Патриоти за Европа нова група во ЕП или само ново име за десничарската Идентитет и демократија - Канал 5

Патриоти за Европа нова група во ЕП или само ново име за десничарската Идентитет и демократија

И покрај најавите за можно напуштање на групата и преминување во Патриоти за Европа, полската ПиС сепак остана дел од ЕЦР, која во моментов со 84 пратеници е трета по бројност пратеничка група во Европарламентот. 

Патриоти за Европа нова група во ЕП или само ново име за десничарската Идентитет и демократија

Минатата недела Фидес – Унгарска граѓанска алијанса на унгарскиот премиер Виктор Орбан, Партијата на слободата на Австрија (ФПО) на поранешниот австриски министер за внатрешни работи Херберт Кикл и Акцијата на незадоволни граѓани (АНО) на поранешниот чешки премиер Андреј Бабиш најавија формирање на нова десничарска политичка група во Европскиот парламент под името Патриоти за Европа.

Формирањето на Патриоти за Европа беше протолкувано како создавање на „десничарска супергрупа“, што беше најавувано во последните месеци од повеќе партии на десницата со спојување на досегашните групи Европски конзервативци и реформисти (ЕЦР) и Идентитет и демократија (ИД).

Но, во меѓу време во средата се конституираше десничарската група Европски конзервативци и реформисти (ЕЦР), која за свои копретседатели ги избра Никола Прокачини од партијата Браќа на Италија (ФДИ) на италијанската премиерка Џорџа Мелони и Јоахим Бруџински од полската Право и правда (ПиС) на Јарослав Качински. За потпретседатели беа избрани Асита Канко од белгиската Нова фламанска алијанса (Н-ВА), Ерман Терч од шпанската Вокс, Александр Вондра од чешката Граѓанска демократска партија (ОДС) и Чарли Вејмерс од Шведските демократи (СД).

И покрај најавите за можно напуштање на групата и преминување во Патриоти за Европа, полската ПиС сепак остана дел од ЕЦР, која во моментов со 84 пратеници е трета по бројност пратеничка група во Европарламентот.

Пратеничка група во Европскиот парламент може да формираат најмалку 23 пратеници, кои при тоа мора да доаѓаат од најмалку една четвртина од земјите членки на ЕУ или во сегашниот случај од најмалку седум. Трите партии „основоположници“ на Патриоти за Европа заедно имаат 24 европратеници, но за да го исполнат вториот услов ќе треба да им се придржат партии или пратеници од најмалку уште четири земји членки.

Како можни членки на групата се споменуваат и бугарската Преродба, шпанската Забавата заврши (САЛФ) и словачкото Движење Република, кои заедно имаат осум мандати и кои сега не се дел од ниту една групација. Како потенцијален член се споменува и партијата Алтернатива за Германија (АДФ) со нејзините 15 европратеници, која во мај беше исклучена од Идентитет и демократија (ИД) и по одбивањето на групата за нејзини повторен прием по Евроизборите, најавуваше формирање сопствена пратеничка групација.

Но, кругови во Европарламентот посочуваат дека интерес за пристапување кон Патриоти за Европа пројавиле и партии членки на ИД, меѓу кои и партијата Лига на италијанскиот вицепремиер и министер за инфраструктура и транспорт Матео Салвини, која само неколку часа по промоцијата на новата група ја поздрави иницијативата оценувајќи ја како „нова алтернатива за борба против деструктивната левица“.

- Сакаме да го зголемиме опсегот на силна, патриотска и кохезивна група, која ќе се спротивставува на тајни договори, беше наведено во соопштението на Лигата.

Според партијата, со ова се оствариле надежите на Салвини за „обединување на европските патриоти“ и здружување на „што е можно повеќе партии, кои имаат за цел да изградат поинаква ЕУ без левичарите кои ја уништија Европа во последниве години“ и кои нема да го поддржат реизборот на Урсула фон дер Лајен на функцијата на претседателка на Европската комисија.

Лидерот на осумте европратеници на Лигата, Марко Зани во вторникот за весникот „Кориере дела сера“ изјави дека Патриоти за Европа е „најинтересниот алтернативен проект во Европа“, што дополнително ги подгреа шпекулациите за можно „прелетување“ на партијата во новата групација.

Дополнително како потенцијални членки на Патриотите за Европа се посочуваат и португалската Доста е (Чега), холандската Партија за слободата (ПВВ), белгиската Фламански интерес (ВБ) и Данската народна партија, кои сега се дел од семејството на ИД.

Засега во врска со Патриотите за Европа се нема изјаснето најголемата партија во ИД, францускиот Национален собир (РН) на Марин Ле Пен, кој „носи“ 30 од сегашните 52 пратеници на групата.

Според извори во ЕП, Ле Пен наводно чека да завршат парламентарните избори во Франција, чиј втор круг се одржува денеска, по што ќе објави дека РН ќе се приклучи кон Патриотите за Европа. Ова практично би значело крај на Идентитет и демократија, со крајна цел обединување на сите десничарски сили кои не се членки на ЕЦР.

Европратеник за „Еурактив“ изјавил дека Ле Пен, Орбан и другите партии уште пред минатата недела се договориле ИД да престане да постои и да се формира нова група. Според европратеникот, за кој се тврди дека е „добро информиран за случувањата“ во таборот на десницата, тие веќе се договориле и за поделба на раководните позиции во новата група.

Ова практично би значело само преименување на Идентитет и демократија во Патриоти на Европа, односно тоа би била истата група на екстремната десница, зајакната со партиите на Орбан и Бабиш, кои освоија најмногу гласови на евроизборите во нивните земји.

Доколку се остварат ваквите најави, Патриотите за Европа би имале околу 95 пратеници со што би ја презеле „титулата трета политичка сила во Европарламентот“ од ЕЦР и би ја потиснале либералната група „Да ја обновиме Европа“ на петтото место според бројноста.

Бидејќи поделбата на функциите во Европскиот парламент се врши според Д’Онтовиот модел врз основа на бројноста на пратеничките групи, Патриоти за Европа би имале право да добијат двајца потпретседатели на ЕП и тројца претседатели на парламентарни комитети.

Претседателите на комитетите се избираат одделно со апсолутно мнозинство гласови, па можно е партиите од т.н. „проевропско“ мнозинство – десно центристичката Европската народна партија (ЕПП), социјалдемократите и либералите, поддржани од Зелените и Левицата, да го активираат т.н. „санитарен кордон“, термин кој се користи за неформалниот договор за несоработка со екстремната десница, и да го блокираат изборот на кандидатите на Патриоти за Европа за овие функции.

Но, 14-те потпретседатели на Европскиот парламент се избираат во три круга, при што во првите два круга за да бидат избрани на кандидати им треба апсолутно мнозинство, додека во третиот круг доволно е и просто мнозинство, што би им овозможило на Патриотите за Европа, со поддршка на ЕЦР, да биде избран барем еден од нивните кандидати, доколку гласовите на останатите групи се поделат помеѓу неколку претенденти за функцијата.

Дополнително, Патриотите на Европа заедно со ЕЦР би можеле да го формираат т.н. „блокирачко малцинство“ во Европарламентот, со што би го блокирале или успориле усвојувањето на некои законски регулативи, пред се оние поврзани со заштитата на животната средина, во што би можеле да им се придружат и пратеници од другите групи, пред се од ЕПП.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Началникот на Генералштабот на Армијата на состанок на началниците на генералштабовите на земјите членки на Иницијативата за соработка во одбраната – DECI

Началникот на Генералштабот на Армијата, генерал-мајор Сашко Лафчиски, утре во Тирана, Република Албанија, ќе учествува на редовниот годишен состанок на началниците на генералштабовите на земјите членки на Иницијативата за соработка во одбраната

Началникот на Генералштабот на Армијата на состанок на началниците на генералштабовите на земјите членки на Иницијативата за соработка во одбраната – DECI

Началникот на Генералштабот на Армијата на состанок на началниците на генералштабовите на земјите членки на Иницијативата за соработка во одбраната – DECI (Defence Cooperation Initiative)

Началникот на Генералштабот на Армијата, генерал-мајор Сашко Лафчиски, утре во Тирана, Република Албанија, ќе учествува на редовниот годишен состанок на началниците на генералштабовите на земјите членки на Иницијативата за соработка во одбраната – DECI (Defence Cooperation Initiative).

На состанокот ќе присуствуваат и високи воени претставници на НАТО и ЕУ, меѓу кои заменик-командантот на Здружената команда на НАТО во Неапол, командантот на мултинационалните копнени сили, командантот на КФОР и командантот на ЕУФОР.

Во фокусот на дискусиите ќе бидат актуелните безбедносни предизвици во регионот, воената соработка во рамките на DECI и НАТО, како и можностите за продлабочување на одбранбената соработка и заедничките обуки.

За време на работните сесии, генералот Лафчиски ќе има свои излагања во кои ќе ја потврди посветеноста на нашата држава кон колективната безбедност и улогата на Армијата во рамките на оваа иницијатива, како сигурен партнер во зачувувањето на мирот и стабилноста на Балканот.

На крајот од конференцијата ќе се утврди динамиката за следните заеднички проекти, а началниците на генералштабовите ќе потпишат заедничка изјава за соработка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вечерва на сцената на Македонската филхармонија два оркестра, два града

 „Профундис“ од Скопје и „Камерата“ од Нови Сад вечерва за првпат заедно на сцената на Македонската филхармонија, под диригентската палка на маестра Ѓурѓица Дашиќ

Вечерва на сцената на Македонската филхармонија два оркестра, два града

СКОПЈЕ, 19.11.2026: Вечерва, во 20:00 часот, во Големата сала на Македонската филхармонија, Камерниот оркестар „Профундис“ од Скопје и оркестарот „Камерата“ од Нови Сад ќе настапат како еден голем музички состав, под диригентската палка на маестра Ѓурѓица Дашиќ.

Музичарите од двата града ја споделуваат сцената во изведба во која оркестарот е вистинскиот главен актер. Наместо два ансамбли што настапуваат еден покрај друг, публиката ќе слушне една музичка целина, изградена од искуствата, изведувачките сензибилитети и уметничката енергија на двата оркестри.

„За мене, посебната вредност на овој концерт е во тоа што на сцената нема да имаме два оркестри кои само настапуваат еден покрај друг, туку два ансамбли кои преку заедничката работа создаваат една музичка целина. Соработката со Камерата ни овозможува да го прошириме музичкиот простор, да ја почувствуваме силата на поголемиот ансамбл и да создадеме изведба во која оркестарот е вистинскиот главен актер. Верувам дека публиката ќе ја препознае енергијата, посветеноста и музичката комуникација што стојат зад овој проект“, вели маестра Ѓурѓица Дашиќ, основач и диригент на „Профундис“.

Вечерната програма обединува четири дела од различни епохи и стилови. Публиката ќе ја доживее возвишената и полифонична звучност на „Фантазија на тема од Томас Талис“ од Ралф Вон Вилијамс, ритмичката динамика и современиот израз на „Последен круг“ од Освалдо Голијов и „Свита за гудачки оркестар“ од македонскиот композитор Стојан Стојков, а вечерта ќе ја заокружи темпераментната и виртуозна „Свита Кармен“ од Жорж Бизе, во оркестарска обработка на Родион Шчедрин.

Од суптилноста на музичките линии до ритмичката енергија и драматичните контрасти, секое дело носи поинаков предизвик и ја покажува ширината на изразните можности на заедничкиот ансамбл.

Со ваквите проекти, „Профундис“ продолжува да ја развива својата уметничка мисија, да воспоставува меѓународни соработки и да ја збогатува концертната сцена со внимателно осмислени музички продукции.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ЕК предлага нов заем за Украина од 45 милијарди евра

Претседателката на Европската комисија, Урсула Фон Дер Лајен, предложи нов заем од 45 милијарди евра за Украина за 2027 година, обезбеден преку заедничко задолжување на ЕУ со гаранција од европскиот буџет.

ЕК предлага нов заем за Украина од 45 милијарди евра

Од пакетот, 25 милијарди евра би биле наменети за воени потреби, а 20 милијарди за буџетска поддршка. Средствата треба да покријат приближно две третини од очекуваниот финансиски недостиг на Киев од 70 милијарди евра следната година.

Според предлогот, Украина би го враќала заемот откако Русија ќе плати воени репарации. За одобрување е потребна едногласна поддршка од сите 27 членки, а противењето на Унгарија, Словачка, Чешка и Бугарија може да го забави договорот пред европскиот самит следната недела.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер