Пејачката Едита Арадиновиќ објави фотографии од своето детство и проговори за своите лузни - Канал 5

Шоу биз

Пејачката Едита Арадиновиќ објави фотографии од своето детство и проговори за своите лузни

Пејачката Едита Арадиновиќ (29) ја започна својата кариера како главен вокал на групата „Министарке“, а подоцна продолжи да настапува самостојно.

Пејачката Едита Арадиновиќ објави фотографии од своето детство и проговори за своите лузни

Таа е позната и како сестра на фолк пејачката Индира Инди Арадиновиќ, но Едита се определи за малку поинаков музички правец. Откако се појави, речиси секоја песна ѝ е хит, па поради тоа стекна популарност, но и нејзиниот приватен живот е доста застапен во медиумите. Неодамна таа повторно се најде во центарот на вниманието поради несогласувањата со својата сестра Инди, кога тие двете дури и физички се пресметаа.

Неодамна на својот профил на Инстаграм таа објави две фотографии. На едната фотографија Едита е на предшколска возраст, а на другата, пејачката е нешто повозрасна, но сепак е препознатлива, со оглед што не се променила многу до денес.

Објавата е насловена како „детство, малата јас, спомени“, но за жал, коментарите се исклучени.

Едита има албанско потекло, тоа го призна пред неколку години, иако нагласи дека е родена белграѓанка и дека така се чувствува.

- Мојот мајчин јазик е албанскиот, татко ми е од Медвеѓе, а баба ми од Сијарињска Бања. Што се однесува до мајка ми, дедо ми е од Сува Река. Потеклото ми е измешано, но јас сум родена и израсната во Белград – им одговори таа на заинтересираните фанови.

Во еден од нејзините најголеми хитови „Соба“ пејачката го опиша своето детство за кое вели дека не било лесно, особено поради разводот на нејзините родители.

- Малкумина знаат дека јас и Индира имавме тешко детство и дека носиме лузни. Во песната се зборува за моето растење и ликот на татко ми - изјави тогаш Едита за медиумите и очигледно затоа коментарите беа исклучени.

Едита ја сподели истата фотографија и на Твитер со коментар:

- Би сакал да се сретнам себеси на мала возраст и да се прегрнам најсилно што можам!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Промотивно-едукативна теренска активност по повод Светската недела на доењето

Преку директна комуникација со мајките, тимот на Институтот обезбеди научно засновани информации и совети за придобивките од доењето.

Промотивно-едукативна теренска активност по повод Светската недела на доењето

По повод Светската недела на доењето (1–7 август), Институтот за јавно здравје, во согласност со Програмата за активна здравствена заштита на мајките и децата на Министерството за здравство, реализираше промотивно-едукативна теренска активност во ЈЗУ Универзитетска клиника за гинекологија и акушерство – Скопје.

За време на посетата, на идните и новите мајки им беа поделени информативни флаери за поддршка на доењето, како и едукативната брошура „Безбедно низ првата година“, која содржи практични препораки за превенција на повреди кај деца на возраст од 0 до 1 година.

Преку директна комуникација со мајките, тимот на Институтот обезбеди научно засновани информации и совети за придобивките од доењето, правилните практики при доење и важноста од безбедната грижа за новороденчето во првата година од животот.

Со оваа активност се заокружува одбележувањето на Светската недела на доењето, но Институтот за јавно здравје ќе продолжи со своите континуирани заложби за промоција, заштита и поддршка на доењето, како и за унапредување на здравјето на мајките и децата преку навремена едукација и достапни здравствени информации.

Институтот за јавно здравје упатува искрена благодарност до ЈЗУ Универзитетска клиника за гинекологија и акушерство – Скопје за укажаната поддршка, топлиот прием и успешната соработка во реализацијата на оваа активност. Заедничките активности и партнерскиот пристап се од особено значење за унапредување на здравјето и благосостојбата на мајките и новороденчињата

ИЈЗ

Тагови: ИЈЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Градот Скопје ќе се изврши авионската дезинсекција против ларви од комарци

Градот Скопје ги известува граѓаните дека ќе се изврши авионската дезинсекција на подрачјето на градот Скопје, против ларви од комарци.

Градот Скопје ќе се изврши авионската дезинсекција против ларви од комарци

Дезинсекцијата ќе се реализира на 11.08.2026 година (вторник), во раните утрински часови.

Доколку временските услови не го дозволуваат вршењето на дезинсекцијата, истата ќе се изврши првиот нареден ден, кога временските услови ќе бидат поволни, во истите термини.

Се известуваат пчеларите навремено да ги преземат потребните мерки за заштита на пчелите.

Тагови: комарци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гаши – Хрицова: Потврдена традиционално блиската соработка меѓу Македонија и Словачка

Претседателот на Собранието на Република Македонија, Африм Гаши, денеска оствари средба со амбасадорката на Словачката Република во земјава, Н.Е. Ивета Хрицова.

Гаши – Хрицова: Потврдена традиционално блиската соработка меѓу Македонија и Словачка

На средбата беше дискутирана традиционално блиската и пријателска соработка меѓу Македонија и Словачка, со посебен акцент на континуираниот политички дијалог и словачката поддршка за европските интеграции на нашата земја.

Претседателот Гаши изрази благодарност за принципиелната поддршка од Словачка во процесот на пристапување кон Европската Унија, како и за поддршката преку Вишеградската група во промовирањето на политиката на проширување и европската перспектива на земјите од Западен Балкан.

Амбасадорката Хрицова на средбата разговараше за унапредување на парламентарната соработка, особено преку пратеничките групи за соработка и размената на искуства меѓу парламентарните институти на двете земји.

Соговорниците ја истакнаа и важноста од понатамошно продлабочување на економската, образовната и културната соработка.

Во тој контекст, беше потврдена заедничката заложба за продолжување на интензивниот институционален дијалог и користење на парламентарната дипломатија како значаен инструмент за натамошно унапредување на билатералните односи.

Тагови: Африм Гаши

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер