Пекинг ги предупреди САД: Кинеското „повторно обединување“ со Тајван е „незапирливо“ - Канал 5

Македонија

Пекинг ги предупреди САД: Кинеското „повторно обединување“ со Тајван е „незапирливо“

Кинескиот министер за одбрана Донг Џун денеска во разговорите на високо ниво во Малезија изјави дека „повторното обединување“ на Кина и Тајван е „незапирлив тренд на историјата“.

Пекинг ги предупреди САД: Кинеското „повторно обединување“ со Тајван е „незапирливо“

Коментарите, пренесени од Пекинг, дојдоа на средбата со неговиот американски колега Пит Хегсет во Куала Лумпур, каде што се среќаваат министрите за одбрана од блокот на Асоцијацијата на земјите од Југоисточна Азија (АСЕАН), пренесе ДПА.

Кина има доволен капацитет да одговори на провокациите, рече Донг, додавајќи дека САД треба внимателно да ги бираат своите зборови и постапки во однос на прашањето за Тајван и да ја отфрлат тајванската независност.

Разговорите се одржаа еден ден откако кинескиот претседател Си Џинпинг се сретна со претседателот на САД, Доналд Трамп, во Јужна Кореја, со ограничен напредок во трговскиот спор меѓу земјите. Трамп рече дека прашањето за Тајван не било дискутирано.

Кина го гледа Тајван како дел од своја територија и се закани дека ќе употреби сила доколку е потребно за да го стави островот под своја контрола. САД обезбедуваат оружје за Тајпеј, но одржуваат политика на „стратешка нејаснотија“ во однос на поддршката на формалната независност.

Хегсет се осврна на загриженоста на САД за активностите на Кина во Јужното Кинеско Море, кон Тајван и против сојузниците на САД во Индо-Пацификот, напиша тој Х.

САД „не бараат конфликт, но ќе продолжат цврсто да ги бранат своите интереси и ќе обезбедат да ги имаат способностите во регионот да го сторат тоа“, рече Хегсет.

Тајванскиот претседател Лаи Чинг-те изјави дека тој ја отфрла агресијата или какви било напори кон „обединување“ со Кина.

Инвестирањето во националната одбрана е исто така инвестирање во мир, рече тој за време на испораката на нови тенкови за армијата.

Тагови: Пекинг САД Тајван

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Денеска нови цени на нафтените деривати

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ и Арина Сабаленка ги добија своите противници на Ју-Ес Опен

Најтрофејниот свтески тенисер во историјата Новак Ѓоковиќ и најдобрата светска тенисерка Арина Сабаленка ќе се соочат со Френсис Тиафо и Лејла Фернандез во осминафиналето на Грен слемот во Њујорк,  УС Опен во конкуренција на мешани двојки.

Новак Ѓоковиќ и Арина Сабаленка ги добија своите противници на Ју-Ес Опен

Ќе видиме како домашната публика ќе реагира на мечот против северноамериканскиот пар и кого ќе го поддржува, а според моменталната ситуација, натпреварот е закажан за утре, 25 август.

Во евентуалното четвртфинале, ги очекуваат победниците од дуелот меѓу брачниот пар Гаел Монфис и Елина Свитолина, односно Алекс Ил и Феликс Оже-Алијасим.

И Александра Круниќ би можела да се најде во главната ждрепка доколку таа и Мате Павиќ ги победат Пејтон Стернс и Кристијан Харисон.

Меѓу поинтересните парови во главната ждрепка се Карлос Алкараз и Серена Вилијамс, кои ги очекуваат своите противници од квалификациите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВРЕДИ: Груби пред правдата, „пеењето“ на Бујар даде резултат…

Денес „пеењето“ на Бујар Османи добива поинакво значење: Артан Груби е пред правдата, а Бујар сè уште го чека моментот да направи чекор кон лидерската позиција во ДУИ.

ВРЕДИ: Груби пред правдата, „пеењето“ на Бујар даде резултат…

Со месеци Бујар молчи за Груби, иако некогаш двајцата беа на врвот на ДУИ. Денес се однесува како никогаш да немале заедничка политичка историја.

Наместо мандатот како министер за надворешни работи да го користи во интерес на државата, Бујар го искористи и за своите внатрепартиски пресметки во ДУИ, „пеејќи“ де ваму де таму и правејќи сметки за преземање на раководството на ДУИ.

Денес сценариото станува сè појасно: Груби пред судот, Али Ахмети под притисок, а Бујар ја чека фотелјата на претседателот на ДУИ.

Но, прашањето е едноставно: зошто Бујар молчеше за Груби кога беа заедно на врвот на ДУИ? Што знае тој за оваа приказна и зошто денес се однесува како Груби никогаш да не постоел?

Зашто во политиката, понекогаш не е важно само кој зборува, туку и зошто досега молчел.

Ако „пеењето“ на Бујар било за правда, нека го каже тоа отворено. Ако било за власт и за фотелјата на Али Ахмети, тоа веќе сите го разбираат.

Груби нека одговара пред правдата. Бујар нека им одговори на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер