Свет

Пеколен топлотен бран во Мексико- мртви мајмуни паѓаат од дрвјата (ВИДЕО)

Мексико го зафати топлотен бран во кој што освен луѓе страдаат и животни, а како последица на горештините умираат и паѓаат мртви мајмуни од дрвјата.

Најмалку 138 мајмуни завивачи, вид познат по своите специфични, гласни повици, се пронајдени мртви во државата Табаско на брегот на Мексиканскиот залив, каде температурата надмина 45 степени, пренесува Гардијан.

Благодарение на локалните жители, пет мајмуни итно се префрлени во локалните ветеринарни клиники каде ветеринарите се борат да ги спасат од дехидрација и топлотен удар.

"Мајмуните се донесени во критична состојба, со дехидрација и треска. Тоа се симптоми на топлотен удар", изјави д-р Серџо Валензуела.

Локалните власти и волонтерите ги собираат телата на мртвите примати од шумите. За да им се помогне на преостанатите животни да го преживеат топлотниот бран, кофи со вода и овошје се ставаат околу живеалиштата на мајмуните.

Биологот за диви животни, Жилберто Позо, изјави за АП дека бранот на умирање на мајмуните започнал околу 5 мај и го достигнал својот врв во текот на викендот.

„Тие паѓаа од дрвјата како јаболка. Беа во состојба на тешка дехидрација и умреа за неколку минути“, рече тој.

„Во нивната ослабена состојба, таквиот пад од височина може да доведе до сериозни повреди кои на крајот ги убиваат приматите“, рече тој.

Поради топлотниот бран од март досега загинале најмалку 26 луѓе, а ветеринарите тврдат дека горештините убиле десетици, а можеби и стотици мајмуни завивачи.

Мексиканското Министерство за животна средина во понеделникот соопшти дека ги координира напорите за утврдување на причината за смртта на мајмуните. Исто така, ги советува жителите веднаш да ги известат властите доколку наидат на мртви животни.

Шоу биз

Фото: Бјанка скоро гола во Париз

Контроверзната  Бјанка Сенсори, сопругата на раперот Канје Вест, повторно шокираше со својот стајлинг во јавноста.

Провокативната Бјанка се појави во Париз во најлошото издание досега.

Таа буквално полугола влегла во ресторан. Нејзиниот стијлинг ги шокирал сите присутни.

Бјанка низ улиците на Париз се прошетала скоро гола.

Бјанка излегла на вечера во француската метропола во нешто што изгледа како фустан со „ленти- трегери“ кои ги покривале само нејзините брадавици. Носеше и беж панталони со низок струк кои допираа до нејзините колена.

Секако, по ова издание, социјалните мрежи експлодираа и очекувано стигнаа критики од сите страни.

Забава

Видео: Бастијан Швајнштајгер се загледал во облините на Георгина на Роналдо!!

Легендарниот германски фудбалер Бастијан Швајнштајгер би можел да има проблеми со сопругата славната тенисерка Ана Ивановиќ поради коментарите кои ги дава во живо за време на ЕУРО 2024.

Светската фудбалска легенда е стручен консултант во Германија на емисија посветена на Европскиот шампионат .

Популарниот Швајни во емисија во живо ја коментираше свршениците на капутенот на Португалија, Кристијано Роналдо, бујната Георгина Родригез.

За време на дуелот меѓу Португалија и Чешка, сопругот на екс тенисерката Ивановиќ коментираше снимки од 14. роденден на најстариот син на Кристијано Роналдо за време на преносот на АРД.

Во видеото Георгина облечена во тесно боди и бициклистички , на многу провокативен начин му го подари дресот на Германија на Кристијан Јуниор.

- Нешто се случува таму... Што гледаш? – и вели Бастијан на новинарката Естер Седклачек.

Кога сфатила дека Бастијан не зборува за дресот на Германија, туку за изданието на Георгина, новинарката Естер вели: „О Басти... Во дресот, дресот на Германија!“

Свет

Лондон: Илјадници демонстранти бараа заштита на природата и климата

Илјадници луѓе денеска учествуваа на демонстрациите во Лондон поддржани од еколошката организација Extinction Rebellion и WWF, за да ги повикаат политичарите да донесат одлуки кои ќе ги заштитат природата и климата.

Британската актерка Ема Томпсон и британскиот водител Крис Пакам ги предводеа овие демонстрации повикувајќи „секој да се сврти кон природата сега“.

Демонстрантите го напуштиле Хајд паркот во добра атмосфера и пешачеле до министерската област. На демонстрациите, на кои им се приклучија учесници од целата земја, беа вклучени и некои облечени во животински костими.

„Нема живот без диви животни“, „Нема копче за ресетирање“, пишуваше на транспарентите.

„Престанете да бидете толку неодговорни. Не можам да верувам колку не се посветени на климата за време на изборната кампања“, изјави Ема Томпсон обраќајќи им се на политичарите.

Крис Пакам рече дека „не е многу импресиониран од содржината на програмите“ на различните британски политички партии.

„Кога станува збор за решавање на вистинските големи проблеми, нема суштина, посветеност или решителност да се решат. И тоа е навистина разочарувачки“, рече тој.

Демонстрациите се одржаа точно две недели пред парламентарните избори закажани за 4 јули.

Анкетите во пресрет на изборите покажуваат дека лабуристите имаат поголема поддршка, па затоа се предвидува загуба на конзервативците, кои беа на власт во последните 14 години.

притисни ентер