-Сакам да нагласам дека споредбите што се прват меѓу претходните војнредни состојби и бројот на тогаш заразени и починати и на актуелните бројки на заразени и починати се без основа затоа што ниту една вонредна состојба не беше воведена од тие причини. За мерките од типот полициски час, карантин и кризна состојба на дел или на целата територија постои законска регулатива и воопшто нема потреба да се воведува вонредна состојба за да се применуват тие мерки, истакна шефот на државата.

Друга заблуда, според него е поврзаноста на вонредната состојба со датумот на изборите, бидејќи како што појасни тие може да се одржат и во вонредна состојба со мала измена на уредбата, во која наместо изборните роковите да течат по завршување на вонредна состојба да стои дека течат и за време на вонредна состојба.

-Знам дека нјаголемиот број наши грашѓани не размислуваат за избори во време кога имаме пораст на заболени, но избори и во време на корона, која нема да замине наскоро, се неоопходни за да добиеме функционален наместо распуштен парламент и легална и легитимна наместо техничка влада, потенцира Пендаровски.

На таа тема имал и комуниакција со лидиерите на политичките партии и комуникација со стератешките партнери од меѓународната заедница.

– Власта и опозицијата се согласни дека на изборите мора да има набљудувачка мисија од ОБСЕ/ОДИХР, дека ДИК во осработка со Комисијата за заразни болести треба да изготви посебни протоколи за безбедно гласање на граѓаните и безбеден престој во просториите за гласање на членовите на избирачките органи, и домашните и меѓународните набљудувачи. За жал, власта и опозицијата битно не ги приближија своите ставови за датумот на изборите, истакна Пендаровски.

При организирање процес кој не би бил инклузивен, рече, постои потенцијална опасност и можен неповолен развој на настаните.

-Знаеме дека нашето општество е со години поларизирано по различни основи. Говорот на омраза ги продлабочува разликите по политичка етничка, верска и партиска линија. Од март оваа година се наоѓаме во комплексна здравствена криза заради пандемијата. Поради тоа што Собранието е распуштено, а имаме недоволно разработена правна регулатива за вонредни ситуации имаме иницијални елементи на уставно-правна криза. Доколку не успееме да се договориме за транспарентен и инклузивен изборен процес тоа ќе значи влез во длабока политичка криза. Ако го погледаме поширокиот регион во кој се наоѓаме и обидите за дестабилизаијца преку хибридни закани и лажни вести, не можеме да исклучиме дека евентуланата правна и политичка криза нема да прерасне во безбедносна, рече претседателот.

Затоа тој упати јавен повик до претседателите на најголемата партија на власта Зоран Заев и најголемата опозициска партија Христијан Мицкоски да седнат заедно уште денеска за да се најде излез од оваа ситуација со ставање на државните над личните и партиските интереси.

-Во спротивно само ќе ја отвориме вратата за уште поголема внатрешна криза при што нема да ја доведеме во прашање само нашата европска перспектива, туку, многу поважно, ќе ги поткопаме нашите напори да излеземе на крај со пандемијата за што ни е потребен јасен државен консензус и стабилни институции, посочи претседателот Пендаровски.

Кризите од вакви размери во светот често, посочува, резултираат со обединување на луѓето околу заедничките цели и вредности.

-Нема ниту една единствена причина кај нас оваа криза да биде извор на нови поделби кои низ нашата историја сме ги имале премногу, истакна претседателот.

Пендаровски досега прогласи четири вонредни состојби, две по 30 и две по 14 дена. Последната вонредна состојба беше прогласена на 20 мај и истекува в сабота утре – 13 јуни.

Третата, истотака, четиринаесетдневна вонредна состојба ја прогласи претседателот Пендаровски на 15 мај. Претходните две беа триесетдневни, а првата беше прогласена на 18 март.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Да имаше Иран нуклеарно оружје, ќе му се јавев на лидерот и ќе го прашав што може да направам за него (ВИДЕО)

Американскиот претседател Доналд Трамп синоќа изјави дека САД нема да го бомбардираат Иран ако Техеран веќе има нуклеарно оружје, но лично ќе го повика врховниот лидер на Иран и ќе го праша дали САД можат да направат нешто за него.

Трамп: Да имаше Иран нуклеарно оружје, ќе му се јавев на лидерот и ќе го прашав што може да направам за него (ВИДЕО)

Трамп го кажа ова за време на републиканската конвенција во Далас, каде што ја бранеше војната на САД против Иран и повторно инсистираше дека Техеран не смее да добие нуклеарна бомба.

„Би го повикал врховниот лидер“

Зборувајќи за тоа зошто верува дека Иран не смее да развива нуклеарно оружје, Трамп направи многу отворена споредба помеѓу ставот кон нуклеарно вооружена и ненуклеарна држава. „Доколку имаа нуклеарно оружје, би го повикал Врховниот лидер и би рекол: „Господине Врховен лидере, како сте? Дали има нешто што можеме да направиме за вас?“, наместо да ги бомбардирам до смрт“, рече Трамп.

Веднаш потоа, тој повтори дека токму затоа САД мора да го спречат Иран да добие такво оружје. „Не можеме да дозволиме Иран да има нуклеарно оружје. Многу е едноставно. Не можеме да им дозволиме да имаат нуклеарно оружје“, рече тој.

Изјавата на Трамп е особено импресивна бидејќи практично го опиша нуклеарното оружје како алатка што значително ќе го промени начинот на кој Вашингтон ќе дејствува кон Иран, наместо воени напади, тој зборуваше за директен и помирувачки разговор со иранското раководство.

Ја бранеше војната

За време на говорот, Трамп ја бранеше воената кампања на САД против Иран тврдејќи дека нејзината клучна цел е да се спречи Техеран да развие нуклеарно оружје. Во исто време, војната значително ги зголеми цените на енергијата и стана важно прашање на кампањата за изборите за Конгресот во САД.

Американскиот претседател во последните месеци постојано тврдеше дека Иран не смее да добие нуклеарна бомба. Само вчера, одговарајќи на новинарите, тој рече дека е лесно да се објасни војната на американската јавност со едно прашање: дали на Иран треба да му се дозволи да има нуклеарно оружје. Неговиот одговор беше „не“.

Неговата последна изјава доаѓа во време кога Меѓународната агенција за атомска енергија повторно го засили притисокот врз Техеран во врска со неговата нуклеарна програма. Комитетот на МААЕ го пријави Иран во Советот за безбедност на ООН за недоволна соработка во истрагата за траги од ураниум на непријавени локации. Иран тврди дека неговата нуклеарна програма е мирна.

Тагови: Доналд Трамп Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Осло ги забранува „паметните очила“ во училиштата: Децата нема да бидат статисти на Мета

Градските власти во главниот град на Норвешка, Осло, ги забранија паметните очила во училиштата, велејќи дека не сакаат децата да станат „додатоци во собирањето податоци на Мета“. 

Осло ги забранува „паметните очила“ во училиштата: Децата нема да бидат статисти на Мета

Забраната важи во текот на целиот училишен ден и се однесува на сите образовни нивоа, објави градската администрација.

„Ние, политичките претставници, мора да имаме храброст да бидеме искрени за тоа за што всушност станува збор: една од најбогатите компании во светот издаде производ чиј бизнис модел е целосно базиран на фактот дека е невозможно да се знае кога некој ве снима“, рече заменик-градоначалничката за образование, Џули Ремен Мидгарден.

„Во Осло, не прифаќаме нашите деца да станат додатоци во собирањето податоци на Мета“, додаде Џули Ремен Мидгарден во соопштението.

Критика до владата за бавноста

Мидгарден, локален конзервативен функционер, ја критикуваше левичарската влада за разгледување на забрана за препознавање лица на вакви очила. Владата најави формирање експертска група која треба да смисли начини за заштита на јавноста.

„Овие очила се продаваат во Норвешка денес, се користат во норвешките училишни дворови денес и проблемот е присутен сега. Анализирањето на проблемот не значи дејствување“, рече таа. Забраната во училиштата во Осло стапи на сила на 27 август, но објавата беше одложена до денес поради политичко затишје договорено од норвешките партии по смртта на кралот Харалд V на 28 август.

Паметните очила можат да снимаат фотографии и видеа, да пуштаат музика, да овозможуваат телефонски повици, да преведуваат титлови на странски јазици, да прикажуваат текст или мапи во видното поле и да овозможуваат користење на вграден асистент за вештачка интелигенција. Мета, исто така, наводно развила функција за препознавање лица што би можела да се вгради во своите паметни очила.

Тагови: Мета паметни очила

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Медведев: Нашето трпени не е бесконечно, останува нуклеарната опција

Нуклеарната доктрина на Русија не е само „навестување“, а Москва има целосно право да одговори на критичните закани за нејзиниот суверенитет, изјави Дмитриј Медведев, заменик-претседател на Советот за безбедност на Русија. 

Медведев: Нашето трпени не е бесконечно, останува нуклеарната опција

Во интервју објавено денес, Медведев ги отфрли толкувањата дека реториката на неговата земја за употребата на нуклеарно оружје е само низа „навестувања“, објави весникот „Ведомости“.

„Ова не е тактика на заплашување, туку реалност. Нуклеарната доктрина на Русија, според која земјата го задржува правото да користи такво оружје доколку нејзината безбедност е загрозена, тешко може да се опише како обична навестување“, рече тој.

Појаснети правила за употреба

Медведев, поранешен руски претседател и премиер, рече дека се дадени важни појаснувања на документот. Тие ги специфицираат условите под кои Русија би користела нуклеарно оружје и го прошируваат списокот на воени закани што би можеле да доведат до таква употреба.

Тој потсети дека „агресијата“ од која било ненуклеарна држава против Русија или Белорусија, со учество или поддршка на нуклеарна сила, се смета за напад врз двете земји. Русија и Белорусија формално се федерална држава од 1999 година.

„Имаме целосно право да одговориме на критична закана за нашиот суверенитет. Конечната одлука ќе ја донесе шефот на државата“, рече Медведев.

Обвинувања против Западот

Тој го обвини Западот дека се обидува да го доведе светот до „работ на нуклеарна апокалипса“. Нападите врз руските градови ги нарече „агресивни дејствија што еден ден би можеле да предизвикаат Трета светска војна“.

Тој рече дека воените капацитети на Русија ќе дозволат напади врз Киев и клучните цели на НАТО, по што „ниту еден камен нема да остане непревртен“. „Сепак, тоа би била точка од која нема враќање за целата планета, не само за завојуваните страни. Свесни сме за нашата одговорност за судбината на човештвото и правиме сè што можеме за да спречиме глобална катастрофа“, рече тој.

„Сепак, нашето трпение не е бесконечно. Таа последна опција останува последно средство што треба да се користи само кога сите други мерки не успеале. Денес, ние сме само на неколку чекори од тоа - само неколку секунди на „часовникот на судниот ден““, додаде тој.

Тагови: Медведев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер