Педесет години од турската интервенција на Кипар - Канал 5

Педесет години од турската интервенција на Кипар

50 години поделен Кипар: едни тагуваат, други слават на поделениот остров каде што тензиите тлеат пет децении.

Педесет години од турската интервенција на Кипар

Мицотакис и Ердоган на островот, но во различни делови.

Денеска се навршуваат 50 години од турската интервенција на Кипар, на 20 јули 1974 година, ден што традиционално се одбележува на островот – во северниот дел со прослава и присуство на турскиот претседател, во јужниот, во Република Кипар за сеќавање на црната годишнина во присуство на кипарскиот претседател и грчкиот премиер, јави дописничката на МИА од Атина.

Во Претседателската палата во Никозија претседателот на Република Кипар Никос Христодулидис вечерва ќе биде домаќин на настан на кој ќе им се обрати на присутните, а свое обраќање ќе има и грчкиот премиер Кирјакос Мицотакис, кој воедно е и првиот премиер на Грција што присуствува на годишнината од поделбата на островот.

На Кипар од вчера се и лидерите на СИРИЗА и ПАСОК, Стефанос Каселакис и Никос Андрулакис кои на одделни настани присуствуваат на манифестациите во Никозија.

Кипарскиот претседател во изјава за грчката новинска агенција АНА-МПА се осврна на „црната годишнина од предавничкиот пуч и варварската турска инвазија“, истакнувајќи дека она што сега се случува во Украина, „каде што меѓународната заедница со право реагира, се случи во европскиот Кипар пред 50 години“ со што се продолжува кршењето на основните човекови права.

- Ова е историската реалност во мојата земја. Реалност што ја прави неизбежна потребата да се стави крај на сегашното неприфатливо статус кво и да се реши кипарскиот проблем. Решение кое ќе биде во рамките на одлуките на Организацијата на Обединетите нации, целосно земајќи го предвид постигнатото од досегашните разговори, како и принципите и вредностите на Европската унија. Само едно трајно и одржливо решение на кипарското прашање ќе ги врати основните слободи и човекови права за сите, без исклучок, легални жители на Кипар, рече Христодулидис.

Објасни дека во тек е нова иницијатива на генералниот секретар на ОН за рестартирање на разговорите од каде што беа прекинати во летото во 2017 година, истакнувајќи дека прават сè што е можно за да создадат услови за продолжување на разговорите и „изнаоѓање решение кое ќе стави крај на окупацијата“.

- Сегашната состојба не само што не може да биде иднината на мојата татковина, туку не ја гарантира ниту иднината на кипарскиот хеленизам, истакна претседателот на Кипар.

Од друга страна, во самопрогласената Турска Република Северен Кипар, признаена само од Анкара, планирана е прослава „за 50-годишнината од мировната операција на Кипар“ на која ќе присуствува и претседателот на Турција Реџеп Таип Ердоган.

Од турското Министерство за одбрана на платформата Икс објавија видео-најава за „50-годишнината од среќната мировна операција“, а постот го започнаа со стих од песна „Не викај ме толку срдечно. Можеби ќе дојдам ненадејно една вечер“.

Паралелно ги повикаа сите „браќа и сестри од Кипар“ на парадата што ќе се одржи со учество на 50 турски бродови.

Лидерот на кипарските Турци, Ерсин Татар за Би-би-си рече дека денешниот ден е важна годишнина за нив, бидејќи пред 50 години беше спроведена „мировна операција“, а Турција „интервенираше за да ги заштити кипарските Турци, кои беа на работ на истребување“.

Во исто време, како што пишуваат медиумите во Турција, турскиот Парламент усвои резолуција по повод „50-годишнината од мировната операција на Кипар“, според која, „не може повеќе да се одложува заземањето на заслуженото место на Северен Кипар како независен и суверен член на меѓународната заедница“.

- Ја повикуваме меѓународната заедница да стави крај на нехуманата изолација наметната врз народот на кипарските Турци и да ја признае Турската Република Северен Кипар (ТРСК) на начин што го заслужува, се вели во резолуцијата усвоена во турскиот парламент.

На 20 јули 1974 година, како одговор на кипарскиот државен удар поддржан од грчката хунта пет дена претходно, што за цел имаше приклучување на земјата кон Грција, турските трупи го зазедоа на северниот дел на островот, односно 36 отсто.

Островот, оттогаш е поделен помеѓу Република Кипар, земја членка на ЕУ од 2004 година, управувана од кипарските Грци и самопрогласената Турска Република Северен Кипар, со прогласена независност во 1983 година и признаена само од Турција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Заштита на децата од сексуална злоупотреба: Можности за воспоставување национална линија за пријавување

Настанот се реализираше во рамки на проектот „Безбеден интернет за деца и млади“, кој го спроведува Првата детска амбасада во светот „Меѓаши“, во партнерство со ИМПЕТУС.

Заштита на децата од сексуална злоупотреба: Можности за воспоставување национална линија за пријавување

По повод Светскиот ден за спречување и заздравување од сексуална експлоатација, злоупотреба и насилство врз децата, денеска во Собранието се одржа настанот насловен „Заштита на децата од сексуална експлоатација и онлајн и офлајн злоупотреба: Можности за воспоставување национална линија за пријавување CSAM“.

Настанот се реализираше во рамки на проектот „Безбеден интернет за деца и млади“, кој го спроведува Првата детска амбасада во светот „Меѓаши“, во партнерство со ИМПЕТУС. Целта на проектот е воспоставување одржлив и интегриран национален систем за заштита на децата и младите во дигиталната средина, преку унапредување на постојните механизми за помош, советување и пријавување штетни и незаконски содржини на интернет.

Настанот го отвори пратеничката и претседателка на Клубот на жени пратенички во Собранието, Јованка Тренчевска, која во своето воведно обраќање ја истакна важноста од подигнување на јавната свест за ова исклучително значајно прашање. Таа се осврна и на Предлог-законот за заштита на малолетните лица при користење дигитални услуги и социјални мрежи, кој во моментов е во собраниска процедура.

Гонце Јаковлеска, претставничка на Цивика мобилитас, истакна дека нивниот фокус во овој период е премин од дијалог кон конкретни постигнувања. Таа нагласи дека веќе постојат истражувања и податоци кои ја потврдуваат сериозноста на проблемот и дека преку вакви иницијативи се очекува да се придонесе кон промени и воспоставување соодветни механизми за заштита.

Претседателката на ИМПЕТУС, Лилјана Пецова Илиеска, ја истакна улогата на организацијата во поддршката на младите, особено како поврзувачка точка меѓу граѓаните и институциите. Таа посочи дека граѓаните можат да се обратат до ИМПЕТУС за проблемите со кои се соочуваат на дигиталните платформи и да добијат соодветна консултација и насоки за понатамошно постапување.

Меѓу клучните предизвици што ги посочи беа сложеноста на механизмите за пријавување проблеми на дигиталните платформи, недоволната информираност за постојните механизми, како и поврзаноста меѓу заканите во дигиталниот простор и последиците во реалниот живот.

Директорот на Првата детска амбасада во светот „Меѓаши“, Жарко Змијанац, нагласи дека основната улога на организацијата е застапување на правата и потребите на децата, поради што е неопходно да се изнајдат функционални механизми и соодветни форми на заштита.

Тој посочи дека, само 0,2 проценти од постојните случаи се пријавени на СОС-линијата, што укажува на сериозен проблем со недоволната доверба кај младите и нивната информираност за тоа каде и кому можат да се обратат.

Како еден од приоритетите ја истакна потребата од унапредување на платформата „Ало Бушавко“ и линијата 116 - 111, со цел нивно зајакнување како доверливи контакт-точки преку кои децата и младите ќе можат да пријават различни форми на насилство и да добијат соодветна поддршка.

Во продолжение следеше онлајн презентација на Клои Комсток од Меѓународната мрежа на линии за пријавување материјали со сексуална злоупотреба на деца – INHOPE, на тема „Како функционираат линиите за пријавување и меѓународната соработка“. Презентацијата ги опфати функционирањето на овие механизми, нивната улога во откривањето и пријавувањето незаконски содржини, како и значењето на меѓународната соработка.

Во рамки на понатамошната дискусија беа опфатени улогите и надлежностите на клучните институции во процесот „Од пријава до институционално постапување“, со посебен осврт на Министерството за внатрешни работи, Јавното обвинителство и институциите надлежни за заштита на децата.

Беше разгледана и судската перспектива во постапувањето по предмети поврзани со материјали со сексуална злоупотреба на деца (CSAM), при што беше истакнато значењето на навременото пријавување и зачувувањето на доказите.

Како клучни заклучоци од настанот беа издвоени: Подготовка на нацрт-модел за воспоставување национална линија за пријавување материјали со сексуална злоупотреба на деца (CSAM), кој ќе биде доставен до надлежните институции; Зајакнување на капацитетите на институциите и стручните служби преку специјализирани обуки; Унапредување на координацијата и соработката меѓу институциите и граѓанските организации; Подобрување на информираноста и довербата кај децата и младите во постојните механизми за пријавување и поддршка; Зајакнување на стручните служби во образованието во препознавањето и соодветното постапување во случаи на насилство и злоупотреба.

Настанот ја потврди потребата од координиран пристап, функционални механизми за пријавување и институционална подготвеност, со цел секое дете да има пристап до навремена, доверлива и соодветна заштита, како во дигиталната, така и во реалната средина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вештачката интелигенција станува сè поважна за развојот на компаниите

Вештачката интелигенција станува сè поважна за развојот и конкурентноста на компаниите. Нејзината примена може да им овозможи побрзо работење, поголема продуктивност и полесен пристап до странските пазари.

Вештачката интелигенција станува сè поважна за развојот на компаниите

Министерот за дигитална трансформација Стефан Андоновски предупредува дека компаниите кои нема навреме да се приспособат на новите технологии ризикуваат да заостанат зад конкуренцијата.

Но, за вештачката интелигенција да придонесе за побрзи јавни услуги и развој на домашните компании, потребна е и соодветна инфраструктура, која засега претставува еден од главните предизвици.

„Клучот ќе биде институциите побрзо малите и средните претпријатија да прифаќаат употреба на вештачката интелигенција за да ги забрзаат процесите и да си помогнат во сопствениот раст, а јавната администрација побрзо да испорачува услуги за граѓаните.Ние имаме еден голем недостаток на којшто работиме целиот изминат период тоа е непостоењето на големи податочни центри,којашто таа вештачка интелигенција ќе ја процесираат тука во Македонија, предолго време се залажуваме дека со употреба на туѓи податочни центри , туѓи системи,туѓи агенти ќе успееме да развиваме македонски развој. Што се однесува до талентот, до вештината тука воопшто не заостануваме како држава, мислам дека сме на едно исклучително високо ниво“--Стефан Андоновски.

Владата најавува поддршка за развој на ИТ-индустријата, со фокус на подобрување на законската регулатива и дигиталната инфраструктура. Целта е создавање услови за нови инвестиции, отворање работни места и поголема економска вредност

„Се работи за тема којашто е во топ три теми во светот во моментов. Ние како Влада се обидуваме да ги овозможиме сите услови, и на легислатива и на инфраструктура, со цел да може ИТ-индустријата да расте, да се отвораат нови работни места, да се создава додадена вредност и на тој начин, секако, да расте и економијата.“ --Александар Николоски.

Од Стопанската комора за информатички и комуникациски технологии –МАСИТ , во чија организација денес на годишната конференција со учество на домашни и меѓународни експерти, порачаа дека новата генерација вештачка интелигенција отвора нови можности за развој на бизнисот и домашната ИКТ-индустрија.

Еден од клучните проекти за примена на вештачката интелигенција е „Везилка“, вреден над пет и пол милиони евра, кој предвидува развој на јазичен модел на македонски јазик и воведување дигитални алатки во институциите. Веќе се потпишани меморандуми за соработка со Собранието и Министерството за образование и наука.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Речиси една година без плата – работниците на „ФАКОМ“ на протест пред Граѓанскиот суд

Со блокада на улицата пред Граѓанскиот суд, вработените од металопреработувачката команија „Факом“, го изразија незадоволството од повеќектатното одложување на постапката за отворање стечај. 

Речиси една година без плата – работниците на „ФАКОМ“ на протест пред Граѓанскиот суд

Од судот пак попладнево соопштија дека е донесено решение за отворање стечајна постапка над фирмата и е назначен стечаен управник. Денешното рочиште беше четврти обид за отворање стечај, откако претходните три биле одложени..Вработените велат дека иако компанијата имала нарачки и работа, тие од 15 април преставале да одат на своите работни места, бидејки од јануари живеат без плата, а регрес за годишен одмор не земале од 2022 година.Од синдикатите бараат судовите да даваат приоритет на ваквите предмети, бидејки зад секоја одложена постапка, велат стојат стотици работници и семејства кои со месеци и години чекаат на своите заработени пари.

-10 месеци се оставени на милост и немилост од сите. 10 месеци без придонеси и плата, 10 месеци без здравствено осигурување. Размислете, околу 500 фамилии во денешно време без здравствено осигурување. Која голгота преживуваат овие луѓе позади мене тука,- Аднан Узеировски - претставник на синдикатот на „Факом“.

„Факом“ како компанија во изминатиот период, а и моментално, има работа, има нарачки, но од нас непознати причини компанијата не може да ги исплати платите за нашите вработени. Револтот е насочен моментално према овој суд, бидејќи мислиме дека три пати одложување на едно рочиште за отворање на стечајна постапка,- Игор Герасов, претседател на синдикат на индустрија, енергетика и рударство.

На проетстот се приклучија и поранешни вработени во градежната компанија Бетон..Иако во нивниот случај стечајна постапка е отворена, велат дека веќе пет години ги чекаат заостанатите поабрувања.

-Дел од вработените позади нас се поранешни вработени од градежништво „Бетон“, каде што работодавачот е исти и на „Факом“ и на „Бетон“, меѓутоа за нивна среќа во тоа време се отвори стечајот, по неисплатени осум плати и два регреси за годишен одмор, но петта година веќе нема никаква исплата. Затоа замолуваме да каже и судијката и стечајниот управител до кога овие луѓе ќе чекаат, бидејќи сè понетрпеливи се и не се во ситуација да најдат нова работа или не се во години да можат да работат за да ги прехранат семејствата, едноставно си ги чекаат овие заостанати плати и регрес,- Иван Пешевски - Синдикат за градежништво.

Од основниот граѓански суд сооштија дека формалното речение за отворање на стечајна постапка над „Факом“ дополнително ќе биде изготвено и објавено во Службен весник.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер